【重製】《小松奇妙物語！》

咁可能出文機器會退役

不會既 打文我一直當是興趣 每日玩下咁

今日係咪冇文了

對

冇文冇人推

我推

文啊墨巴

下車後，先是一陣寒風掠過。


小松把雙手裡在衣袋，就繼續步行回家。


這屋子現在看來，大得有點空蕩。


等待她回來的，永遠只有外公和爺爺。


小松在門外輸入密碼時，眼神有住一絲期盼，但這種感覺，很快就轉移到迎接其寵物身上。


小松蹲下，張手擁抱：「哈囉！阿毛、大鼻、鋼牙！」那隻狗和雌雄兔，總是愉悅地迎向她的懷中。


「嗰兩老咁夜都未訓。」我跳上沙發，再跳到窗前，凝視對面屋子。


「咁應該都差唔多。」小松說。


話畢，對面燈火便熄滅。


「佢哋知我返咗嚟，就自然會訓。」小松胡亂地，把背包掉上沙發：「我返上去換衫先。」


「罐頭！」我叫住小松。


「喔…係喎。」小松將醬雞風味貓罐頭打開，用鐵蓋把糧食割得更碎，才放到地上給我吃：「葵葵，慢慢食。」

飽完肚子，就要入睡。


吃得七七八八的我，一跳一跳的踏上樓梯，回到小松的房間。


那百合花淡淡的氣味嗅慣了，睡覺也特別安心。


可床上那「嗒嗒嗒」的瑣碎聲響，實在刺激我的神經，耳朵整晚在皺起。我們貓族，除非是太累，否則，同一空間存在不明因素，我們不能安心下來。


待我靠近那張床，更見被子裡亮著光。


「嘈醒你啊，葵？」小松主動把頭部冒出。


「你……」


「Sor啊，我上網睇緊啲嘢。」她拿出手機，不好意思地輕笑。


「你平日訓覺都唔會用手機，但你……」我望向時鐘：「都用咗接近一粒鐘。」


「噢，好細心喎，你真係特別有靈性，咁都留意到。」

我都係床上睇緊墨b呀

「你做緊咩？」我走到她臉頰旁，一同觀看手機。


「八掛貓。」她說了句。


小松正瀏覽著討論區，那討論區的標誌圖案是微笑小黃頭。


「我問緊人……」小松在手機邊輸入文字，邊說：「知唔知今日我哋去嗰條街，嘅一啲秘聞。」


「你真係要，幫美香報仇……？」沒想到，她是認真的。


「唔算係報仇嘅，只係睇班高斯樂迷唔順眼。」有怨言的小松，按鍵盤的力度也稍為增加了：「你唔覺好白痴咩？追偶像追到失哂控咁款，冇人覺得奇怪嘅咩？」


「我諗有人覺得奇怪，但唔會特登走去深入了解。計番全香港七百萬人，佢哋一個會場嘅粉絲，只係佔全港極少數，少到唔會有人特登留意。」我說。


就像一些傳銷，即使打擊多少次，都依然會出現。


「今日佢哋整傷美香，事後仲要一啲悔意都無，真心嬲。」

「咁你阻我訓覺咁耐，有冇知道到一啲事情？」


「有啲網友話，嗰一區係有黑社會睇開，所以冇咩記者敢報。」


「黑社會？」


「嗰種蝦蝦霸霸嘅壞人，千奇唔好學佢哋。」小松指住我，說。


「你想佢哋道歉？應該幾難。」特別是，你這種瘦弱的女孩。


「我仲想知道，「高斯死亡樂團」點解可以令到人咁瘋狂。」小松忽然說。


「…」


「你唔好奇咩？」小松反問。


「好奇，但好奇心害死貓。」


「我媽咪呢，以前講完故事哄我訓之後，都會提我一句：『要對任何事情都抱有好奇欲，因為真相可能就喺左近』。」


「你媽咪係個出色嘅科學家？」


「佢係超自然學教授，喺日本嘅一間大學任教。」


「超自然學……」


「就即係牛鬼蛇神啊、靈異事物啊、外星人啊…之類之類嘅，總之一切超出科學範疇解釋唔到嘅事，都關佢事。」


「聽落好厲害。」

「唔止啊，佢以前成日受日本電視台訪問，上啲靈異節目，全部碟我都買哂。」一說起母親，小松的笑容就回來了。


「睇嚟你幾崇拜佢。」


「係啊，一旦勾起我咗嘅「好奇欲」，就好難撳番低。」小松展出傲然的微笑：「除非，知道咗真相啦。」


「不過，你睇落完全係走老豆嘅方向。」她父親是名獸醫，小松又那樣疼愛動物。


小松冷哼一聲，說：「如果媽咪仲喺到，我一定變咗個喺番學校拎住水晶球周圍走嘅人。」


「點都好…」小松呼吸鬆下來：「做人最緊要保持好奇，我媽咪係咁樣教我。」


「你真係覺得「高斯死亡樂隊」好奇怪？」


