應該點令多啲人認識TRPG

如果真係想多d 人玩
除非可以電子遊戲化
有一定質素既電子畫面
大量教學提示
好似 dnd pfs 唔同既團之間，可以共用遊戲角色 增加互動

對於主持人
可以一鍵可以生成理想地圖，或者輕易極速生成需要既地圖

角色同地圖用高畫質既形式展現 唔再係平面圖

咁應該可以多好多人玩

同埋得罪講句 trpg 係要記好多野
係咪真係咁多計算就..
風聲同狼人果d ，即場計算多好多
lol都係

用腦 同埋智力推理係兩樣野黎既

一個人一日仲呼吸緊 都用緊腦
不過大部份 trpg 既團 考既唔係智力推理 係你諗野既模式同 主持人有幾近姐
詳見我上面既 post

一隻遊戲如果要普及
佢前提一定要門檻較低
好似足球同籃球 入門簡單咪多人可以玩
dota類遊戲 論操作複雜度 玩家實力對遊戲既影響 可玩性
信長同 dota 一定完爆 英雄聯盟
結果就係 lol 大量吸納各類玩家

由AD&D 入坑嘅玩家，經歷過3、3.5、4嘅年代。由學校學會，玩到喺討論區join人玩，到後期幾個朋友自己玩。放低好耐，以下完全係少少個人感受，分享吓點解TRPG喺香港推唔起。

其實玩得TRPG，都係享受一班人圍埋吹水玩一日嘅感覺的。

奈何香港人比較急躁，玩咁耐嘅結論係，睇書睇rules book 作故仔有冇時間都次要，其實玩唔玩到落去，好睇大家嘅心態。

有個情況係：DM 會有坑玩家嘅慾望、玩家會有喺rules度找漏洞挑戰DM、大家費好多時間去拗規則，最後DM會覺得班玩家好鬼麻煩，成日要諗出咩勁啲嘅怪去打佢地；而玩家會覺得個角色點玩都好鬼弱，之後大家越玩越冇趣。

又有個情況係：DM嘔心瀝血作故仔，之後發現玩家天馬行空超出佢創作嘅範圍，之後唯有對班玩家諸多限制，咁又越玩越冇趣。

同埋土地問題都係一個極嚴重問題，香港冇咩地方可以比你成班人一坐坐七八個鐘，仲要攤到成枱都係嘢喺度嘈生哂。搵地方真係好煩。

自已覺得 呢d 都係小問題
桌遊本身已經唔算好大眾
角色扮演又小眾
入門門檻高
玩家群體

小眾x小眾再加埋其他野..
玩家基數少 流失率高 咪少人玩

同埋 trpg 黎講 dnd有一個問題

玩家唔鐘意撕卡
dm 要就住玩家黎出怪
要預防玩家死亡

久而久之..

可唔可以理解做Detroit 咁嘅形式
不過玩法就變咗講出嚟？

三國殺係 Magic 同遊戲王 一類的 Card Game 吧。。。
應該冇 role play 成份。

TRPG呢啲社交game

要搵到一班啱吹既人 又要有呢一個共同興趣 又要時間夾到 (最緊要係要肯夾)

仲要人數已經唔多

其實可以想像到有幾難先會搵到一班可以長玩既人


成日都總係一團人入面有一兩個唔啱玩


利申: 玩左幾年 最近少玩 夾人夾時間夾團夾玩法 夾到心灰意冷了

首先, PC有冇察覺劇情推進唔到先?

其次, 推進唔到劇情俾提示從來唔係問題, 呢樣嘢好正常喎, 只要kp啲提示俾得自然, pc唔察覺, 以為係自己搵到嘅而又享受到過程咪得, 冇人叫你大大聲咁話「見你哋估唔到我就開估啦」, 所以講到尾, 係睇人點玩

我唔知你dnd嗰邊啲人有幾唔鍾意撕卡同DM有冇準備後備卡, 我玩coc就永遠準備定後備人物卡, 如果有角色死我就會補上, 即時諗劇情導入新角色, 講到尾, 又係睇你點準備, 點控制局面, 基本上撕完卡你即刻俾新卡佢, 佢有得繼續玩, 個感受就唔會咁負面

你講得冇錯, COC的確係玩得多就知boss你係冇得打架啦, 但係你嘅任務從來唔係打死boss, 走咪走囉, 你完劇本能力值會升, 有機會學到魔法, 可以檢討點解去唔到good end, PC打下一個劇本就更有利, 你一開始當每個劇本係獨立嘅, 人物係短期性嘅前設就唔太啱

另外pvp同pve嘅分別我唔想再重覆

我係好鍾意玩coc, 當初為咗推人入坑陪我玩, 我咪唯有自己學做kp, 自己準備多啲, 睇熟哂所有規則, 準備定唔同嘅對應方案, 事前俾多啲心理準備PC, 好多嘢都係事在人為, 你明明有能力喺故事開始前就準備多啲但你唔咁做, 到時出問題你怪得邊個

當然, 人夾人都好重要, 我未遇過我控制唔到嘅PC, 最少每次佢哋都玩得好開心, 每次撕卡都覺得係自己問題而唔會賴劇本, 唔只我自己, 啲PC都識得自我反省, 咁又算唔算有思考先?

