唱歌其實好簡單 你問我答

點樣捉拍子，小弟完全唔識

利申：以下係不專業分析，純粹個人意見。

周杰倫係一出道嘅時候，唱法以「唔清唔楚」見稱，因為咁而成為咗佢嘅超強個人特色。

從周杰倫第一隻碟開始，佢嘅歌都係偏向高音+歌詞超密，正好同佢嘅特色唱腔互相對應。

原因係嘴巴郁動唔多但聲音集中的話，最大嘅優點係聲音可以非常容易到達高音區。以「擱淺」為例，最後一段副歌嘅第一個音 "「我」只能......" 周杰倫係唔需要做好大嘅準備動作，只要稍稍提氣已經可以上到非常高音。
其次嘅係，嘴巴郁動嘅幅度越細，佢嘅咬字速度可以越快，所以對於佢嘅前期作品上面嘅rap部分都係非常有利。

有優點，當然有缺點啦。

第一大嘅缺點相信大家都會好清楚：完全聽唔到佢唱咩。基本上唔睇歌詞都唔知佢唱緊咩，係情感表達上就會比較差，喱一點係毋庸置疑。
第二大缺點就係對於聲音肌肉上嘅消耗會非常大。因為長期不斷運用同一個發聲位置去衝高音，總會有用盡同埋疲勞嘅一日，所以佢就開始開發新嘅發聲位置、將咬字慢慢變得清晰。

然後大家會慢慢發現，周杰倫嘅作品係佢出道後嘅5年後慢慢咁改變，音有以前咁高、詞亦冇以前咁密。一切嘅原因都係為咗令佢自己可以唱得更多、更耐。

以上幾個原因加埋就會明白，周杰倫近年嘅作品好，演唱會好，都係比以前嘅聲音低同埋厚。並唔係佢唱得差咗，而係周杰倫知道以前嘅唱法並唔長久，所以佢開發咗其他嘅發聲位置去令聲音更穩定。

以上係我自己嘅少少意見，大家可以一齊分析交流一下

最好係搵一首歌，然後手機開拍子機app，對準個拍子去數同練習。

如果唔識聽嘅話可以搵一啲識數嘅朋友/上網搵譜，睇下拍子係幾快，然後慢慢數

想問一個人既真音可以唱到幾高有冇得練？

例如周杰倫d歌個key偏高，唱親佢d歌都要降兩度至少，有冇可能唱唱下練到把聲高音過之前？

真高音其實家下youtube好多片可以跟住練

一般都係唱 nay nay nay 練返好個閉合先

再高啲就要練mix

一個人嘅真音可以唱到幾高其實並冇一個特定嘅指標。正如我所講，唱歌嘅技巧係用嚟「叫醒」一啲我地已有嘅技能，所以可以唱到幾高其實係視乎你嘅聲音可以發展幾多，並冇一個限制。

如果真係想開發你嘅高音，我首先要聽下你唱歌嘅情況，然後根據你把聲去俾方法你去開發

周杰倫之所以可以維持到咁耐用同一個發聲點去做高音，係因為佢嘅聲音非常之集中係中音區嘅位置。基本上佢只要少許嘅提氣，就可以唱到好高同好穩嘅聲音。

至於咬字唔清楚所以似樂器喱一點我係絕對認同。因為人聲本身就係一件樂器，我地透過改變不同嘅音調去唱出音樂。只不過係華語樂壇裡面，有90%嘅歌都係有歌詞，而歌詞嘅作用係用嚟表達歌曲嘅意思，所以某程度嚟講，如果我地咬字唔清楚，其實係浪費咗啲歌詞。雖然都會好聽，但往往聽到嘅都只有「技巧」或者「情緒」，歌曲嘅內容完全係表達唔到。

