諗起去外國旅行,見到十幾廿個泰國成年人嘅旅行團,全部心口都有啲一睇就知係養鬼仔/古曼童之類嘅頸鏈,心諗屌你家陣親子遊學團咩,即刻走都走唔切
最奇係佢地係個二戰紀念堂出面大合照,但係個紀念堂同時係中世紀就起好嘅教堂黎。。。
依家辭左職先敢打出黎
前公司有分sale同文職部,我係做文職,但有個sale同事日日都係到提自己玩佛牌同養鬼仔嘅野
但佢業績的確係top,係公司都叫有啲地位,冇人敢得罪佢,包括上司
佢人其實幾好...但一係公司得閒果陣,就會拎個佛牌出黎又比人睇又點咁..
office 唔大,大家都迫住聽佢講野
佢話過自己屋企會有上香喂飯喂糖同買玩具比個鬼仔玩
以我所知玩佛牌有分正邪,正牌係唔會做依啲野,咁姐係佢養鬼牌啦
跟住佢又有同其他女同事傾下感情野,然後有個女仔A話想溝個男仔,想問依個同事拎法寶
然後個同事比左支油佢,個依支係人緣油,用左就好易溝到手。
然後又有另1個女仔B話同男朋友成日嘈交不和,依個同事又比左支野佢(唔知係咪又係果支油),過2日B番到黎就話同男朋友好番,琴晚重翻雲覆雨
但係個A呢,佢話支野真係好神,本來個同事話比佢用1-2滴已經夠,但呀A就好貪,用左大半支重唔想比番個同事...
然後個同事係lunch時同我地講番依件事,重話果支野係好貴重,好難入手,個A咁仆街,一定唔會放過佢。我心諗...唔會係屍油掛
過左1-2個星期左右A就唔知點解突然要辭職,然後走左....
我地冇人敢去問
有次食飯時,佢又提自己可以見到鬼,然後其他同笑講笑咁話幫我地每人睇下,講到我時,佢只係笑而不語,頂我真係淆左
平時係公司,我地都唔敢OT太耐,唔想夜晚走,個個都怕哂依個同事(同佢個仔),都唔知佢會做出啲咩
諗番起當時番工真係日日都有[驚]有喜(花生),有時都有少少懷念,但咁嘅同事真係不了