覺得自己濕重既入一入黎

見到你講呢句我就知stem冇運行
睇下大陸點研究中藥成分先
咁多年黎人地食過藥既文獻記錄係乜野?

樓主呢
miss左我留言

會心跳快？

無特別

整理一下先
易有情緒，易汗，下巴暗瘡，訓覺差，小便頻，大便量少

小便黃？
暫時睇應該係熱證

起身第一篤就黃，之後我飲水一枝枝咁飲就變透明

係口渴先飲咁多？

嘩 用左大概半個鐘既時間去追post
我平時就係肩頸膊頭極痛同極硬
返工會對電腦 但唔係office工
無野做既時候就會禁電話 長期低頭族
胃口就唔算好大 通常一日一餐
自己慣左太夜就唔食野 因為頂住個肚瞓唔到
Mcome第一二日會痛到仆街
有時會痛到完全郁唔到 但之後幾日就無事
多數7日清哂 會有少少血塊同血係暗紅色
小便唔算好多 不過係絕對無飲到八杯水
因為飲紙包多 如果當日無乜點飲水
第二朝D尿就會好黃
同埋本身自己有食減肥藥同埋便秘
所以我有食埋tremella去幫助屙屎
但係屙出黎多數都痴住個廁所沖唔走

唔知關唔關減肥藥事 我有時都會手震
同心跳得快 有時仲會失眠
瞓得唔好除左個人會好炆同無精神之外
仲會極頭痛同瘋狂想鬧人

講多少少 黎M個人會覺得好腫好重
完左就會散 但下肢都係腫 搞到我肥腫難分咁
同埋瞓醒起身會腰骨痛
不過最主要都係肩頸極痠痛
所以慣左每個月都有去泰式按摩鬆一鬆
可惜每次按完都會全身痛成個星期
前排去第二間試左個中式 第二日就唔痛
不過好快又會攰返 亦都試過蒸身同用腳貼
第二日會瞓到唔知醒 但都一樣好快攰返

到底我係咪濕熱？
我老母有時都會煲檸檬薏米水比我飲
都飲過赤小豆 我又覺得無乜用
咁其實我應該點做
條頸同個背脊加腰先會唔痛
我尋日瞓覺係痛到喊左出黎
撒隆巴斯同其他鎮痛貼已經幫唔到我了
講講下我條頸又開始痛 唉

其實頸痛呢個問題已經纏繞左我好耐
我真係唔知點先可以解決呢個問題
加上我有埋線減肥 又唔知有無影響

利申 我平時都係有飲開凍野同冷氣地方工作
會飲熱野但好少 同埋如果出汗 我就全身出
個頭會油 比起凍 我怕熱多過凍
仲有我有時就算夜晚飽左
個肚都係會咕咕聲 但又唔係肚餓

再補多少少 我每日返工前都會洗頭沖涼
但個頭永遠都係濕住返工 因為趕時間
唔到最後都唔肯起身

最後就係我後面頸有野突出黎
中式按摩果個話係富貴包
然後上網search過 同我既證狀都有幾分相似
大概就係咁了 我人生是咪可以玩完

希望你可以睇到呢度 我真係會好感激！

算係。容易覺得個人熱，咪飲水。

如果本身大便唔好，其實已經係症狀
用減肥藥真係會傷胃
胃口差證明到呢一點，唔口渴少飲水都係
你埋線減肥，佢無比藥你食？無處理到肩背痛？

係，咁應該無判斷錯，係一個熱證，衍生上面啲症狀

我今個星期先去埋線呀
姐係我濕熱？我肩背痛到喊了
啱啱先搽完野 我可以點做

你個case就咁睇，症狀比較亂
暫時可以肯定係，你樣樣都做（藥石亂投）之下，真係傷左個胃
所以唔好搞咁多，直接真係睇醫生食藥好過
汗蒸根本唔岩人做，好易焗到大汗，就會傷到身體
出汗唔係咁出，亦唔係人人岩用汗法

我都係去過一次蒸身咋
泰式幫我啪完骨好左一陣又打回原形⋯

其實最怕呢類病人，咩野都試
但無理由幫你埋線呢個無問你情況就幫你做？

面油多 睇中醫有效?

我今個星期先去埋 未做架

皮膚問題都係從全身著手
搞掂其他症狀，呢啲問題就會消失

何必亂做呢，咩野都試最後就咩野都解決唔到

唔知邊樣可以解決唯有咩都試下

最後搞亂病情其實仲難處理

咁我而家可以點

搵醫師睇好過你去埋線

其實運動同祛濕無咩關係
正如前面都有提過
即使係濕/水病，都有分位置
有表面皮膚既，有係胃既，仲有好多
而運動出汗呢種，只係岩用係皮膚既水，對腸胃無太大幫助