12月唔好去北海道環道遊..13日環道遊

第三日, 酒店check out, 行李留底夜晚先返黎攞,

本身無早餐食, 就去便利店食啦,


借圖

セコマ係北海道最強便利店, 稚内要搵lawson,係一間都無, 其他唔知,
但係セコマ行過幾條街都有2,3間.

食野就響出面食, 就見到除雪車, 平時只係睇youtube先見到既野, 今日響我眼前望到, 揸呢間車條友型撚到爆

唔係一早起身都睇唔到除雪車

今日其實都係得一個地方去, 宗谷岬

日本最北去左, 想攞證明既, 不過無一間店舖係開門做生意, 一過11月, 冬期休業, 我都係第一次聽呢樣野, 好彩仲有呢部日本最北既汽水機


連加油站都係叫最北, 不過呢間係我見過唯一一間有人開門做生意既店舖


上面有一大堆和平紀念既石碑, 藝術品, 全部都係大風雪下, 啲介紹牌都係
除雪前

除雪後



返市內行多次副港市場,
佢有間拉麵店只係開11-2, 我同個老闆娘吹左陣水, 食佢1000yen野算
宗谷鹽其實同一般既有少少唔同, 無想像中咁鹹,

反正之後幾個鐘都係無野做, 本身要5點先有車去旭川, 所以就有2-3個鐘行街,

稚内同南稚内兩個車站, 一個通常係遊客, 另一個就係居民多, 所以有好多店舖靠北少少既都無咩生意做, 間間都話就執..

咁我就打算行過去南車站果邊, 本身有shopping mall行下, 又有m記想食, 點知行到一半見到呢張圖

好, 我放棄, 結果返到去酒店果陣都天黑, 要準備拖行李去車站..

去到其實大把野影, 因為本身個車站都係特色黎



不過入面就要車黎到先比入, 有無pass都係咁話..

所以都係影得好趕,


我走啦, 最北,

坐特急宗谷最好既地方係有插頭, 平時要green車先有既野宗谷都有

去到旭川, 個站比稚内仲大仲靚,


北海道大城市有啲路面地底本身有發熱線, 不過行果陣有雪既話好好多, 因為雪本身係乾身, 發熱線既地面係好濕好易P...


酒店就唔影啦, 我都係第一次見咁細間既酒店..

上次去住咗dormy, 間房好撚大間

留名。一八年二月都去左北海道還道遊

LM

看來各位好鍾意落雪去北海道，
但我夏天去食又多啲，去到宗谷山上面食牛，又去到樺太食堂，最過癮係行行下會有鹿！

第四日, 旭川

旭川站真係好大, 佢左邊係aeon, 右邊係巴士站


今日係旭川動物園, 所以就去搵巴士站, 不過無論幾凍都好, 都要早少少去, 因為好多人會唔怕凍死一齊響出面排(痴線), 上車係超full先開車..

其實去到係未開門

我第一次見到有外國人...唉..嘈撚到啊..

入左去之後一定要睇呢個餵食表演時間表

當日好多時都同場刊有唔同安排

入到去唔洗諗, 一定係企鵝散步


本身講解得日文,
其實園方係想我地唔好過紅線同踎底, 等後面啲人都睇到,


其他相就過下場啦,



隻長頸鹿出世無耐, 都係最近先改左名

最多外國人都係呢到

太陽就落山前走, 搵晚餐, 拉麵村..

拉麵村有8間店舖, 有2間係無開門, 咁我就搵最出名果間食,
夜晚電話真係超垃圾,
黎到無理由去一次食一碗就走,反正又無JR走返去旭川,

所以就響附近uniquo行左一陣就去多一間食多碗, 咁又一日,

道東係, 啲景點好多都火車去唔到, 冬天連車路都無, 要去真係夏天同有車先好去

JR,
有好多景點之後係cut左同本身知無車所以無Plan落去

本身因為有落東京, 加埋19日左右

唔計自己啲毒野應該30000hkd左右

另外其實我有好多無去, 環島其實15-20日詳細玩都得

第五日, 浪費既一日,

旭川有好多景點, 最出一定係動物園, 琴日去左..
但係第二日我仲響旭川, 又唔知做咩好

之前係定左去花咲スポーツ公園, 但係怕去到咩都無, 同怕玩既話會整親就比我飛左..

