覺得自己濕重既入一入黎

咁佢因為咩話你脾虛濕重
平時月經係點

關唔關濕事？唔關

西醫evidence base左咁多年
都係一步一步咁去推論
新研究成果會推翻舊有理論
中醫亦有吳又可等嘅溫病學派
認為病唔單止感受寒邪以六經黎傳
係可以又口鼻感邪，由膜原分傳表裡
呢個係古代最接近西醫嘅一套睇法
中醫都係近呢幾十年先開始有現代研究數據做緊
用西醫嘅方法去研究中醫，滿足番現代人同埋西醫嘅口味
但係藥有成萬幾種
研究完單隻藥，仲有複方要研究
個道都已經有唔知幾多個combination
就好似人類已經對天空同宇宙有好多認識
但係對深海認識仍然係好少
你都要俾時間人去做番啲research架

另外，中醫唔係單隻藥，見你頭痛就醫頭咁
係每個人辨証論治完，再以複方去標本兼治
急則治標，緩則治本
病人胃痛，你俾止痛藥佢梗係會覺得舒服，以為好番
但根本病因係無解決過
就好似有時拗痕，你拗個個位止唔到痕
但係拗遠端位置又止到痕
你話藥物療效唔同係因為每個人DNA都唔同
當然唔可以排除呢個可能性啦
但有無諗過係因為診斷個陣，唔知佢嘅本病係咩？
出面有人屌中醫解釋唔到就賴先天不足
咁西醫解釋唔到係咪要賴DNA?
如果西醫可以賴DNA,咁點解中醫唔可以話先天不足？

係清末民國已經有醫家係接受西醫
提議中西匯通
張錫純《醫學衷中參西錄》亦都有用中藥加西藥咁去治療
例如阿司匹林石膏湯
中醫係現代仍然係發展緊做現代醫學嘅一份子
巴打尚可了解中醫背景，認識下中醫
唔係一味屌啲自己唔熟悉嘅野
然後就話睇到一頭煙，話佢錯
原因就係你根本無了解過佢

如果你硬係要話中醫，多數都係醫師本身資質同品德問題

補充多一句，漢書藝文志記載嘅中醫典籍唔止咁少
所以唯有希望考古挖掘同埋後人研究嘅努力去進一步完善

敢問大師中醫各種療法當中，如果要比較的話，邊種比較徹底最為有效？內服中藥會比針灸好嗎？

一大段字睇晒都唔知up 乜
利申：無知撚

好多時用藥已經好快取效，遠比拔罐好
針灸相對比較無用

服中藥係唔係真係有好轉反應架？

正常真係食完藥要有變化

推post

針炙同拔罐既原理係咩？
係咪話製造傷口，等身體流多啲血去嗰個位

中醫講既
針灸作用：疏通經絡，有調整局部/全身氣血既作用
拔罐：活血化瘀多

同製造傷口無咩關係
但單從針灸講，只要支針有得氣（即係有酸麻脹痛感），局部係的確會發熱、紅、出汗等等，呢啲都間接反映緊局部的確會充血

Ching請教一下你，除左傳承以前醫家嘅學術同精神，仲可以如何推動中醫發展

我都仲未得閒去拜會你 太遠

除左讀好經典，都別無他法
唔好做人地眼中吹水既中醫

可否詳細講解吓會有咩變化，是否一定係感覺上有好轉才是正常現象？

例如我講既用藥發汗
飲完藥，去訓一陣焗啲汗，汗一出左，例如本身周身痛，或者覺得周身好重，出汗之後就會鬆，同無咁怕凍
又例如胃入面有水，胃脹，胃口差，飲完藥，利小便，小便一多，開始識口渴，之後胃都相應會唔脹同開番胃
呢啲反應係好快既

想問吓睇醫是否好講求夾唔夾，所謂夾唔夾是否有撞彩成份，即係個中醫唔係真係咁有料。
同埋其門如市既中醫是否代表佢真係有料，想知道你的睇法。

其實無夾唔夾，只有岩唔岩
因為中醫用既藥，係一條完整既藥方，有出處（正常黎講應該係。。。）
如果假設係咁既情況下，有人用A方可能唔得，B方得，即係診斷有誤差
所以所謂夾唔夾，其實係診斷用藥正確與否，我對自己都係咁harsh，唔係人地所睇既中醫咁，亂吹亂醫亂用

咁又想問吓香港中醫無論治感冒又好其它病都好，開藥方通常都十幾種中藥，但睇翻一d經方如六味地黃丸都係幾種藥材，係唔係真係需要十幾種

首先
經方狹義只係講緊傷寒論同金匱要略既藥方
六味本身已經唔係經方
講番藥味數量，係，經方好多藥都係幾味，所以唔係下下都用十幾二十味，個啲就真係亂用

問題係我發現藥方當中有些藥材屬性都係重複，又難怪因為香港舖租貴，同意嗎？

你講出面十幾二十味個啲？
唔知，好難講
1.診斷用藥本身混亂
2.可能佢真係覺得需要用咁多先搞掂
3.收錢問題

經方好多都係十味以下既藥方

可唔可以唔好將多味藥同亂開打上等號
東垣名方補中益氣都10味
溫病派散翹散都係9味
仲有其他加減法過十味一啲都唔出奇
仲未計香港人想一劑搞掂既心態

佢講緊既情況應該係，化痰幾隻藥，止咳幾隻藥個啲
簡單講即係砌方
或者講緊用沖劑合方，藥係唔同藥方都有出現，重覆左既情況

師兄，咁我唔同意，針同藥治療的性質唔同，一個用內服方法調理臟腑病，針灸透過調氣調經絡，我絕不會話邊一個方法好。
試過急性肩扭傷，針灸20分鐘，減針8成，郁得返，無反彈，唔通食藥可以食完20分鐘好轉咩?
相反，內傷雜病虛症，我都承認要靠藥物進補或調理。
至於拔罐，走罐，刮痧，識得做，做得好，對於感冒，發燒等，試過個療效比食藥同針灸快