唱歌其實好簡單 你問我答

lm

即係點發聲先啱

高音少少都唱唔到 點搞

想問下 唱高音時有某啲字發音好容易破

例如軒仔首缺 最尾果段

冷風吹 對鏡自說
終有樂土可給眷戀 仍然可望見樂園

個見字，發音上好容易唱破 有無意見可提供一下

發聲其實冇話啱定唔啱，識唱歌嘅人只係比正常人可以用多幾個發聲點，將高中低音平均分佈係唔同嘅發聲點上面，咁就可以唱得更穩更好聽

巴打先要知道唱唔到高音嘅原因係咩？係發聲點太高？太低？定係喉嚨力太多？......等等。有非常多嘅因素影響，所以一定要聽過巴打唱嘅聲音先可以答到你到底要改善啲咩

巴打所講嘅高音位，尤其係你提到個「見」字，係必須要提氣去唱，如果唔提氣聲音會卡死係喉嚨，就會走音。

輕輕一推

女仔 唱到好似讀歌咁 梗係覺得把聲同首歌唔夾

晏係

想問下如果係長期有d鼻塞既人 會唔會對唱歌既發聲同音準有影響

其實唱歌要有感情，要有情緒，就要先了解首歌嘅背後故事係咩。如果首歌對你嚟講係好有意義嘅話，歌詞就會好似你嘅對白咁，自自然然就會有情緒

會，對唱歌發聲方法無疑是一定會係「好重鼻音」，但喱一方面可以靠改變發聲點去改善嘅

至於對音準有冇影響，我只可以講咁嘅情況，聲音會好快攰，然後出現走音/破音。

學過幾年唱歌
後尾發覺 其實自己最大問題係身體差
所以想唱得好 養好個身體都好重要

認同

身體對於聲音嘅影響係超出我地想像架！

你學10年係學咩類型？

先聲樂、到流行、再到流行聲樂

請問想唱bruno mars d歌可以點練 宜家只係勉強唱到 高音既要要好勉強先上到同無乜感情 似嗌歌多d

要唱Bruno Mars嘅歌首先一定要了解佢首歌講咩，因為佢所有歌都有一個好獨特嘅味道，一定要deep in 首歌先可以唱到，同埋你一定要好enjoy係首歌入面。

第二就係要開發你嘅頭腔同胸腔，等聲音可以平均分配，如果唔係會好易攰死

唔該晒巴打 姐係要練頭腔同胸腔先至再慢慢投入感情

想提多少少，一定要將「技巧」同「情感」分開。
因為「技巧」係用黎練習嘅，當你嘅「情感」就快失控嘅時候先用「技巧」黎救命！

咁你話原來可以好簡單既方法係咩 不如具體D講

具體啲講，即係我地可以係生活上唔同嘅情況下，搵到一啲好多人會講到好深嘅唱歌技巧，例如：

「丹田」：其實係腹式呼吸，當你成個人好放鬆咁訓係床上面嘅時候，身體於會自自然然用腹式呼吸；
「頭腔」：我上面有提及過，當我地好興奮嘅時候會歡呼，一般歡呼嘅時候就會用頭腔發聲；
「情感」：當你同人講一個自己嘅心路歷程嘅時候，你好自然會有語調嘅變化，完全唔洗刻意去諗
.
.
.
. 等等

所以其實唱歌好簡單，只要你想用首歌表達一啲意思，就會好聽。

推推