[法律jj] 包攬訴訟其實有咩壞處？

長毛咪係

所以我都廢事再回

美國制度下嘅包攬訴訟，如果單case 輸鳩咗，包括打輸責任，或者判決金額少於被告提出嘅和解方案，包攬律師係要負責被告一方嘅律師費的

所以呢個制度，係會引申出包攬律師會喺未到數嘅情況夾你和解

聽過人講死撚梗

當然可以, 但你無讀過法律, 始終唔知法律觀點, 法庭文化, 規則, 點樣去說服法官或者陪審團
更加唔知法律既灰色地帶, 點樣去規避一d言論, 即係你講得無錯, 但你可能講多左之類

咁就算有包攬訴訟
你可以用傳統方法請律師
你可以選擇用法援
你可以選擇包攬訴訟
請問多個選擇有咩壞處？

你點解決而家冇錢講律師 又冇資格申請法援的人？

法援而家嘅運作模式就係包攬訴訟。

兼且大部分嘅案件都係外判返俾擅長同類案件嘅私人律師做。

批法援俾申請人，要過兩關，就係merit test 同 means test。

如果有case 都批唔到法援，只會係你唔夠窮。如果你個case弱，無論法援定包攬都唔會同你搏命。

所以都係所謂夾心階層出事。而學你講，包攬訴訟可能可以填補呢個窿，有多一個選擇。但佢唔會係彰顯公義嘅靈藥。

而講返壞處，包攬訴訟嘅副作用就係濫訟。原告律師會搏被告律師唔想纏訟作出商業和解。呢個係司法成本嚟，因為法庭都要為此付出更多資源，而呢啲係社會食返。


但最尾，你話要投Yes & No ，我個人會投讚成容許包攬訴訟。

但今時今日，香港做傷亡索償嘅律師，都已經行緊半助訟模式。你有case 嘅，律師都係叫你擺低幾千蚊costs on account 做吓樣，和解時直接收被告方支付嘅律師費就算。

關於濫訴
原告律師唔係都係承擔緊風險咩？
如果原告根本冇理據申索
原告律師點會同佢玩包攬訴訟
而被告律師應該都唔會避免纏訟而和解？
因為明知原告根本唔會贏

相反 如果原告有理據申索
被告作出和解係避免訟費繼續上升 而唔係避免纏訟

同埋我覺得公義比司法成本重要
除非司法成本高到唔合理的水平
即係我地願意為左減低司法成本而放棄公義
否則只要包攬訴訟能夠令社會更有公義
我地都應該支持包攬訴訟合法化

如果係關於公義同執法／司法成本
我覺得前幾日嗰單為左捉人偷飲而用更多錢驗DNA的case好值得我地反思
https://www.hk01.com/熱爆話題/266034/14元乳酪被偷飲-台女報警要求驗dna-耗4500元公帑被斥小題大造

之前未有個阿怪自辯
比對家律師問到口啞啞
最後好似個官叫佢請返律師

個官一定會撚鳩啲窮人，叫個窮人一係搵法援垃圾，一係俾佢直接判，想出聲自辯都幾難

好多人以為自己好醒講野好有point
但法庭你一講錯就係錯
官叫人請律師都係想保護返佢姐

當被告駛咗100萬律師費打贏單官司，到訟費評核時，往往只係收得返7成，即係話就算打贏咗都係會跌錢。所以就會有所謂嘅商業和解。

另外被告人可能要請額外吧人手去招呼自己嘅律師呢？

此外，司法成本唔係只有錢，法庭官司排長龍，呢啲唔係用錢就可以解決，因為法官唔你你話請就請。

其實你都指出左另一個現有法律制度存在的問題
大公司下下都請個最勁又最貴的律師
普通人／中小企根本冇能力同大公司打官司
贏左可能先賠得十幾萬 輸左就要賠幾十萬 可能真係賣樓打官司
剩係承擔訟費的風險已經令人卻步
可能真係當自己黑仔算


其實法庭官司排長龍真係咁難解決？
究竟係政府冇諗過解決
定係真係解決唔到？
雖然我都知法庭法官的數目有限
需要處理好多糾紛

香港訴訟越嚟越多
但係法官就人數不變
高等法院原訟庭有八、九個空缺
法官招聘難已經係old news
做得高院法官都起碼係資深大律師
邊有咁多人肯減人工做法官
一至五要審案
放工星期六日就要寫判辭
判完又要俾你哋班人鬧
俾人鬧又唔可以回應
咁嘅工邊有人肯做
除非真係好大抱負要回饋社會

咁改善法官的待遇得唔得？
其他國家有冇呢d問題？

其實司法機構有做嘢改善
馬道立向立法會提出咗
跟英國同加拿大咁延長法官嘅退休年齡
希望可以吸引多啲人入行同埋多啲人手

人工方面
其實而家法官嘅待遇喺政府體系入面已經係非常高
我唸林鄭都唔會俾班法官人工高過自己

其實以前啲人會覺得做法官係一種honour
用自己嘅經驗去貢獻社會
係令自己嘅事業更加圓滿
所以不論人工待遇高低都好多人做
但係今時今日社會變咗
市民、政府乜都俾落法庭搞
政治問題希望用司法解決
大家都唔想入去俾人鬧
咁咪自然少人做

仲有move branch 係不歸路，你唔做係唔可以出返嚟做律師。

包攬訴訟冇都算，集體訴訟都冇，無怪傳銷，倫敦金，健身美容，旅遊會藉等喺香港可以生存咁耐

法律面前，窮人含撚係無錯架

因為搞倫敦金嗰個係楊受成兩兄弟，同政府 friend 底嚟

你係高官都唔會郁自己友啦

之前美國聯合航空拖乘客落機單野咪係囉，一出新聞就已經有律師主動幫受害人打官司

呢個真係

情況好似英國有律師走出來告鳩cx 單野咁