最後, 可能係大家對「動腦」嘅理解唔同, 其實大家講嘢論點都係各有各啱

巴打我睇多幾次你啲回覆, 覺得你所講嘅智力推理似係數學/概率上(因為見你不停用三國殺狼人風聲做例子), 咁如果你係我所講咁定義, 咁我都會同意trpg係冇乜智力推理

其實如果你班pc好唔鍾意撕卡嘅話大可以唔玩撕卡，如果玩家有共識嘅話改規則又點話。我自己就有一團dnd新手團係鬆少少嘅，嗰團滅團就會全隊返生不過要食劇情後果同埋跌錢跌裝。如果真係要死同撕卡我會事先警告佢地有機會會死同埋撕卡，咁佢地死嗰時就無咁心痛。

Trpg其實輸贏真係唔係最重要。成件事係gm同pc互相一起整一個故事而呢啲野可以隔好耐都可以拎出嚟笑，而多過gm同埋pc互相廝殺。當然死同撕卡係一啲令人情感會有大波動嘅野，但係事後如果熟嘅話可以去飲吓野舒緩一下。

不過人始終都係最重要個環。如果坐埋一枱唔啱玩可能真係搵過下枱好過。

利申：dm咗大約一年。

可以咁理解

一隻遊戲要評價好壞 拉埋國藉黎講就..
如果結構相似就山寨..
咁都無咩 game 同小說，動漫唔係山寨，只要前人有出過同類型既野
嚴格黎講 lol 咪又係山寨遊戲
風聲有抄邊隻？

你講果幾隻 我都無玩過 或者知中文唔識英文

同一隻 game 有人用腦玩，有人唔用腦玩既，lol都有人銅牌有人菁英啦

都係嘅，無咗係死亡之前爭扎嗰種快感真係差好遠

其實玩得耐左， 好多時都會知幾時係dm 或kp放水，而放水與否其實唔太係本身想提及既重點

一般解決問題
我分為兩類
開放式解題(用任何方法解決問題，例如兩國間的戰爭)
封閉式解題(只能用某種方法解決問題，例如解除一個獨特的詛咒，除了某一兩種方法，其他都無用，例如貞子錄影帶，如果諗唔到拎俾人睇,sorry,7日之後死硬)

前者 大體上自已覺得不算是智力推理。
除非主持人拿出非常冷門或者獨特的題材，不然大多可以容易地往某個方向發展，只需花費時間即可解決問題。

後者
我先假設玩家都係比較有經驗既玩家。

文字往往較肉眼睇到既野清晰，因為白紙黑字，有時侯又比肉眼睇到既野糢糊，因為好多時主持人腦內既場景或者想表達既野，好多時會同玩家所想既有唔少差距。

如果主持人要提供謎題，pc難以好似其他遊戲咁，可以用眼睇到好多事物，往往只可以分析文字，而如果玩家都有一定經驗，白紙黑字既文字往往難以隱藏線索，主持人想提供難題，往往變左類似iq 題或揭尾故，只係捉思維死角，你係咪同主持人思路相近。

其實要約齊人再搵地方開團好難

其實應該唔太關數學同概率事

應該話係將大量唔同既元素組合以解決問題,或者諗人地諗緊乜.

就好像象棋,玩家係會用雙方手上有既棋,按大家既企位,目前存活棋子既功能,得出大多數(或所有)將來可能發生既走向.

狼人比較偏心理推理,每一局都會快速分析存活玩家總數量.

按原先職業分佈,存活玩家應該係咩職業
佢地既職業會想達到咩目標?
發言背後,有咩目的?
按每個人發言同投票,有幾多人係同你扮FD,有幾多人係其實同一陣營黎分析大家真實身份.
當然啦,如果係預言家,或者觀眾型佛系村民,可能上面唔存在.

風聲同LOL有D似,每場都有亂數不同陣營+角色
呢D角色相疊既連鎖效應

LOL呢個例子係比較好既
玩家可以計算場上所有相關資源
例如
巴龍出現時間
上路雙方重新擁有傳送時間
雙方經驗差
一隻小兵提供到既經驗
每升一級可以為你提供到既傷害同生命值增長
隊友/敵人技能冷卻時間
出一件裝備的裝備利用率

其實有少少似象棋,只係D棋唔到你控制.

講係咁講啦
我斷斷續續DM左幾年,跑左幾年團

大多數PC都係唔想撕卡,DM都會避免撕卡.
所以3版DND出現一個奇特既論點:法爺最強論
無可否認法師真係好勁
不過有一定原因都係因為DM提供避免撕卡既戰鬥環境

因為真係難搵到岩一齊玩既穩定玩家.
如果DM知有D玩家唔接受撕卡,大部份DM都會避免撕卡,留住玩家大過天.
久而久之就會慢慢變成無人死既GAME.

三國殺我又無話淨係相似既
不過三國殺而家咁多擴充內容,佢己經將一樣純抄既野發展到多好多內容,超出左BANG好多.
你好唔好意思拎5個古代人VS 5個古代人互相丟石仔同LOL比較? 雖然都係5個人PK 5個人?
或者拎MUD同山口山/ DND比? 大家一樣係角色扮演?
雖然我都唔鐘意玩三國殺,節奏太慢.

SH 同風聲有相似既地方,係咪超簡化版我就唔太認同啦.

風聲係可以發育嬴(儲三情報),用特殊能力嬴,同要SH獵人暗影要隊死對面隊唔同.
SH無手牌,無左一堆COMBO
風聲節奏快好多
唯一相同既咪就係有兩個互相敵對陣營+1個中立陣營+大家可以隱藏身份,咁講既話都無咩GAME唔似SH啦?
狼人有人狼戀同白狼,三國殺有內奸

同一隻 game 有人用腦玩，有人唔用腦玩既，lol都有人銅牌有人菁英啦
我做狼人MC都成日發現有人鳩投既