圍棋被喻為世界上最高難度棋類博弈，上年3月，南韓9段棋手李世石同Google開發嘅人工智能AlphaGo對戰，遭遇1:4慘敗，當時中國天才柯潔喺微博留言，冇擔心過輸畀人工智能：「就算阿法狗(AlphaGo)戰勝了李世石，但它贏不了我。」
雖然有人覺得柯潔狂妄，但又有網友覺得，佢當時已經係世界排名No.1，絕對有資格咁講，直至最近Master喺網上橫掃頂級職業棋士，柯潔終於現身應戰，可惜佢兩次輸棋後，星期二晚再向Master挑戰又輸，造就對方6日內完成50連勝壯舉。
其實柯潔應戰前，中國9段棋士古力已忍唔住喺微博留言，自資10萬人民幣獎金，希望有人收拾Master，證明人類比人工智能優勝，可惜隨住柯潔落敗，古力唯有面對現實：「50連勝，雖然也曾想過，但事實擺在面前時，還是令我等職業棋士汗顏。」


事實上，Master估計已擊敗15個圍棋世界冠軍，包括完勝中日韓圍棋第一人柯洁，井山裕太同朴廷桓，證明喺圍棋世界無敵，特別係19歲嘅柯潔已經4次得到世界冠軍銜頭，被視為圍棋界人類最後堡壘，今次被人工智能輾壓，難免令人黯然。
source: http://hk.on.cc/hk/bkn/cnt/sport/20170104/mobile/bkn-20170104115029209-0104_00882_001.html
會唔會其實唔係程式黎 係sai
真正既實力可以話深不見底
