知我邊個嘅就知我一日講差唔多十個鐘嘢，都單純只係需要飲水令自己唔口渴，唔會攰
而就住講嘢呢樣嘢去用其他嘅發聲方法呢一點，姐係代表已經講講嘢同唱歌嘅發聲模式去分割開，咁樣一嚟對歌唱嘅進步無正面嘅影響，亦無法將學唱歌而理解嘅發聲學以致用，咁樣其實講嘢嘅方式持續出問題，長久都係會傷聲
而自然與否，其實只係同練習是否充分有關，有前輩曾經講過學習歌唱發聲會順序經歷四個階段：
1.不自然且不科學的發聲方法（傷聲+唔好聽，少數普通人一直維持係呢個階段）
2.自然但不科學的發聲方法（傷聲，但不會突兀，呢個亦是絕大部分未經發聲訓練嘅人嘅狀態）
3.不自然但科學的發聲方法（就係樓主所謂嘅就住''講嘢''改變嘅發聲方法，對於初接觸學習發聲的朋友經歷嘅階段）
4.自然且科學的發聲方法（呢個就係最後一個階段，唔傷聲得嚟亦令人聽落感到聲音清楚，舒服，例如唔少嘅配音員，演講家，戲劇演員等等經過發聲訓練后，絕對唔會出現樓主所講唔自然嘅現象）
當然從第三步走到第四步需要一定嘅時間，但係並不代表除唱歌外嘅其他發聲我哋無需理會
