小弟最近沉迷玩翡翠玉石，香港有咩交易平台

玉戒指可以點揀？

有啲手鐲會少少花巧嘢例如某啲位突出來然後雕一啲嘢

主要都係睇有冇大裂，種水個人喜好

留名支持 無乜後生既會欣賞玉咁

一件靚嘅玉,再加一個可以融入件玉入面嘅雕工,成品真係好靚,上網見到好多大師工嘅作品,都有啲心動,嚟緊有一件料可能會上大師工,睇下高松峰老師可唔可以幫手雕......
有時候好嘅雕刻師都會揀一啲合眼緣嘅玉上工,唔一定肯收......

負皮比你d死人指甲

又出咗成品同開咗啲石，交易平台真係偏少......

我阿爺都留左粒比我唔知A定B

巴打係邊到搵到買手

有疑問可以拎去驗，不過流通價值唔高，當平安扣保下平安啦

係大陸果啲賭石吧 翡翠吧逛下睇下邊啲信譽比較好就搵邊啲，直播就唔建議睇，睇壞眼

同埋買石之前要了解左唔同地區出產嘅石嘅特性，有啲買手會亂叫價，就睇眼力

有無話買開邊間
淘寶d原石係咪大多都呃人？

唔可以話呃人呃，只係相片同實物顏色有出入，買之前了解左行情同埋最少理解左一種皮殼先，可能有啲都幾老實，不過買石先買人......

因為玉石本來就唔存在實際價值，都係各花入各眼，唔同人有唔同標準，有啲人買公斤料買幾萬，佢地都開心

幾年前去緬甸旅行，回程識左個大陸佬，佢話買左五十萬原石經雲南走私返去中國，賣家有哂一條龍服務

緬甸同中國邊界最薄個邊只有一面牆，可以彈出彈入

好多緬甸商人都會咁挺而走險...因為佢地要搵食

最近又做左啲成品出嚟，仲未搵到地方賣，囧

幾十歲人都未去過玉器市場，去見識下，感覺就好似裸女入咗男湯 ，額頭鑿住“老襯”兩個字。我自己都撈海味，對於班仆街劏客既程度都自愧不如

標價2千幾, 佢第一口價我個心已經吊一聲， 我哋正經海味鋪2000最多減200，佢第一口價已經嗌千二， 我大佢話畀多次機會你開價，佢噏咗唔知幾多我都唔記得，我轉身就走 ，佢拉住我話500啦， 我自己都OK，我老婆還價200，佢又話300又話兩百五，我哋都企硬，最後200成交。

另外想問下香港邊度可以搵到人刻幾隻字， 一百幾十有交易個D

可以去紅磡啲加工場問，唔想煩就拎返去玉器市場或者廣東道搵鋪頭幫你拎去加工，如果想知自己買件嘢A唔A就去廣東道玉器交易廣場3樓或者10樓攞160蚊驗下。

上網搵到好多激光刻字個D， 刻唔刻到上舊玉？

玉刻字我會建議用牙機/雕刻刀，因為玉係磨出嚟的

我老豆係做呢行 但就黎退休 佢有師傅班底。我本身有份正職 但唔想浪費佢d資源。巴打方唔方便留個tg， 傾下計。