新手做gym好迷茫

第一次去做gym
完全唔知點起步 又驚做錯姿勢
整傷自己
有冇巴打可以指點下

上YouTube 睇下片學。岀名d既有Athlean x, 其他既有台灣個d

不時都有睇下片 但好怕用錯地方發力
例如做引體上升嘅時候 唔係幾feel到有用背嘅力量

多啲去gym
請教下啲師兄

可以點開口請教

你去得密
就會有啲見過幾次嘅師兄
咪易多過去吹水

記住唔好執番鹼

多謝巴打指點 巴打做左好耐gym?
平時見到有人做錯左會唔會提下佢地

好多時只要放慢個動作 就會有好唔錯既感受度 因為會減少左你借力既情況

係咪做得多就會知道做嘅位中唔中

我絲打黎
聽男朋友講就係咁social

多練習當然有幫助 但係最重要你要知道自己做緊乜野

例如講做胸 bench press係一個複合動作，你要運用到背肌去穩定 三頭同肩都係好重要既輔助肌肉去幫助你推重d。而當你能夠推到重 就可以大大增加肌肉負荷同訓練量，對胸肌發展有好大幫助 但係當做isolate動作又未必同玩法 會比較注重肌肉既tension 所以重量未必重要

所以做個動作你要基本知道係練緊乜先
至於form 正唔正確 道理都係一樣，你只要明白背後既原因 自然會岩form，感受度亦都會增加。 例如推胸 點解手肘唔可以向外， 而係要收入少少？首先係減低肩膊因爲靈活度而受傷既機會， 除此之外可以利用更多三頭肌輔助

每個動作每個form都有背後既原理支持 做既時候專心，多用腦 自然進步

多謝巴打咁用心嘅詳細解答
呢段嘢應該會令我呢個健身新手幫助唔小
可唔可以問埋應該點樣plan每星期嘅訓練？
同埋係唔係應該每星期都練唔同部位？
例如今日做完背 第日就做胸或者腳

小事
新手既話我建議 分push day, pull day , leg day去做
push day 係胸膊三頭
pull day係背二頭
leg就腳 dont skip it

一星期routineush pull leg rest push pull rest
一星期做到5日就好唔錯 一定進步好快

有無挺胸？

巴打 你住邊頭 睇我幫唔幫到你

利伸唔收錢

老味800一個鐘。。。

今日試下去做push 試下跟你嘅意見先

青衣

太多野要學習，一個回覆當然答唔哂，但緊記要注意飲食，唔係叫你餐餐雞胸，但要學習計算自己大概需要幾多能量。
訂計劃亦非常重要，唔好見有乜機就去屌幾下，最好分開唔同肌肉或者力矩，例如今日做拉嘅動作，就做背同二頭等，推就做胸、三頭等，千萬唔好唔做腳 ，留意自己邊啲肌肉較弱就操多啲，失平衡就大劑。
要量力而為，唔好見人地推得重就跟，你肌肉量唔夠動作唔啱只會傷，gym房冇人會望你笑你，會嗰啲都唔會係勁。
健身係好個人化同好講自律嘅運動，最重要係搵一條啱自己嘅路，加油啊

多謝巴打
飲食方面好似比較難
出街食嘢方面有冇咩建議

有無gym友想一齊fun?