如果唱其他語言，例如你舉例嘅西班牙文，因為語言結構嘅不同，對於咬字嘅要求都有所不同，所以lur都冇問題

Chicken attack

男人 （ 普通話）
係咩發音，
假設剛好踏正係你轉聲位
要用mixvoice唱
除左氣Support, 會點處理呢兩音？ （ 指口形，共嗚位置上）



同埋對於頭既共嗚

soft palate既共嗚位置，你會用咩發音/ 口形 去感覺個種聲音偏後既共嗚？


你有無咩機制去防止自己頸部有壓力？
（ 有時追求效果， 會任性幾下，但好易過火就會開始有小小疲勞）

Thx bro

巴打唔介意我真係可以send條音訊俾你評下俾下意見點可以再好d telegram個d？

要好好真假音轉換，或者實在嘅假音，氣息控制係非常之重要。

正如我有講過，當氣息控制做得好嘅時候，氣就可以輔助聲音好穩定咁輸出，無論係去高定係去低都一樣。所以要做到靚嘅真假音轉換，係需要靠提氣嘅動作去完成，而實在嘅假音都係一樣。

男人 (拼音：nan 二聲 ren 二聲）

無論任可字/任可音，當佢係一個高音（比前一個字高），就必須要提氣。

而你提到口型上、共嗚上，需要點處理喱兩個音。我嘅建議係，做好「男人」喱兩個字嘅咬字，基本上已經完成。

接下來嘅兩個問題，如果有興趣的話我TG答你

http://t.me/realheartoneask

TG: http://t.me/realheartoneask

完全認同

網上有千千萬萬個教學，不同嘅歌唱技巧，其實好多睇完都係唔明/明但做唔到，所以最好嘅歌唱教學就係根據每一個人嘅習慣、強弱項去進行改善。

冇一個方法係絕對可行係每一個人身上，所以大家問我問題我會盡答，但如果要改善聲音嘅話，最好就係TG我，我根據大家嘅聲音幫大家調整

TG: http://t.me/realheartoneask

p.s. 有幾位巴打搵完我之後把聲已經比之前舒服咗/唱得輕鬆咗，希望我可以幫到大家

用假音唱真音 是咪即喺講緊mix

但稍為低啲嘅高音好難做到mix
多數去到再高音啲先容易啲做到mix

其實唱歌都幾靠自己摸索
以前睇啲教學嚟講，唱高音就要聲帶閉合，集中啲唔好咁多虛氣，如果唔喺太多氣虛咗就唱唔到
但家下啲教學就多數講返要送氣先，比氣息 好似好矛盾咁，都幾令人疑惑 但某程度上嚟講又的確講得通
要比多啲氣息先可以chest去head中間無gap

我覺得靠自己摸索嘅最大原因正正就係坊間對於唔同voice嘅定義同理解都唔一樣（贏家巴打講嘅坊間都未必清楚），甚或同一樣嘢可以表達成兩個唔同嘅講法（例如藍調巴打話以前講要聲帶閉合，唔好太多虛氣，同宜家話送氣比氣息，其實懂行嘅就知道佢哋用唔同角度講同一樣嘢 ）

而reduce gap呢樣嘢其實牽涉到好多嘢，不過比氣息可以係一定程度上幫助啟動牽涉嘅嘢，身體機能本身比較放鬆嘅朋友就容易做到無gap，而一般嚟講身體比較僵硬嘅朋友就要加上其他發聲動作同模式嘅調整去整走個gap

更加多嘅留翻比樓主得閒補充，小弟無意騎劫

氣同閉合係一個平衡, 首先氣係要一路送, 因為氣係聲帶震動既原料
之後就要睇個平衡做成點, 如果係太多氣息就需要多的閉合, 調番轉氣息唔夠架硬上閉合就會過多去補償, 呢個情況就要比多的氣息去做番好個平衡

好似巴打你個 "見" 字既問題係個G音令你氣息斷得太開, 你改做唱 "獻" 去練番有氣息既感覺, 可以做到唔斷之後用番個感覺去唱 "見", 個G音輕輕帶過就可以了

巴打完全講中晒我心入面思考中嘅概念
連我個"見"字問題都一下道破了

高人