你出意雖好, 但有嚴重嘅謬誤
1. 語言的確係會演化, 但唔係所有演化都係合理同desirable, 係咪可以演化做理由包庇哂所有語文轉變?
你又會唔會用演化嚟維護共產黨將繁體字劣化為簡體字?
呢個問題當然唔止中文有, 英文一樣有
近年英文出現大量模稜兩可嘅詞語, 問題就係究竟邊個有資格決定乜嘢詞語嘅用法先係合理? 詳情可以參考呢篇文 (第一段成後都係例子)
https://genius.com/David-foster-wallace-tense-present-democracy-english-and-the-wars-over-usage-annotated
2. 文化點可以同語言分割嚟講? 兩者關係密不可分, 語言就係文化載體, 就算兩個國家一開始講埋同一種語言, 各自語言都會順應自己文化而有所轉變, 同時語言又會不斷將文化傳承去下一代, 文化同語言相輔相成
換個講法, 文化同語言其實就係雞先定蛋先咁樣
3. 有政治目的又有何問題? 言則你嘅發言就無政治目的? 就唔係想說服大家你自己「政治不正確」嘅言論其實政治上有幾正確? 又何必亂拋propaganda一字? 你又有無諗過歷史上通常係邊類人發動propaganda? 係當權者呀
4. 香港人頂到盡都係仇視南亞同中國人, 你有無聽過香港人會敵視同為多元文化嘅新加坡人? 你有無聽過香港人會敵視文化底蘊依然深厚嘅日本人?
你又有無諗過中國民族主義嘅成因同香港本土主義嘅成因係不盡相同?
前者由上以下, 部份出於方便統治同管理, 部份出於要抵抗被西方資本主義文化同價值觀完全同化
後者卻係由下以上, 係為咗喺回歸後身份崩壞之時, 重新確立一己信念, 亦係為咗抵擋赤化洪流
固然香港本土主義不時有文化法西斯嘅一面, 但要直接同中國極端民族主義比, 不免太簡化事實
我唔認為單純批鬥中國流行用詞就會解決到問題, 但更唔認為將文化問題推埋落櫃底可以解決到問題