12月唔好去北海道環道遊..13日環道遊

最尾張相咁興奮
去到網走終於好天
旅行如果日日都天氣差會好sad

最尾果張係由流冰館睇住google maps去北方民族館, 中間其實係無行人路, 不過無人到一個點, 所以做咩都得既情況下, 影啲比較文青啲既on9相

第七日, 大移動,目的地係根室

朝早9點左右啦,
為左可以將個29吋喼送到去車站,
我早到9點就出門口, 因為dormy inn同網走駅個距離真係幾遠
我拖左半個鐘, 條腰差啲斷,

前兩日經過都無影底既車站

其實車站門口都唔少酒店~


さらばだ、網走

快速しれとこ摩周号

釧網本線係道東左砍右砍, 砍到無得再砍既其中幾條道東生命線..


我想講, 唔洗去江之島影海邊車站, 去道東釧網本線啦,
是但幾個站都可以影到,

特別要講下知床斜里駅, 其實夏天既話黎呢到一定會係留一日,
知床五湖都想去一次

但係我冬天去都要講?
原因係呢個超可愛既車內販賣員伯伯

北海道既雪糕, 比幾百円食一次都抵


同埋, 呢架快速, 只係比普通快10分鐘, 中途司機都換左幾個

釧路濕原站只有一去一回快速會停站, 普通係唔會停呢個站

坐左我3個鐘多啲就到釧路駅, 釧路出名係dying city
https://www.youtube.com/watch?v=wBYz7yjMXGY
不過佢同網走比, 網走真係人少好多,

景點不外乎和商市場同幣舞橋



和商市場入面最好既地方係買左飯再行一間買一間,
響道東見到最多外國人



行完幣舞橋走返車站之前周圍行下啦, 比我見到呢部野, 我笑到傻左

蟹都有得你夾


短短兩個半鐘, 我就走啦,

花咲線, 不過花咲駅無左..

唔好彩地, 入閘果陣多左班小學生團...
full到一個點..不過佢地都比左個位我坐.
之後成班細路坐哂響地下到



今晚都係要坐的士去airbnb, 因為真係幾遠, 同埋出面天都黑哂...

本來有三個人住....兩個出左去飲, 飲到好夜先返..
就無理佢地瞓左..





駅弁係貴, 但係好食

隻蟹識郁㗎喎點夾

Push

夏天 知床啲食野食超好食 好懷念
睇完你遊記 真係唔想冬天去

哇屌呀 19日先30000邊係有錢到呀？
唔計機票酒店車，1000一日都唔知有無

計哂所有開支

大約係
370000yen+
6500HKD(JR Pass+機票來回同去稚内果程+一晚airbnb)

我果陣兌0.0699
大約33000hkd...

如果唔包我啲同人本, -7000左右
即係26000hkd

講到北海道
就即刻諗起荒川牛媽同ゴールデンカムイ

7000成十萬yen
試過買本買四萬yen到已經好鬼重

第八日, 根室到此一遊

一早將個喼運返去車站先(巴士), 反正根室車站都有coin locker, 數量唔多, 不過都算有兩三個大位放,
之後有啲時間, 所以就行左陣巴士站既個根室市観光information centre

都幾多紀念品賣, 特別係鐵路迷既話,


不過今日我影左好少相..

今日其實得一個地方去, 黎得根室, 當然係有幾東去幾東,




黎到你會學到既係二戰蘇日之間歷史
短短十幾日就無左北方四島,

日本仔每日都望到既貝殼島, 就響前面幾km以外既地方




如果你對觀鳥有興趣既都可以黎, 佢燈塔前面有個位比人影




btw, 去到.........同宗谷岬一樣, 都係無咩店舖開門, 我去到係見到一間開門....仲要係無開燈..

個巴士司機等左我兩分鐘, 明明過左時間,

巴士其實係接JR...
但係個喼要時間拎返出黎同埋打算周圍行下, 我揀左下一班車


之後我後悔, 因為車站出面連食野既地方都好難搵, 哈哈..

鳩行都搵到間食蕎麦既


差啲想行出去海邊睇海鷗
最後就等到有車黎就入閘, 北海道好多有職員既車站,
如果本身班數少既話既話,
通常都係會響火車黎, 等到車箱比職員清潔哂之後先比你入月台,



所以影相時間其實好少, 啲人放底啲野響車之後都會跑返出黎影相,
根室既夕陽我諗我呢一世都記得








Airbnb 個主人琴日其實同我講話根室夏天多啲野睇,

我自己就.....如果有fd要我陪佢黎既我都會黎既, 到時個站應該未死掛...

