想食A酸醫暗瘡但又驚貴嘅你入一入嚟

相信入得嚟嘅巴絲打都受過暗瘡所困擾㗎喇，咁如果你地重因為價錢煩緊搵邊個醫生睇嘅話，我就分享下我睇過一個好專業，收費公道嘅醫生。我會推介tst 何醫生（男醫生嚟，google 尖沙咀皮膚科第一個result 就係），早排去睇佢，佢用放大鏡檢查完我塊臉之後就話可以俾我食A酸，本身佢話開O 牌（好似$8xx 一個月未計診金），但我話想食R 牌（$12xx 一個月另加$500診金，之前聽巴打話如果想慳診金可以叫佢一次過開兩至三個月A 酸俾你，但我未試過），咁因為我上次去睇佢嗰時間診所冇晒R 牌嘅貨，話出住部分俾我先，剩底嗰啲遲啲會叫我上去拎。
咁我今日就上去拎啦，上到去嗰時我問可唔可以入去問醫生問題，佢地話okay之後我入到去問咗幾條問題，醫生再用放大鏡仔細咁檢查我塊臉，我話想食耐少少抗生素防爆發期（食咗冇耐），跟住佢話okay, 到我畀錢嗰時個姑娘淨係收我藥錢（好平），我問佢唔係要收診金咩，佢話今次就算，何醫生好人，下次要畀㗎喇，嗰刻覺得何醫生真係我見過最專業最有醫德嘅醫生 ，所以如果各位巴絲打有皮膚問題我真係強力推介你地睇佢。
另外如果大家想討論A 酸/暗瘡都歡迎

其實一般要食幾耐先得

短則半年，最長我聽過9-10個月

唔通連登member 全部都係白滑靚仔靚女

約左醫生下星期睇。
巴打駛唔駛驗血？

正常係要驗嘅，不過你可以試下問醫生可唔可以食到一半先驗

我食咗兩日就全身好乾喇

兩年前食過一次。
上次無驗，今次想驗左先

食a酸副作用會濕疹同脫髮?

想問下佢係唔係專科定皮膚文憑

我見診所門口寫住專科

其實你上網搵到嘅副作用都有差唔多10種，但會出現邊種副作用係每個人都唔同，最常見都係皮膚乾燥，易有depression, 所以最好搵醫生問清楚

專科黎講算平

依家食緊20mg,O牌,食咗個半月,第一個月會乾身到甩皮,之後就冇點甩過,痘有出過兩三粒,但冇濃,印同疤就唔知點搞,我個醫生話啲印搞唔到,疤就要激光
BTW樓主口吻點解咁似打手

你自己諗下做得專科醫生開診所使唔使搵打手啦on9, 我真係睇完覺得個醫生好好先喺度講，唔聽咪算

巴打覺得佢好唔好

我食完半年停咗 20mg
冇驗過血
本身暗瘡/暗粒問題好嚴重 佢開過抗生素都冇效
然後佢先開a酸比我 然後食藥後一個月好返晒 （R牌）

巴打不如講下價錢同埋醫生專唔專業 唔想有人話打手

book咗下星期去睇佢
本身面同身都有暗瘡
唔算勁嚴重爛面 但宜家唔同以前後生
好易留疤 凹凸洞
想斷尾
想夏天可以著靚衫
驚何醫生唔肯一黎就開A酸俾我
但問過人 輕都有輕醫
應該點同醫生講好
同埋洗唔洗驗咗血先

絲打方唔方便留個tg, 我再詳細咁答

同你一樣價錢
都ok嘅 起碼唔會問多兩句就黑晒面/hea答 不過係有啲趕（如果你冇問題問佢）
諗住遲啲搵佢做激光 好多暗瘡印

其實佢真係好撚多客 遲少少都約唔到 亦都可能咁會有少少趕（但佢都樂意答問題）