追咗個女仔，一個月突然被冷淡。

6月頭識個女仔，日日WHATSAPP VOICE MESSAGE傾左一個月，約左4次出街，到7月突然被冷淡，被藍剔。連原因都無。

係咩玩法?

係咪你開始主動 熱情 條女就冷淡

我先前都係

有無講錯野/做錯野

已經對你無興趣

之前成個月日日都會講早晨，晚晚會講晚安，又會分享大家做緊咩，見果4次面，互動都好好。
到我沉左船，7月，我繼續搵佢，佢就變左HEA答，甚至藍剔，我都唔敢CHUR佢，佢唔覆，我就第2日先再搵D新野share比佢。

直到呢幾日，我真係好累了，仲覺得好莫名其妙，點解可以話冷淡就冷淡，而我連自己衰咩都唔知。

我諗都係時候放手了....

放啦

女仔係可以突然之間就對你冇feel

拖得太耐無新意

係 要習慣返一個人既生活，6月當發左場夢

兵

多數都揀左第二個追求者，女仔係咁

好簡單 有人追到佢

係現實識定係上網識先？

男仔就唔會突然無feel咩

sor 比我溝左

有時候，愛一個人愛的太深，人會醉。

我都係喎師兄
不過我係5月識既

條女當你喺兵,懵丙

關咩事...根本男女都係

橡筋

其實約會係睇下對方適唔適合進一步，咁人地可能相處落覺得你唔係佢杯茶，好似見工咁，肯in你唔代表肯請你，你好想做唔代表公司一定要請你。
同埋，你話同佢日日傾，係咪日傾夜傾？如果係，會有兩個風險，第一，你確唔確保到話題既質素？如果唔係傾到悶就會對你既興趣大減；第二，初相識，新鮮感、神秘感、刺激感比安全感重要，如果你能夠令佢有你而家既感覺，你就成功了，相反，你而家似係令佢冇左新鮮感。
總括來講，識第二個再努力la, 你咁沉係因為未有代替品姐

可能覺得唔適合/ 無進展
一日未話一齊，都係了解中