醒左之後 其實好餓 因為對上一餐已經係尋日下晝上機前食
到左昆明又因為趕車既關係 咩都無食 淨係買左包餅 食左幾塊
麗江站去古城 其實坐巴士就可以到 唔好信門口拉客既 5蚊位拼車
而巴士劃一收費只係一蚊
去束河古城的話 我建議出到市區再搵藍麵拼車或包車
因為巴士只係去到成公里遠既門口 加上唔識路的話 極有可能當失路
束河古城門口旁邊有個旅客中心 有咩問題可以搵入面既人幫手 (當然期望唔好太大)
下面係客棧
安頓完之後 即刻狗衝出去搵食
基本上你靠大眾點評 係唔會點中伏 呢到推介一間叫文奶奶既餐廳
價錢公道 份量算多 味道可以
醫包左個肚 就係古城四圍行下
夜晚好天會有少數民族歌舞表演 可惜是夜天公不造美 取消
DAY 2 完