做完十字韌帶重建手術（你問我答）

隻腳幾時先可以完全申直

傷後幾耐先會消晒腫架？三個星期都未屈得埋隻腳，唉

有排啦 快都個半至兩個月
而家屈到幾多度先？

自己都要幫手壓腿架

我做完手術都有6年,
完全踢得番波, 跑得走得跪都得,
屈曲99%係太耐先會酸,
樓主真心要堅持做復健,
如果唔係運動會得番7成左右仲要屈唔哂

80度左右啦，有二次瞓覺無意識屈埋咗，痛到仆街

睇物理治療有冇幫你set target?

之前斷左脛骨 整到韌帶
好彩只係傷左小小 嚇到仆街

夾住個波挨住牆做squad,
同埋單腳企trampoline,
呢兩個我覺得係我physio最work既野,
個D電療其實幫唔到太多,
要練番肌肉點都係要自己做.


你試下谷一谷大腿比較下冇傷個邊大腿近膝頭位置,
而家係好似冇哂肌肉咁..
頭一年唔好做運動住, 只做physio類既動作,
可以行番哂都唔好跑住,
要俾時間佢休息癒合

做咗幾耐復健

冇記錯差唔多做左3~4個月, 每星期3次
一開始電療, 到消腫先開始認真做腳部復健

個陣物理治療師話得閒冇事睇電視都打平隻腳谷一谷大脾幾十下,
一開始應該冇乜反應, 唔同冇傷個邊可以控制肌肉郁下郁下咁,
收緊下D肌肉, 唔知有冇用架
但而家叫做恢復左9成9

就算無約物理治療都可以去gym做返同樣既野
個人經驗：
四星期開始做輕負重leg press,踩矮身單車，太空漫步
六星期開始加Leg curl,踩高身單車

都要視乎physio,傷d咩（我好彩剩係斷acl，其他無事)

我係acl + meniscus,
啊係, 唔記得左最辛苦既矮身單身...
可以較重量踩到成隻狗咁, 超辛苦

除非你有錢有時間一星期約三次物理治療
如果無咁既能力就落gym努力做啦
物理治療主要係要佢用機幫你消踵同執你姿勢

留名
3月尾斷前十
10月做手術

前三日做完前十字加半月，岩岩扶著單腳企，聽到細細聲“啪”，依家揸拐杖竟然feel唔到啲筋扯住既感覺！竟然伸到！好驚系唔系斷左！

復健 其實係咪指就咁跟物理治療師做?

所有電療/物理治療囉，唔好懶偷雞。佢叫你做咩動作就跟住做咁囉，同埋通常一星期兩/三次，真係要堅持做。

明白哂

師兄,剛做完了兩星期,請問當時你有無用可調整角度護膝?
其實係咪必要野黎?

我自己冇用, 因為我休養時期除左做physio好少出門
唔係必要但係你負擔到又會經常郁動怕整到就用囉
反而柺杖係必要, 去邊(去個厠所)都要用唔好俾機會傷口受力
p.s. 而家個個都微創復完快好多, 我朋友早大半年前斷左已經可以跑得番了唔駛咁擔心

明白哂感激