第三日, 酒店check out, 行李留底夜晚先返黎攞,
本身無早餐食, 就去便利店食啦,
![](https://sociorocketnews.files.wordpress.com/2014/07/butadon_05.jpg)
借圖
セコマ係北海道最強便利店, 稚内要搵lawson,係一間都無, 其他唔知,
但係セコマ行過幾條街都有2,3間.
食野就響出面食, 就見到除雪車, 平時只係睇youtube先見到既野, 今日響我眼前望到, 揸呢間車條友型撚到爆
![](https://na.cx/i/nLUbNoS.jpg)
唔係一早起身都睇唔到除雪車
今日其實都係得一個地方去, 宗谷岬
![](https://na.cx/i/UTu3Dv2.jpg)
日本最北去左, 想攞證明既, 不過無一間店舖係開門做生意, 一過11月, 冬期休業, 我都係第一次聽呢樣野, 好彩仲有呢部日本最北既汽水機
![](https://na.cx/i/ZMsdgiH.jpg)
連加油站都係叫最北, 不過呢間係我見過唯一一間有人開門做生意既店舖
上面有一大堆和平紀念既石碑, 藝術品, 全部都係大風雪下, 啲介紹牌都係
除雪前
![](https://na.cx/i/NABULcY.jpg)
除雪後
![](https://na.cx/i/smefuE5.jpg)
返市內行多次副港市場,
佢有間拉麵店只係開11-2, 我同個老闆娘吹左陣水, 食佢1000yen野算
![](https://na.cx/i/FrBaiyP.jpg)
宗谷鹽其實同一般既有少少唔同, 無想像中咁鹹,
反正之後幾個鐘都係無野做, 本身要5點先有車去旭川, 所以就有2-3個鐘行街,
稚内同南稚内兩個車站, 一個通常係遊客, 另一個就係居民多, 所以有好多店舖靠北少少既都無咩生意做, 間間都話就執..
咁我就打算行過去南車站果邊, 本身有shopping mall行下, 又有m記想食, 點知行到一半見到呢張圖
![](https://na.cx/i/5ofygnv.jpg)
好, 我放棄, 結果返到去酒店果陣都天黑, 要準備拖行李去車站..
去到其實大把野影, 因為本身個車站都係特色黎
不過入面就要車黎到先比入, 有無pass都係咁話..
![](https://na.cx/i/3R4SwWN.jpg)
所以都係影得好趕,
我走啦, 最北,
坐特急宗谷最好既地方係有插頭, 平時要green車先有既野宗谷都有
去到旭川, 個站比稚内仲大仲靚,
![](https://na.cx/i/PJ5eLiH.jpg)
北海道大城市有啲路面地底本身有發熱線, 不過行果陣有雪既話好好多, 因為雪本身係乾身, 發熱線既地面係好濕好易P...
酒店就唔影啦, 我都係第一次見咁細間既酒店..