主要應該係搵到個竇
我屋企床邊條罅,掛簾掛鈎個套,衣櫃背後條罅都係竇
拎到出黎洗既用熱水浸完再洗
洗完無床訓就落街搵D百幾蚊既尼龍床訓住先,驚再比蝨咬就搵雙面膠痴哂四隻腳
罅位用蒸氣機噴,我試過噴到有兩隻飛左出黎,秒殺
反而DE粉真係太慢,係有見過乾死,但快唔過自己搵個竇出黎清
如果你放唔中佢地行既位其實真係無用,特別係果D垂直既罅
通常D蝨好撚懶,都係搵D近人訓教,吸血後快快手返入去既罅位做竇
當然我屋企人試過係張床訓完後拎個枕頭去梳化訓,結果張梳化多左十隻蝨出黎

即刻DUM9左張野
至今床應該都清左八成
但係因為張床連住左個衣櫃,而且有條勁深既隙
D蝨0.1mm厚既罅都住得入去

所以而家都係每日KEEP住噴條罅
有時睇到有隻蝨又整熱部機噴下咁,盡可能都蒸死,打火機就自己衡量下危險同會燒黑D家俬
用手未必下下㩒死,試過半身扁到無得再扁都仲係識郁
跟住補個火再掟落廁所沖走
