木蝨個個都聽過，但未必個個遇過，每年夏天係佢哋嘅繁殖期，唔好似為木蝨淨係窮嘅地方，或者環境唔衛生先有，高尚住宅都一樣會有，無分國界、貧富。好唔好彩，老娘屋企奶咗嘢，到今日為止，已經抗戰咗差不多10日，現階段尚算成功。以下我會詳細講解抗戰經過，木蝨特性同防治方法，keep住更新，希望幫到大家。
發現經過
係大約10日前，瞓醒無啦啦發現腳有咬痕，紅紅腫腫一大撻，非常痕癢，初初以為係毒蚊就無理到，往後幾日都無嘢咬，突然有一日練書法，維持靜態差唔多6個鐘，突然個身勁痕，望一望肚皮上面打橫一排5粒，好撚痕 ，當晚係床發現一隻唔知邊撚度嚟嘅蟲，啡色，扁扁地，5mm左右，於是我即刻上網做research，確認係木蝨，個人即時淆哂底，係睇咗無數forum、YouTube片、文章之後，我買咗床褥套、DE粉，天鹽清噴霧、蝨怕水、高壓蒸氣機返屋企要佢地冚家產！！！
第一、二日
首先我將房裡面嘅衫用60度熱水浸洗，拆哂間房個啲木傢私，逐塊木蒸，落好哂DE粉，奇就奇在完全搵唔到個巢穴，當晚搞到3點幾，吖，仆你個街，佢哋成家走哂出嚟，我好怕蟲，但無計，迫住徒手㩒爆
總共4大3小。以為好成功啦，第日繼續搵啲巢，都係無收穫。直到第二晚凌晨，老母半夜2-3點走嚟搵我，手執一隻木蝨幼蟲問我係咪木蝨嚟，我心諗：「仆街啦，唔係蔓延咗過去呀？」當我掀開佢張床個陣........係最惡嘅惡夢.........
當時嘅情境係，佢嘅枕頭、被、竹𥱊全部都係木蝨，密密麻麻
左穿右插，我9秒9插著個蒸氣機，「池～～～」咁蒸落去，掉咗十幾條屍出嚟
蒸完一鑊跟手拎黑色垃圾膠袋，包實所有床上用品噴完殺蟲水再掉出街，返入去check床，床架有7個巢，殺極都有。因為差唔多天光，最後唯有關冚所有窗門，留返瞓醒整。第三日
請咗個朋友嚟幫手，準備好蒸汽機大開殺戒
一掀起木板又一大堆
啲成年嘅仆街連1mm嘅隙都藏到身，簡直痴撚線！！！瘋狂蒸咗一陣，就將老母房嘅傢俬逐件拆開噴殺蟲水、包冚、掉撚哂，清潔哂啲排泄物，再用玻璃膠補返晒間房啲隙縫。到個廳，又係逐件傢俬睇，唔理咩質地，因為木蝨唔一定住係木，咩質地都起到巢（除玻璃或塑膠等光滑表面）。發現廳有少量，跟住落嚟嘅兩日都係一路清雜物、掉衫、洗衫、蒸傢俬，開始唔再見有成蟲，少咗嘢咬，但間中仲有。其實已經意識到幼蟲蔓延咗，而家call咗滅蟲公司，星期一上嚟高溫焗屋，至於效果如果，容後更新。
想問下呢隻又係咩嚟？
