我覺得老豆把聲太後生 瀨葉把聲唔夠幼
松岡先天把聲唔夠知性 不過一開始串柒柒 之後幾次慌張同堅持嘅位都表現得幾好
可能製作組想擺男主嘅重點喺"不擅長同同齡異性相處 但總會嘗試"
五姊妹發揮都算係唔錯
一二四開播之前都想像到係點 穩定發揮
香菜色氣大姐姐(飯堂主動埋嚟講嘢+床上色誘把聲
)
肥達淘氣小惡魔(公寓前攔路+落藥後"拜拜"超S
)
佐倉天然元氣娘(執測驗卷至到跟入更衣室嗰度夠哂智障
)
印象中祈冇乜配過呢種認真撚角色(冇睇過上面講嘅"其實我是")
今集最多戲份係佢 同男主幾次頂頸 都表現得出唔服輸嘅性格
知道男主係家庭教師嗰下"GAN"係最驚豔嘅
要挑剔嘅係對食物嘅愛唔夠(食第二個肉包+上杉咖喱&玉子唔夠饑渴)
點配到隔住耳機都知佢流緊口水 真係要請教下肥達
三玖今集戲份偏少 角色本身冇乜感情都好難判斷MIKU配得好唔好
只可以話都算接近想像中三玖把聲 下集主場先嚟見真章 有兩個關鍵位
1) 佢個設定係擅長扮其他姊妹 扮四葉應該除咗頭髮長度之外冇破綻 唔似冇得話係特登
2) 天台要做到谷咗好耐想講 終於可以爆發
希望MIKU搞得掂MIKU啦