【重製】《小松奇妙物語！》

芥草gg

好多人正評

可能畀人洗埋腦

今晚重有冇

出了街 應該沒有

訓前一推

文啊

有女

15

就黎1001

「呼…差少少。」小松反而一身輕。


「又要等下一次……」昂救濟深深一嘆。


「你真係想接近羅蘭嘅話，你唔試下留喺到？例如匿喺廁所之類……」小松建議。


「冇用，保安真係嚴密，可以試過嘅方法，我都做過。」昂救濟有心無力。


「我都想知，佢點解可以吸引咁多人。」小松憂悒地按住臉頰，目向羅蘭：「唔通，真係純粹啲歌好聽？」


「高斯死亡樂團」表演告一段落，人潮開始往會場出口離開，只有被抽中的三人，能夠留下來。


「我細佬就係因為追隨呢個樂團，連人都唔見埋……」昂救濟的樣子，有些悲憤難分：「我每次嚟到都期望會見到佢，所以我覺得直接問羅蘭最實際！」


嚴密的保安開始把守台下，確保沒人能夠靠近羅蘭。


「不過，似乎有啲距離。」小松找不到混進去的方法。


一息間，表演會場只餘下被抽中的三人，和遲遲未走的我們。


「嗰個背影係……」我盯著站在稍前的那個男生。


「芥草？」小松愣然。

「佢同你一齊買飛，唔通最後抽中嘅十五號係……」我皺起眼眉。


「芥草…芥草！」小松跑到前頭去。


生芥草一聲不發，緊閉著眼睛。


「佢好似有啲問題…」在小松膊上的我，伸手拍拍生芥草的頭。


「我個腦……」芥草痛苦地指向大陽穴：「好辛苦。」


「吓，辛苦？」小松彎腰、側頭問。


「佢啲歌……」


「請問你哋邊位係被抽中嘅幸運兒？」一名保安走近：「除咗幸運兒外，唔關事嘅人要立即離開。」


「係…係我。」生芥草想舉手。


「係我先啱。」小松刻意背住保安，並快手奪過生芥草的入場卷。


「小松…」


「請出示入場卷證明。」保安說。


小松轉身交出入場卷，且稍稍回頭對生芥草，說：「你出去抖下先。」

「十五號。」保安點頭，恭迎小松上台：「小姐，呢邊請。」


「等等…」小松讓保安先稍等一下，徑自走到昂救濟面前：「救濟，你細佬叫咩名？」


「昂救久。」昂救濟一面愕然。


「唔。」小松指住生芥草，說：「我朋友交低俾你先。」


「喔…哦！」昂救濟上前，把發燒似的生芥草扶走：「咁你小心…」


小松目送二人離開，直至大門關上，發出一下沉響，才回到保安面前：「保安先生，可以行喇。」


「…隻貓。」保安疑慮地凝望著我。


「佢係我朋友嚟，唔可以帶埋入去？」


「我哋好難做，因為你隻貓可能會突然發癲，整親羅蘭先生，或者我哋幫你看管住先？」

昂救久

on99

「但係……」小松有些於心不忍。


「小松，放心。」我一躍，跳到保安身上。


「哇啊…！！」那名保安手足無措地將我抱住。


「我會安全。」我對她說：「你好好調查下，想知嘅真相。」


「唔。」小松抿嘴、點頭。


這樣，我和小松叫做兵分兩路？


小松上台前，我留意到羅蘭經已注視她好一段時間。


「我哋去辦公室好好坐下，反正……」抱著我的保安，勾起不懷好意的笑容：「你主人，都唔會再返嚟。」

Ig見到， 遲啲小葵會唔會變成咁？

Ig: 401founderror

小松 係咪會入紫魅世界

on99 我睇睇吓喺地鐵笑咗出嚟