「係，一個宣揚「死亡」嘅樂隊，樂迷經常行使「暴力」，就好似邪教咁。」說畢，小松忽然致電給低級記者──生芥草。


為什麼要打給那種小人物……


「喂…？咁夜邊位……」電話另一邊，是生芥草模糊的聲音，看來剛被電話弄醒的：「等等…我冇眼花啊嘛……！定發緊夢啊呀？！」


「哈囉。」小松打招呼。


「小…小松！？」生芥草的聲音，瞬間轉變為驚訝：「我肯定發緊夢！！！」


然後，電話另一邊頻頻地傳出自摑耳光的聲音。


「啪、啪、啪！」每一掌都很響亮。


「啊！！！塊臉好痛呀！」生芥草痛哭失聲。


「芥草先生，我有件大新聞俾你啊，或者應該講係調查？唔知你可唔可以幫到手呢。」小松說。


「即管講！雖然我只係報社嘅低級員工……」他越說越細聲。


「約你去旺角，聽晚准時七點，記住帶埋器材喎。」


「嗯！」

假如我成功讓貓仙人復活，可以拜托衪將我變成女性人類嗎？


如是者，翌日七時正，小松就把我一同帶到旺角去。


期間，我有過她，為什麼總是要帶我出街。


她答，因為我思想像個「人」。


意思就是，靈性高，思想成熟之類？


她例舉說明，阿毛永遠只會對她說：「小松抱抱」之類的說話。


但我，有著複雜的思考、複雜的情感、複雜的個性，這些都在我尋找芳的急切心情中看到，所以跟我相處起來，就像跟個同齡朋友出街一樣。


而跟阿毛相處，就像跟小朋友玩一樣。


我有問過小松，那對雌雄兔子到底是怎樣的？


她笑著回答我，就像對小學情侶一樣。

對於小松她這樣賞識我，我是有些歡喜，因為證明了我的特別。


在貓界中，我可能的確是愛因斯坦之類的人物。


他們約在旺角地鐵等，似乎那裡是個等人的好地方？我見不少人，都在那裡靜候。


很快，我已經注視到生芥草的身影，特別他那勾鼻子和過氣的飛輪海頭。


「小松，喺嗰邊。」我指向他的方向。


「喔…係喎。」小松走過去：「芥草先生！」


「小松！仲有……」對於我的出現，生芥草似乎沒太料到：「上次嗰隻貓？」


「佢叫葵啊，好得意呢，你哋上次見過面。」小松以指尖逗玩我的肉掌：「好得意呢～？」


生芥草笑得十分幸福：「哈哈哈哈，真係好得意……」他的視線是注視住小松的。


「唔好意思啊，要麻煩你。」小松望望左右兩邊，再低聲說：「因為……我真係，好想知道「高斯死亡樂團」嘅秘密。」


「呢個樂隊…我有喺網上聽過，好似話係鼓吹死亡、暴力嘅樂隊嚟？」


「但我更加覺得，佢哋似係邪教。」小松說出自己的推測：「你去到現場睇就知，班樂迷個個都好似有躁狂症咁……」

「咁都應該有新聞價值嘅，反正我哋報社要做超自然現象嘅內容之餘，平日都要一啲普通新聞去掩飾下，呢單應該Ok啊。」生芥草舉起姆指。


「咁我帶你去啦喎。」


如是者，我們三人便一同前往。


「呢條街…」生芥草抬頭，望向路牌：「西洋菜南街？」


「係啊，喺呢頭附近。」


離開地鐵站不久，就陣陣歌聲與人潮，撲面而來。


「政府好似一早殺咗街，唔俾啲人喺到唱歌表演。」生芥草環顧著。


「係啊，我上網睇咗啦。」領路小松，說下去：「所以有唔少娛樂公司，將附近一帶買起，改造成表演場地，令呢到更加商業化咗。」


「估唔到……」生芥草點點頭：「都好嘅，唔洗再聽大媽唱歌。」

「過埋呢條馬路之後嘅店鋪同商場，就幾乎都係表演場地嚟。」


「全部都係地下偶像？」生芥草好奇一問。


「呃…其實都有啲女團後援會，同韓星周邊商品嘅鋪頭。」


牆上貼滿一張張海報，上面印刷著不同的表演者，亦有些疑似女團的女生在街上派傳單，呼籲路人去看她們的表演。


比較出名的地下偶像，都出現在頭上密集的廣告牌，高高地掛著。


「高斯死亡樂隊…係咪佢哋？」生芥草指著某間商場，正掛上的大型廣告牌。


那廣告牌背景色為酒紅，坐在中間的，相信就是樂隊的主唱，一旁標記他的名字為──「
Roland」。


是個留著金柔長髮、身高腳長、富有妖魅的男士。其鼻樑豎直、嘴唇薄紅，既陰既陽，難怪可以吸引男女粉絲。

早抖墨b

又有小黃頭

呀毛先醒 成日小松抱抱

隻貓連愛因斯坦都識