雖然我唔係湯告魯斯 但係我真係完成左一項不可能的任務
可能上年係四萬十川 踩左一程22KM既單車關係
今次去雲南 又挑起左條根 瀘沽湖因為事出突然無踩到
黎到香格里拉 已經無野可以阻到我租車踩既決心
登登登登 目的地 納帕海同依拉草原
其實係同一個地方黎 有水就係海 無水就係草原
借圖
出發前朝早淨係食左碗米線 叫左個青祼餅做備用乾糧
PENCAKE黎 甜甜地 幾好食
上網人地話古城附近好多租車既地方 我淨係求其揀左間就腳既
MERIDA 雞車 無避震 20蚊全日 另加支大氧氣 25蚊
玩命之旅 正式開始
認住呢個路口 沿斜路直踩見到中石化油站轉右
見到大大個寫住去石卡雪山既廣告牌就無錯 底下有條小路
小路盡頭轉右 你就會見到一條大直路 再踩阿踩
呢到沿路你會見到疏落既大小花田 黃色既 好似係狼毒花
秋天既時候會變成火紅色
原本我打算去小中甸花海 爬完文發覺花海一字其實係吹出黎
好彩無去 點解? 因為真正既花海就係依拉草原既入口
雖然唔係人工花田咁 整整齊齊 密密麻麻
但係一樣咁靚 想真正被花海包圍 你可以行入小小 花既數量會更多 更密
好多人都會係到停車 影下相 甚至有人會係到野餐
好溫馨 個阿爸仲抱住個女俾佢係花海到飛黎飛去
係到除左成功收獲一批靚相 我仲成功解鎖黑炭成就
影完相 我頭也不回地繼續向前衝
花海前面條路係一條暗斜 成幾公里長
我踩幾腳已經酸到仆街 幾十米就要停低抖抖
當你見到呢堆石塔既時候 就代表你同我一樣中左伏
點解? 因為踩錯路囉屌!!!
好撚彩我半路睇多次個地圖 其實正確入口應該係花海右邊條小路
呢條長命大斜係入雪山既 唔怪得知我會踩到隻狗咁
不過錯有錯著 我係半路休息既時候 撞到一對廣東家庭
阿爸係呢頭做野 阿媽同個女黎探佢
如是者又吹左一輪水
跟住係去依拉草原既路上 又撞到佢地一次
因為佢地都一樣行錯左路去雪山
踩左應該有10KM左右 我要停低補給一下
點知又見到一家三口 佢地仲請我食左串串燒 幾好食
一望無際既大草原 一支唔凍既可樂 同一盒凍左既青祼餅
我唔識講 你試下就明
出發 向左邊山頭前進 而呢個只係數之不盡既其中一小個
踩阿踩 我都唔知自己踩左幾長既路
沿途真係無咩心力再拎部相機出黎
因為我背囊負重應該有2KG 睇落好似好小 你踩落就明
加埋你睇下背後個天 你就明我點解無咁既閒情逸志慢慢影
再向前踩 環湖路既後半段你會見到納帕海
想好似我咁環湖 記得一定要行順時針方向 落斜多
但係中途都會有幾段小上斜
最辛苦既一定係出左環湖路 入214國道返香格里拉既路
踩左兩三公里 你會見到一大條上山既暗斜
哇屌 如果你有睇過衝鋒21
我呢一刻既心情就好似瀨那去美國特訓咁
死亡行軍 進行中
每踩一下 腦入面都有把聲叫你停低
隻腳真係好酸 我懷疑再踩多幾公里會橫紋溶解
好彩既係 當你捱過左呢段長命斜後
入左山 就係一條落山既大直路
記得注意安全 剎後製 停下放下 BREAK會過熱
阿媽 我得左啦 係香格里拉阿!!!!!
右邊極細忽既就係納帕海
入城 還車 六點 食飯
川菜 炒飯 麻婆豆腐 拍青瓜 好好味
MISSION IMPOSSIBLE ACCOMPLISHED