教學助理圍爐區 2

根本以前英治時期嗰套教育制度就最好：
中三篩一批、中五篩一批、中七又篩一批 (我就唔buy最遠古嗰套小六都篩一批，始終完成個初中都要嘅)。

中三被篩嘅，可以去讀職業先修 (甚或中一已知自己唔係讀書材料，就中一直接入去)；
中五被篩嘅，出嚟做D junior D 嘅工作；
中七被篩嘅，做D assistant senior 嘅工作；
入到大學，就按專業發展。
至於真係智力/身體有問題嘅，就安排入特殊學校。

以前嘅篩選制度，起碼真係做到各有所長、人人都搵到自己條路。
一班能力不足、無心坐喺課室向學嘅，比佢讀D職業導向野，教下佢泥水鬥木、剪髮美容，起碼佢都學得開心D、同埋都係專業技能呀。
好過而家就算真係想讀，D學生都只能科水比VTC呢D學店。

甚至我以前見唔少中一、二嘅學生，佢地本質唔壞唔曳，但佢真係讀唔成書，知自己留喺課室只係浪費自己時間，但佢地又無門路走，就唯有喺班房不斷攪事、不斷叉禍個課業要求，又或長期缺席，搏學校搵社工轉介佢地去「非常學堂」。我真係見到都覺得：「何苦呢？」

同埋好殘酷要講一句，而家玩334、人人有中六，但大學UGC嘅位就係得18%，呢樣野老師知、學生自己都心中有數。
去到一D band 3嘅中學，非精英班嘅學生，佢地由中四開始，已知自己無乜希望，真係燒時間而已，個厭戰情緒蔓延足兩年半，學生辛苦時，入班房嘅老師望到堆死蛇爛鱔，亦都唔會好受。

總括而言，香港自淪陷後，負責教育改革嘅官員同學者，個腦都係裝屎！
以淪陷期香港官員嚟講，689、777、董建華我都未排到去首惡，李蟈蟑同犯蕉呢D，就真係要車裂凌遲夷三族！

完全係，有唔少學生係屋企迫佢地坐到中六畢業，之後可能先出黎做野/出國讀書/HEA

但佢地係度無心向學上堂一定唔會聽，咪搞事囉

上年有個缺席左一年既學生無啦啦番番學，佢留左班仲係中四，話係屋企迫，聽佢講佢屋企係圍村撚黎，有D米咁，上堂就成日大支野咁話自己有米點樣，就擺明冇心學野，堂堂都哼歌嘈撚住，鬧又唔聽點點點，搞到D老師把幾火，當然呢個唔關SEN事(但我記得佢都係SEN不過唔係過度活躍)

成個香港教育制度係有問題，老實講站係我角度睇其實根本今時今日既教育制度唔係要培訓精英，只係培訓D聽教聽話，跟大圍規矩既人，咁先最適合政府管治，下下俾你有個人諗法、思維既話係呢個政府之下一定大亂檔，所以係極權主義之下，我覺得佢地寧願教育完全失敗好過培訓到一堆又一堆精英，係100個精英入面有5個搞事佢都頭痕，但100個傻仔有50個搞事佢都唔洗驚，用D低能手法就搞得掂

我個人睇就係咁，香港教育只會失敗，放幾多錢都一樣，一日仲係極權就一日都冇希望，只會原地踏步，中文咁，範文幾年，玩下又會取消，兜黎兜去當改革左做左野就算

//中文咁，範文幾年，玩下又會取消，兜黎兜去當改革左做左野就算//

心聲呀！巴打！
我自己本身都係教中學中文，感受尤深！

以前舊制會考，話就話讀死26篇，但起碼學生都知要讀D咩，同埋肯讀嘅話總會有野袋到落袋，衰極都識「一鼓作氣、再而衰、三而竭」/「六國破滅，非兵不利、戰不善，弊在賂秦」卦？
(我好唔同意連登有D反共post講到文言文都無讀嘅價值。文氣嘅野好抽象，點樣養到自己度文氣、寫到好文章，其實只有靠睇有營養、有文氣嘅文章，而唔少文言文正正就係好材料。)

好啦，一野教改，高舉「不要讀死書」嘅口號，到頭來攪成點？咪攪到成班學生要致力猜心，喺「他媽的藍色窗簾」度打轉！玩咗班學生幾年，而家又話要加番範文！

更仆街嘅係，喺D panel 圈中其實已陸續收到風，考評局而家密謀取消埋「綜合」同「說話」卷。真係一夜回到教改前！

如果係要走回頭路嘅話，當初改革改嚟玩班學生咩？唔係話唔比你改革，但你唔深思熟慮下改，然後再走回頭路，其實只係玩足班學生十幾年！

其實我覺得文言文唔洗讀咁多篇，將12篇範文減到8-10，主力教番佢地文字既表達能力仲好，我負責睇學生D SLP，睇到眼火爆，由精英班到普通班都有好多病句，甚至每一句都係病句都有，另外就係極多錯字

我覺得既然文言文比較少用，不如刪減D好過，或者開一科文言文溝歷史既咁去選修仲好

我個人係覺得有D科係應該減D料黎令學生學得舒服D，數學科咁，咁鬼多公式又解方程又咩咁，我完全覺得冇意思，一係呢科唔好做主修，一係就靜係考D基本野，+-X除，有D要求小數點，有D用分數計等等，唔帶得計數機入去做，要全部心算，咁就真係數學喇

歷史又係，太少開放題俾D學生思考，如果讀歷史只係講求死背既話咁同唔讀冇乜分別，知識唔運用既話個腦有幾多都冇意思

唔引用到變金剛棒，我直接回啦。

其他科我唔熟，無意見，但以中文科嚟計，舊制兩年齋26篇，仲要有得比你貼題，其實無想像中咁多。（當然，有d文章我覺得都係要cut，例如李廣田篇《花潮》、黃國彬篇《戴杜蕾士的淫僧》同黃蒙田篇《捉人深處強姦》）

學中文如果只係做語法練習、冷冰冰咁教點樣砌「主謂賓定狀補」，d學生一定悶到想死。反而揀d文章比學生讀，潛移默化個語感、文氣，真係不二法門。

不過DSE揀12篇又係出事，篇《逍遙遊》一來真係太深，二來仲要係節錄、斬到篇野支離破碎，學生更唔會了解讀緊乜鳩。

學校有幾個TA，自己啱啱入職冇幾耐，感覺啲TA表面好人暗地成日想害死自己，已經好唔想返工

之前未做過ta?
我個到都有個仆街黎 老屎忽 成日扮勁教你野 其實好廢 我都係hea9佢算
佢有咩事就想劃清界線 話：我唔知啊 唔係你做架咩
到自己有野唔想做 想揾人幫 就笑笑口話你可唔可以幫我xxxxxxxxx

係啊，之前未做過
例如開會會特登唔話你知，等你冇去到，之後自己去左

咁你慘d

加左

仲有d學生 有時幾個望住你細細聲講野 好想知講乜 如果壞話都幾唔開心

坐埋一齊好難推
成日講到自己好掂咁 真係好難頂 幾十歲人都冇自知之明

冇乜ft經驗 不嬲都心軟

點樣唔理 過2招黎

取消綜合同說話？Seriously?

我開科務會時，panel咁放風