行到咁上下 就準備向下一個目的地進發
象山
入口就係黑龍潭公園入面
爬山之前需要好好補充下體力
所以我一早已經係尋日提過既麵包鋪買左兩個餅
朝早見住佢新鮮出爐 無隔夜 雖然放左幾個鐘 但一樣咁好食
BTW 無圖
注意 遊客係需要結伴4人以上先可以入山 咁身為毒撚既我點算呢?
憑住我幾尺厚既面皮 我夾硬叫後面想入山既本地後生仔CARRY我
不過一入去 佢地已經用輕功飄左上山

痴撚線架真係
我一路上完全見唔到佢地 我爬(真係用爬)到一半 佢地已經落緊山 我屌
條路真係好斜 加上海拔既影響 你係到行幾級樓梯已經等於係平地慢跑
你完全可以感受到心跳同呼吸 同埋迅速係腳積聚既乳酸
真係好撚辛苦 唔係講笑 我坐左好多次係個地到
因為再夾硬上 我知道自己會暈 (氧唔夠 但我已經抖緊大氣)
但係行到咁上下 你每次回頭望下身後既風景 你會不期然係心咁嘩出黎
然後又再次默默上路
全程會有三個涼亭俾你休息 風景都唔錯架
我唔係影女 唔好誤會
沿途有兩個本地後生仔 係涼亭撞過兩次
次次都望住我細聲講 大聲笑
唔知佢講咩 可能係笑我太毒
我用左成個幾鐘 再加上無數既汗水同腳力 終於上到頂
呢個涼亭有兩層 我上到第二層 一望 屌左聲
屌你老母 WINDOWS黎既?
有睇我四國遊記都知我份人比較怕醜
所以今次又請左影分身留低個倩影
注意 家庭觀眾切勿模仿 以上動作經專人訓練
難得上到黎 就同在場既各位吹左陣水 有本地人 有遊客
落山就容易好多 基本上唔洗停 半個鐘就得
DAY 3 仲未完 無錯 待續