大移動?其實都係去到帯広駅, 大家請記著, 北海道既火車, 好多時都係單線, 且好多時都會有動物行過, 所以轉車要快同埋要知咩月台上車, 今次去到釧路駅佢遲左幾分鐘, 我轉下一班スーパーおおぞら, 差啲無左架車..


係啊, 我放哂啲野之後影左呢張相之後唔夠5秒就差啲上唔返架車...自己都嚇親..

到左帯広之後先落車影返個車牌,


去到住東橫inn, 東橫inn比一個去慣日本既人黎講, 一定識....
間間房都近乎一模一樣
相就唔影啦,

響釧路買唔到駅弁, 咁我就去到帯広先搵野食,
呢日係22.12.2018, 所以係放假之前果日, 帯広既繁華街開到好好好好夜...
夜晚10點都仲有好多人
我呢啲超級毒撚都係食返拉麵算..




第八日就咁好普通咁完左, 明日又一個半後悔行程..

第九日, 帯広

無車唔建議大家去愛國同幸福站
因為班次少得黎景點無咩野睇


一早氣溫, -6度,
其實-6度又唔真係叫好凍,
我自己就
雪褲+羽絨(入面有一件長衫+外套一件)
鞋都係波鞋
例子:


-10度其實都仲可以頂到, 最好既係今次去到暖氣既地方, 除左件羽絨後就KO

馬場要下午先有比賽, 所以就打算上午去左愛國駅同幸福駅

去到之後我後悔了...
5分鐘其實可以行完, 但係去幸福駅要個半鐘之後先有車...
返去就一個鐘...
我就留左響愛國到留左一個鐘就走..





架火車都影唔到....唉..




最後呢張...........wtf...

坐巴士返去市中心搵野食..

唔講唔知既係, 係7-11公司開.


下午係帯広競馬場



細路係可以入場玩,
可以睇比賽, 仲有餵馬食紅蘿蔔


響帯広係世界上唯一要拉埋架車既比賽,
車係有路軌, 馬只係向前行






因為係冬天, 通常啲人要到比賽果陣先會行出黎睇
啲人係跑得快過馬,





今日行程就咁, 本來第二日仲有諗去十勝川温泉, 不了, 太遠,
之後果日返札幌啦~

下個月中去11日北海道
本身好期待 睇完個遊記好似 好多野煩 全部都係積雪

2月??
2月好多祭典, 應該多人好多, 同埋2月係冬季休業之後
應該多返好多野睇

Push

原來道東架jr都咁多人

只係好彩果日特別多人

第十日 - 再來札幌,

第一次黎北海道係同屋企人黎,
今次就得我一個, 今次黎北海道, 我盡量都去啲自己未去過既地方, 不過我自己都唔太記得自己細個去過邊到黎

朝早特急スーパーとかち返札幌, 會識十勝呢個地方都係因為idol master.........



右邊齊哂去帯広既景點~

差唔多三個鐘頭車就到


特別介紹, 呢個睇落去好似垃圾桶/回收桶既野,


佢係用黎裝防滑沙, 個個智障都當係垃圾桶, 個個都知日本街邊少垃圾桶,
北海道周圍都會有呢啲沙, 比工作人員/居民用, 唔好再當係垃圾桶

plan既時候用一日行札幌一日小樽, 所以宜家多左一日札幌出黎就將景點list哂出黎再慢慢玩

第一站係白之戀人公園, 可惜既係工場大修中, 入唔到去睇製造過程
咁就響出面睇同入去買下手信咁,




好撚多大陸人,

入面有雪糕一定要試, 北海道食左好多奶製品, 係稚内同知床仲有呢到既雪糕係最高級,

下午去左食個拉麵, 當午餐~



今日既行程入面, 特別去左一個同香港信和/日本秋葉原既地方
上網搵 札幌 オタク街 既話應該會搵到

丸大ビル, 其實我最主要係去とらのあな, 為既係秋葉原一早無哂既扭蛋


開心既, 唔響札幌搵應該世界無咩地方搵到, 抽左17次齊左, 開心,

明天, 去一個你一定不認識的小樽

bookmarked
嚟緊會去札幌小樽
等睇巴打學嘢

小樽可能唔太幫到你, 平時啲人去既運河同玻璃果啲我無去到

記住去小樽市綜合博物館（鐵道館） 同 舊手宮線

兩度睇相幾靚
應該要留返冇雪嘅季節去了

未必嘅
想問巴打白之戀人雪糕
係咪得嗰度先有得食
定商場都有分店食
諗住去到瘋狂食雪糕

分店無去過, 見佢應該都唔會響出面有得賣