唱歌其實好簡單 你問我答

想問 點可以唱得大聲啲
同埋 身邊朋友成日都話我唱歌無感情
想問問有咩方法可以改善？
感謝

唱得大聲啲嘅意思係想把聲響啲？定清楚啲？要先搞清楚，因為兩者係唔同嘅。

如果唱歌俾人話冇感情，可以先去了解首歌嘅歌詞意思，再用你嘅方法去表達出黎

講嘢得唔得 唱歌好難聽

冇所謂

https://www.dropbox.com/s/htwn63ufobnz0ji/%E6%B5%AE%E8%AA%87.wav?dl=0

巴打求評
自己就覺得把聲有D UN耳同埋好硬好喉嚨，假音都上得唔滑同音質差，本身沙聲底

唔知點解睇到你個名我就笑咗

巴打把聲唔錯，聽得出你想表達嘅情緒。要注意嘅係你用喉嚨力用的太多，當你要快速轉假音嘅時候會出現好大嘅斷層，亦即係你所講嘅「好硬好UN耳」。如果巴打係假音嘅時候做提氣動作嘅話，聲音會比較順同埋連貫

謝巴打 我會練下

捉唔到音準，成日以為自己岩音，可以點練

點解見到你個名我會聽到「做個職安真漢子...」

如果要知到自己啱唔啱音，最好嘅方法係錄低，為後同原唱對比，聽到唔啱就聽下係高咗定底咗；又或者搵一個音準好嘅朋友幫你聽，慢慢捉番好音準

覺得自己把聲難聽
試過唔同發聲點都覺得唔得
可以點

巴打加我TG , 我幫幫你

推推先

唔太夠氣 點搞

巴打唔夠氣係唱唔晒一句歌詞定唱完一首歌好攰？ 想知多少少

又唔會太攰嘅
我唔知係咪抖氣位換氣位錯
例如思覺失調 頭一段都ok 唱成首就冇咩氣了
「極危險 連思覺像也失調 無辦法接受現實自制假想難延續故事」
成句成日唱到最後幾粒字冇氣 或者變咗做假音
另外我成日慣咗唱唱下乜撚都假音

睇另一個post有巴打話唔關肺容量事 因為事關我係瘦撚 瘦撚到仆街嗰隻

留名

唔敢面對自己由mic度發出把聲，覺得好難聽，同平時聽到把聲唔同
所以唔敢唱K，而家冇朋友搵我去了

點克服好？

仲有，人人唱歌入mic，我唔入
要入就要嗌，結果五音不全

首先...一定唔關高矮肥瘦事先！
另外肺容量亦都冇咩關係

如果要唱一句咁長嘅歌詞，就要好好咁分配你用係句歌詞上面嘅氣：假設我嘅氣有20，一般句子當10個字，我就平均分佈為一個字用2；但如果好似喱句歌詞有16個字，咁我分佈如果照用每個字2，我好快就會冇氣，所以就要係某啲地方減成1，令我可以完成整句句子。

另外你講到有時唱唱下會變咗假音，好大機會係因為喉嚨太攰，聲音連最後嘅支點都冇埋，就會飄，咁就變咗假音喇

首先我解釋下點解我地自己聽自己講野食同係mic出黎嘅聲會唔同先啦：

人要聽聲音會有兩大方法：骨導同耳導。

先講耳導，耳導係指我地平時聽嘢，聲音經yr空氣震動入耳仔，再經大腦俾我地知聽到咩，喱個叫耳導；
而骨導就係我地自己聽自己講嘢嘅時候，唔需要經過空氣震動傳入耳仔，而係聲帶震動骨頭發聲令我地自己聽到。

所以我地平時聽自己講嘢把聲就會同用mic經喇叭出嘅聲唔同喇。

一句總括：習慣就好。

講到唱歌入唔入咪，其實唔關你大唔大聲事，而係聲音集唔集中。
如果聲音唔集中，再大聲都入唔到咪；相反聲音集中嘅話，細細聲都會好嘈

lm

有無咩心得去面對自己把聲
我覺得自己把聲好戇鳩，voixe message都唔想聽返

thanks 我會試下

具體黎講咁點先可以集中
為入咪去叫一定好難聽

一開始聽唔慣一定會感得好難聽架，但聽聽下就慣架喇。因為嗰把先係人地聽到你講野嘅真實聲音