成日聽儲蓄保險呃人 究竟點解

如果佢自己講贏少少，9成9係輸少少

有人壽成份嘅話，早死啲份保險都仲有啲價值

通常話呃人個d
一係唔知舊錢原來要擺咁耐
二就係 臨時要用錢個陣取消保單拿唔足供左個d錢

都似係 咁嘅心態係股票市場邊會贏
因為佢都有儲筆錢 有事先會郁嘅
我都唔洗擔心佢輸少少定贏少少

香港銷費者 郁啲都覺得比人呃

唔係淨係儲蓄保，保險跟本係呃人，好多人出事都claim唔到大數，憑d小細節側側搏唔賠，小數就俾你claim下俾d甜頭你既，加上做得保險既人都無咩良心，呃單呃俑日日發生，有良心果d一早轉行啦

定期入場門檻高
對啲我媽呢啲得幾廿萬積蓄會覺得慢慢供好啲

Btw thx巴打

你買左，佢份傭咪有保險囉

儲錢就唔係畀人儲既 錢銀愈黎愈唔值

儲蓄保險冇手續費架喎，基金保險就有，唔識唔好扮識喎

蝕通脹？放銀行？你間銀行幾厘息？啲息一定敵得過通脹？

你知唔知每年claim到條數係幾多
claim唔到既係幾多先

幾樣野LA, 上面D巴打都講左非保證回報, 咁其實非保證回報係視乎保險公司果年既業績再決定派多少, 基本上係賭緊間保險公司會唔會賺大錢 (但佢賺大錢都唔代表派多比你 因為係間公司決定派多少)

第二就係流動性 一般儲蓄保都講緊起碼20-30年以上供款期, 你一停供張單就基本上渣都冇, 所以供之前要考慮埋份工穩唔穩陣, 夠唔夠流動資金, 或者將來有冇需要等錢應急 或者用黎買樓結婚等等。

第三係幾時BREAKEVEN, 你可以望下保單佢計數個表, 有寫去到邊一年退保價值, 如果退保價值=總供款數 等於果年BREAKEVEN。
假設第十年先BREAKEVEN既話, 基本上你頭十年如果退保都係蝕錢, 如果第十年果陣退保就岩岩好平手 但蝕通漲, 基本上頭十年你當自己有輸冇賺, 如果你識少少投資, 用呢十年時間+金錢我諗點都有賺冇蝕既LOL

問清楚中途唔做會比返幾多你
起碼有個約數

幾樣野LA, 上面D巴打都講左非保證回報, 咁其實非保證回報係視乎保險公司果年既業績再決定派多少, 基本上係賭緊間保險公司會唔會賺大錢 (但佢賺大錢都唔代表派多比你 因為係間公司決定派多少)

咁嘅話，我買保險公司嘅股票，做股東攞到呢筆錢嘅機會可能仲大

要擺咁長 不如all in煤氣中電友邦恆指
十年後跑贏你個濕鳩儲蓄保仲要派足十年息唔洗手續費

好多人覺得比舊錢人儲不如自己投資賺得仲多
點解要比錢保險狗賺

多數係老人家買，我知有一啲放五年然後20%利息，即係一年4%，的確穩陣，但係太撚耐冇買 但係有一部份人唔玩投資，依個的確係一個選擇

其實有saving plan係有保證回報 但個return低嘛 1-2%
咁啲人又想有高啲回報 保險公司自然要投資返有風險既資產上面 所以一定係非保證 唔係賺緊嫁嘛 一般啲plan既錢都會分開pool放 買低風險既 保險就再投資低風險既

其實個道理同銀行拎左舊錢黎reinvest一樣
不過保險公司同銀行provide既服務唔同
成日話保險呃錢 銀行咪又一樣做緊差唔多既野

同阿媽講要一句起兩句止，太多聽唔明，我會咁答：

儲蓄保險唔係儲蓄亦唔係保險，而係用超高手續費買超低回報既高風險投資。

因為好憎保險撚 唔駛原因

claim到幾多唔係重點，重點係保險公司諗盡辨法唔賠俾你，就係咁簡單