講咩廣東歌沒落吖 只要有返好曲好詞好歌手
一定可以做返起
你睇吓aga, 雖然唱功一般,樣又唔係靚
但就作咁多好曲出嚟 加上有特色
咪一樣撈得起 依家仲越嚟越紅添
依家只係音樂人沒落 作唔到好歌 兩位填詞大師都減晒產 淨返D垃圾陳詠謙(aka會員 暴走疏乎厘)
其實就算全球化,都唔代表發掘唔到d冷門嘅外語歌做改編
紅嗰d歌就緊係唔好改啦
但好多外國hit歌 都唔夾廣東歌
反而個pool咁大實搵到d曲啱改做港式曲式
所以可以搵多d英文 日韓歌做改編
最重要夠冷門保持新鮮感
起碼維持返好旋律嘅比重先 當然我唔係鼓勵改編歌 只係唔想依家連首K歌loop下都難
講真成日鬧K歌,但根本以前最紅嘅歌都一樣係K歌嚟 只要依家唔一定做情歌咪得 (主要有人話題材太單調 我都同意)
好心分手,明年今日,霧之戀,小城大事,有邊首唔K?
D學廣東話嘅人咪又係聽呢D, 唔通佢哋會聽d冷門嘢咩
依家嘅問題唔係K歌泛濫 而係K歌以至其他類型嘅歌質素都唔夠 更加唔好話要出海外
大把星馬中台人仲唱緊 吻下來 豁出去 啦,講咩K歌泛濫 真係弱智
近年有D咩又紅又有質素嘅K歌?
上年我淨係覺得C3PO, 再數落去已經係tonick, 但詞同唱垃圾就真嘅,曲嘅話 一年點都要有幾首呢d歌
當然仲有3am啦
所以話aga呢個新星keep到好作品嘅話真係遲早全港都識佢
認真,依家鬼佬樂壇最紅嘅歌 不外乎rap, band, 好輕快或者好撚嘈嗰d音樂 呢d真係好聽咩
當然唔係話批評,只係想講每個地方都唔同曲式
依家泰文歌/越南文歌 好hit嗰d旋律咪又係好撚k, 根本冇分別
講多兩句,有903嘅存在,就代表你幾唔pop幾唔K, 都一樣有得生存
睇下rb, sm, at17, 農夫 呢d 本身弱勢都比佢哋播到強勢
lil ashes, 達明一派,lmf嗰d 咁另類呢d佢哋都肯播 仲要播到攞獎
再唔係就997, 佢哋係雞榜/公廁榜,有錢就上得/有d歌唔使錢都可以上一兩個禮拜
當然997影響力真係低,但想響下朵上下榜都可以搵佢哋
反而tvb先係最危害樂壇,依家K歌最大問題係罐頭,佢首首都倒模越難越愛呢d模式,真係好低質好厭倦,仲要只比自己友上榜 其他台都有小圈子但程度差太遠,佢唔係你d人直頭上都唔比上