【木蝨攻略】獻畀所有曾經、正在或未受蝨患折磨嘅巴絲，文長唔睇自己執生

Sorry各位，遲咗更新，星期一做完heat treatment, 簡單講講個原理先：木蝨怕熱，46度以上只能維持7分鐘性命，滅蟲人員用儀器令到室內氣溫上昇到65-70度左右，每間房焗2-3個鐘，務求熱死佢哋，再係窿隙、床嘅四周、傢具底灑上一層薄薄嘅滅蝨粉。

結果，做咗嘅地方啲蝨係行哂出嚟死，但係廚房同廁所有煤氣喉同熱水爐，所以無焗到，導致今朝仲發現有1-2隻係度避難，已被徒手捏死。

即時拍咗片send畀滅蟲公司，話係正常情況，落咗粉，佢哋一出嚟吸血，一掂到，24小時內必死，仲約咗下星期一上嚟跟進。

尋晚除咗廁所有咬，其他地方都無事，終於瞓返覺好嘅

煙甲蟲 蛀木嘅
屋企有潮濕嘅木就有

補充少少：

佢哋用嘅粉唔係DE粉，係千赤士，聽講比DE粉更有效更快。如果屋企蝨患唔係太嚴重嘅巴絲，或者想預防，可以一試。薄薄地揩少少係床四周、傢俬底部、牆腳線等… 除咗蝨，對所有唔識飛嘅家居害蟲都有效，唔掃走可以用到一年。至於係邊度買，自己google「千赤士」就搵到，大概160蚊一樽，有排用。

下一句係
痰多手腳亂

LM

補充少少個人經驗

DE粉係有用，不過只對幼蟲有用

大隻到變哂啡色既成蟲基本上爬過d粉當R痕

整唔死佢地

一定要用高溫

如果呢個 post 有負皮，
就証明木蝨已蔓延至連登

#已正皮

樓主功德無量

DE粉時間比較長，掂到之後大概幾日至十幾日先死，蛋反而未必有效，要睇下隻成蟲會唔會帶返個巢，又或者搵唔搵到個巢直接倒落去。

高溫係最work，不過好似我咁廁所廚房唔做得，就好易有死淨種。

睇下過幾日係咪真係冚家滅族，到時再update

請問啲蝨會唔會經人傳播 ？
我有個同事最近屋企有，我唔敢同佢企咁埋驚帶咗返屋企

係會嘅，不過要視乎條友出街前，有無焗／蒸／燙過啲衫、有無check清楚身上／隨行物品有無蟲。

我媽應該係去過疫區，或者接觸過屋企有木蝨嘅人。最大機會係我90幾歲嘅公公同埋佢工人，佢成日行山，除咗行山之外好少去其他地方，木蝨嘅宿主係人，所以唔會住係山上，計返時間應該係疫區惹返嚟。

我意思係我媽成日行山，sorry for 1999
眼瞓喇瞓先早抖

木蝨唔知，早排隻狗有跳蝨，睇資料話跳蝨會喺寵物，街道 ，衣物（多數褲腳）傳播

我由懷疑到肯定用咗一個星期，肯定咗先同同事講，再用2~3星期處理。成個過程都冇話惹到人

不過一開始用過炸彈，隔離屋無耐一齊大掃除

其實唔洗咁煩，搵下千赤士

睇過無敵士個產品

係咪真係唔太對人體有問題
我想買黎噴床 濕疹底 噴塵螨

睇到周身痕

睇到好痕
巴打好有心

兩年前屋企有木蝨
之後間屋大執過+肉眼檢查
殺咗起碼幾十隻
不過大執完後仲有幾隻淨
一個月會俾佢咬幾下
之後再買咗de粉
到呢大半年終於斷咗尾 抗戰咗成年幾
我俾木蝨咬又唔覺痕 不過掂咬個位會好痛 因為佢淨係咬最外個層皮 好似擦傷咁
木蝨真係煩撚過蚊幾百倍

我之前用炸彈 用咗5，6粒都零效果

我果陣直接換左屋企兩張床
即刻搞掂

用完見到屍，不過第二日又見佢哋跳跳紮