1.何謂濕
實際上黎講，中醫上面同水濕有關既問題唔止係濕
除左濕，仲有痰飲
簡單黎講，（水）濕比較黏滯，流動性低，症狀較局部/固定
《辨痙濕暍病脈證并治篇》濕家之為病，一身盡疼，發熱，身色如似薰黃。
睇到濕停留係肌表，全身痛同發黃，範圍比較單一，無涉及太多臟腑症狀
又例如
傷寒論《辨太陽病脈證并治下篇》傷寒，心中有水氣，咳而微喘，發熱不渴，服湯已，渴者，此寒去欲解也，小青龍湯主之。
呢到講既心下，指既係胃，胃入面有水，所以常見係胃脹/胃口差，但病位都係比較固定
相反痰飲，流動性比較強，基本就係流去邊就邊到有症狀
金匱要略《痰飲咳嗽病脈證并治》
問曰：夫飲有四，何謂也？
師曰：有痰飲、有懸飲、有溢飲、有支飲。
問曰：四飲何以為異？
師曰：其人素盛今瘦，水走腸間，瀝瀝有聲，謂之痰飲；
飲後水流在脅下，欬唾引痛，謂之懸飲；
飲水流行，歸於四肢，當汗出而不汗出，身體疼重，謂之溢飲；
咳逆倚息，短氣不得臥，其形如腫，謂之支飲。
痰飲就係腸間流動，就會有腸鳴
懸飲就會係肋旁流動，引起咳，同時咳到痛
溢飲就流向四肢，出唔到汗既話身重加疼痛
支飲就訓係到都咳喘，同埋會腫
2.點處理濕？
坊間好多所謂去濕良方，其實有幾多真係岩
傳統中醫治療好講因勢利導
病位在上既/比較表淺既
用汗法、吐法多
病位在下既/比較深既
用利小便/瀉實多
如果病位有兼夾，就有可能同時用兩種方法或者分主次使用
如果無濕而去濕，只會因而令病情更易化熱
如果去濕不得法，係肌表既應該發汗而走去利小便，即係因邪入裡，會傷到胃或者傷到其他臟腑
所以真係唔好自行判斷，唔係攰就一定係濕，亂去濕傷到胃就煩
隨便問，基本上濕/痰飲同身體好多疾病都有關
特別係香港人慣常飲好多水，每日八杯水咁
但其實係咪真係有需要呢？
如果飲水多係好，應該唔會咁多人胃唔舒服、胃/腸有水聲、頭暈、心跳快、大便偏軟/易爛、腰酸腰重等既都市問題
所有有時所謂健康標準緊要，定人體反應先最重要
利申：無意同西醫惡言相向，無心了解可以出番去
其實點知係正常
