【木蝨攻略】獻畀所有曾經、正在或未受蝨患折磨嘅巴絲，文長唔睇自己執生

一開頭唔識 啲蝨蔓延到全屋都係
結果要撤退 屋企大裝修搬左去新之後都有少量帶左過去
之後開始用無敵士 睇緊效果 開始之後暫時到依家都無蝨既痕跡
希望杜絕到 煩左我幾年了
之前一路都可以滅到啲蝨 但殺唔到啲蝨蛋
屋企雜物太多

上年十月第一次發現屋企有蝨(其實已經有左成個月, 屋企人被咬但唔知係蝨咬), 晚晚都有五六隻, 叫左公司上黎清, 冇晒
今年七月左右見到第一隻, 買左包DE粉, 屋企玩到冰雪世界咁 , 買左個細細油刷, 床單邊都可以上少少粉, 落粉三四日後仲見到一隻, 一星期之後冇見過了

結果如何，樓主最後清唔清到

上水啦我

報告一下情況，我呢次幫襯heat treatment嘅公司叫nobedbugshk，抗戰咗整整一個月，而家已經無嘢咬，亦都好少執到屍體，我諗暫時係成功咗

講講佢哋嘅滅蟲流程：

做咗一次heat treatment之後，因為廁所廚房係有煤氣管、熱水爐等等，熱得濟就毀滅地球嘅家品，呢2個地方係唔焗得。

問題嚟嘞，部分仆街仔走哂入去避暑，即係並無一次殺哂，之後滅蟲人員係全屋落哂千赤士，頭1-2個星期仍然見到活體，老母仍然有嘢咬，有擔心過畀咁多錢，最後都白費。

之後我問過啲職員：「啲蝨哩哂係廚房廁所，咁咪滅絕唔到囉？」佢哋解釋：「因為啲蝨點都要吸血，一定會聚集返係床附近，只要係蝨嘅行走路徑有放粉，掂到之後24小時候就會死。」的確，呢三個星期，滅蟲公司都有每星期固定上嚟follow up，補下粉咁，而家已經接近斷尾

希望樓主一生平安
唔會再有手尾

以前去澳洲比跳蚤咬到成腳都係
就算做曬滅蟲既方法每日都好驚係咪比蚤咬
I know that feel bro
床蝨仲難搞過跳蚤
加油阿要將佢地趕盡殺絕

好詳細 希望我唔會遇到

千赤士有別於DE粉，不宜長期用
建議巴打滅完盡快清走啲粉

有毒？

有朋友做滅蟲公司，DE粉同千赤士都有效殺死床蝨
來貨價有平有貴，兩隻藥的分別係：
DE粉，天然礦物，美國野，成份係矽藻土
千赤士，工業防腐劑，大陸野，成份係矽膠

千赤士危險好多，唔太適宜用於睡房
效果上，朋友話差唔多，兩款都係100%致死率
主要睇你想平啲定貴啲，有能力比多幾十蚊，DE粉會好啲

YES... 成張床都圍住防腐劑，你話呢....

樓主你揾嘅nobedbug公司可唔可以要求佢地落de粉而唔係千赤士架？

搞唔掂呀
成日走上張床

呢期香港好多區都有蝨患，都唔知係咪多左班蝗蟲搞串哂。

咁如果佢有蛋係廚房廁所殺唔死過一排咪一樣仆街

想問下新傢私用天鹽清噴下會唔會安全d？

留名

個人經驗.
唔敢用藥唔敢用粉.怕殺左佢地時自己都死.
做一輪研室後.只用熱力.
買高壓蒸氣噴槍,熱風乾衣機.
放得入熱風乾衣機既野.公仔枕頭床單衣衫等等之類,全部放入去焗半個鐘,
記得兜住個機底.D仆街受熱會跌晒出黎,蛋應該就受熱會爆.
如果部機通底既,就係下面放大膠紙痴9佢.或用大大個盤放油浸.自由發揮創意.
放唔到入去既,就用高壓蒸氣槍噴.床褥床架牆邊梳化.全面蒸噴,噴中即死.
搞完之後一個星期.再重新做以上程序一次.唔好懶.要焗同噴所有有機會既野同地方.
去億x家買果2樣野.加埋唔洗一千蚊.用完之後又可以要黎清潔家屋或平常乾衣.
個人就用呢個無藥無粉既方法,用2個星期清理左2間房床同廳梳化之後.就斷尾.

有冇滅蟲公司介紹？

如果已經有幼蟲咬腳，好似芝麻咁，好細粒，係咪已經好大鑊？

巴打 可否講下係邊間公司

見到了 雖然係想搵用熱能 但係都THANKS 巴打先

lm