得返科學館比我行下..
難得有一個planetarium,天文望遠鏡, 地震體驗比我玩下,

好的, 是日大雪, 積雪大約10-20cm左右, I want to die..

坐巴士去...去到就打算睇定有咩車返去JR旭川站


wtf, 個巴士牌變成咁, 算...入去睇一陣先,


入左去先知今日本來planetarium個節目比一班小4既學生NTR左, 變左小學教書節目太陽與月亮, 咁我就當係瞓下覺...


上到去睇,天文望遠鏡

WTF x2, 我開始討厭積雪..

入左去都係開唔到比你睇, 唉...


地震體驗個野壞到一個點...
sensor太敏感, 一有事就唔震...屌

走返出去先發現巴士要半個鐘先出到去, 咁我就去埋個lunch先返去...
返到去又搵野行, 咁搵搵下得返旭川市博物館..
呢個連影相既價值都無...
有既...

睇到呢個諗起steins;gate..

返酒店攞行李,
本來打算坐特急オホーツク3号, 返到去都係, 唉...我都係早啲走, 因為オホーツク2300先到網走.
咁我就改左特急大雪３号, 早兩個鐘走, 早三個鐘到,

本來想影下車頭..
車頭全部都係雪, 算

車去到一半望住出面個雪景..
https://i.imgur.com/pZx3ZLz.mp4


網走駅行去Dormy Inn要1km, 行左一半路, 投降, 坐的士..




呢間係我見過design最好既日本酒店,
比我下次book都會book下,
呢間野有個細細既露天溫泉, 響暴風雪下, 我入左去一陣, 個頭(個身浸哂落去)都係頂唔順就走返出黎..

日英中韓...
咩翻譯黎


比我plan, 就唔會留響旭川多一日

點解好似好辛苦咁嘅?

第六日, 無流冰既網走,
再講一次,

12月響北海道黎講係超級淡季, 無流冰, 無祭典, 巴士公司唔做生意, 旅館女将返本州休業..

不過今日都算過得好正,

由早餐開始,

酒店隔離就係巴士公司總站, 之前google map個位置比我改番正確,
坐大約2-30分鐘車就到道東最好睇既景點




BTW, 真正既網走監獄門口係同博物館個樣近乎一模一樣, 而且坐巴士果陣係真係會經過, 唔好落錯車


呢個係現今既獨立監房, 度門係可以打開比你體驗下日本坐監既感覺

呢個係舊時既..就算有暖爐都可能得-7度...
本身網走-15度既情況唔少, 凍死人既情況時有發生

講聲先, 博物館好多地方都係無暖氣, 黎呢到觀光既人最好著厚啲.

其實如果唔係雪地既話, 之後兩個景點係可以行過去..

下一個位係


流冰館我想講無流冰睇...
佢似山頂咁有觀景台, 有模擬-15度時既濕水毛巾變硬等等...

無啦...............

比我想像中既流冰館相差太遠
出左門口向後行, 仲有個IG打卡位...不過果日大風到我連影都唔想影就走左.

響北海道, 一直以為好多地方係收唔到上網(本身我係帶wifi egg去0, 但係今次去, 睇google maps行去下一個景點都仲得...明明係道道呢啲高速公路黎

last一個係北方民族博物館,

入面工作人員就有幾個既...
入面啲野大約講古時愛奴人既生活同埋整個世界既北方民族係點樣交流等等
網走本身無咩野行, 唔係有破冰船同網走番外地(監獄)既話應該無咩遊客會黎

響酒店瞓多一日, 聽日大移動去根室

push下

12月去落雪未

有圖你睇. ......

SOR 你係月頭月中定月尾?

去到稚內果日係16/12/2018