上個月我主人因為腎衰竭要吊鹽水,本來睇開香港貓醫院但咁啱新年假佢地唔開,所以𨍭咗去太平道。
唔講太平道啲醫生有冇料到,因為上面巴打都講咗。我想講係佢地嘅admin同樣垃圾。
每日有三節時間探住院寵物,嘩原來唔使登記基本到時間人人都入得病房,如果我係一個傻佬抱走貓貓或亂餵嘢食完全冇人知
我見貓貓個膠盆冇貓沙,問姑娘,然後佢答:哦,咁我轉頭幫你開包.... 好明顯,即係要收錢,我唔介意比,但係常識都知貓貓去完廁所要"wear"沙,佢地係咪應該一開始話比主人知貓沙要收費而唔係要主人發現先提供?
貓貓係香港貓醫院已照超聲波,record亦都send咗去,佢地第二日打嚟話佢地都要照超聲波所以要先幫貓貓禁食,我話唔照因為之前巳照過,同埋貓貓已經成個星期冇乜點食野我唔想佢再辛苦。佢地同意唔照。晏晝去探貓貓見禁食個牌仲掛起貓貓籠外,問姑娘佢話佢地跟電腦record所以我可以比嘢食隻貓,我承認果一刻我大意冇留意佢地佢比水貓貓飮,到夜晚再去見到都係冇水飲問姑娘先比個dou你自己去加水,講緊我隻貓係腎衰竭,冇水飲同殺咗佢有乜分別!!!
最後決定快啲出院,我寧願返屋企等貓貓舒服啲(雖然佢最後都去咗彩虹橋
)
Sorry,太長,實在不吐不快