小弟最近沉迷玩翡翠玉石，香港有咩交易平台

我手機影比較差

你近睇會見到舊成品個結晶係一粒粒而且比較鬆散，睇落冇咁順眼，好似啲嘢一撻撻，咁就係晶體細膩度不足，某啲部分飽滿少少，某啲部分又粗糙啲，所謂種唔夠或者種嫩嘅結果，你又睇返前面種老嘅，就有大對比，只不過上面圖因為影得唔夠近，所以唔覺。

所以簡單嚟講
種嫩 =睇落晶體好疏散又粗糙，睇落好似好多雜質咁
種老 = 睇落飽滿溫和，就算佢晶體有成3mm咁大粒, 佢都會排到密密麻麻，睇落去係好似填滿咁樣。
就好似上面我條魚咁，雖然佢嘅晶體比較粗，大約細豆，糯種，但係由於佢種夠，所以冇出現到睇落又污糟，又粗糙嘅感覺。
當然拋光都對件料子非常有幫助

同埋種嫩有一樣嘢會好明顯,就係當佢用一啲比較幼細嘅工嘅時候,由於佢晶體鬆散,折射方向不一致,你睇落去你會唔知佢雕咗啲乜,或者睇唔清楚。

你設計定師傅自由發揮??

就好似咁樣,你都睇唔到佢個樣 ,圖片來只淘寶

因為小弟比較新手,所以一般淨係會諗做乜嘢大類(例如人像/山水/動物/生果),然後問下師傅有咩建議再決定。
例如見到舊料好似有好多毛毛裂,咁樣我會諗住做生果,因為D線條比較多可以摭咁少少,跟住同師傅講話做生果摭裂,然後師傅就會建議不如做花生啦,咁多條線同紋,又啱形狀喎,然後佢就幫我做生花,咁樣。

更加嫩嘅代表......

咁根據我琴晚所講嘅 種水色工 點解種行先呢,因為種會嚴重影響件貨係拋光之後嘅質量......所以除非佢嘅水同色都十分之好,一般種嫩都唔會起貨,一係就起啲工粗,雕得深先睇到形狀嘅嘢,
如果舊石白雪雪,冇色,又冇水,有啲人會攞嚟整下杯,煙灰缸,或者學緬甸人攞嚟起屋又得,得咗...

一刀窮， 一刀富

不過都係窮既多

頭先幫舊石cut形狀...

before

after

99個窮嘅成就咗左個1個富嘅

想買一對貔貅
大細一盒eclipse咁上下大
唔想比人昆
邊到買到幾錢合理

大師大師
請問呢舊靚唔靚 真定假 值幾錢

如果你得閒可以星期六朝早去佐敦廣東道玉器街睇,但就唔好去甘肅街,啲嘢會根據種水色有唔同價錢,平到幾十(B貨/石性重的A貨)到幾千都有,如果買得貴,就順手拎埋去鑑證中心驗,160蚊一件,不過你買之前要問佢係咪A貨,如果佢答「真色真玉」,多數係B,如果佢答A貨,你買完之後同佢攞張單,1個鐘後驗完唔對路就返去插佢。

真假睇相睇唔到,有疑問就攞去鑑證中心驗下,
如果呢件係A貨嘅話 糯種白肉 飄1粒花...,百數貨,每個人眼中價值都唔同嘅,覺得鍾意就好

我手機影比較差

你近睇會見到舊成品個結晶係一粒粒而且比較鬆散，睇落冇咁順眼，好似啲嘢一撻撻，咁就係晶體細膩度不足，某啲部分飽滿少少，某啲部分又粗糙啲，所謂種唔夠或者種嫩嘅結果，你又睇返前面種老嘅，就有大對比，只不過上面圖因為影得唔夠近，所以唔覺。

咁所謂咩冰種，花青種係咪又係另一樣野黎

你D指甲好利，係唔係開石用？

腳甲係點？

唔記得剪啫

實未落，變文物

不如開晶圓

咁就要講水，琴日講出種，而家講下水。
咁水代表舊石嘅透光程度
粗略分就有： 豆 糯 冰 玻璃
細少少分就有： 粗豆 細豆 粗糯 細糯 糯化 糯冰 正冰 高冰 高冰玻璃底 玻璃
仲有啲咩冰豆 溏豆 化冰就比較少用
至於花青其實係色嘅一種，色就遲啲講，今晚講下水先。

咁上面講嘅水嘅分類其實就係類似於描述物品嘅透明度,再加少量嘅結構描述
豆種 即係唔透光,或者有少少透光嘅翡翠,一般粗細豆分類係以3mm為分界,大過3mm就係粗。
糯種 就好似煮熟咗嘅糯米咁樣,有少少晶瑩嘅感覺,但依然係有顆粒感,咁粗同細就好似平時食開嘅米同埋小米分別。
糯化 就好似一碗煮到融左嘅糯米咁,無明顯顆粒感,有少少晶瑩嘅感覺,但又未至於通透。
糯冰 就好似你洗完米,啲洗米水嘅感覺,冇顆粒得嚟又開始見到洗米水下面有少少米,但有一種模糊嘅感覺。
冰種 就好似你係雪櫃攞一舊入面有空氣嘅冰出嚟,可以比光線穿過,而且有種似凝膠或者泛螢光嘅感覺。
高冰 同一舊係雪櫃入面冇空氣嘅冰一樣,晶瑩剔透,放係咩上高下面嘅樣都會睇到大概情況,但唔係太清楚,光嘅折射一致,睇落舊成品度會見到入面好似有種泛螢光感覺,你點樣反轉佢都會見到果度光折射出嚟。
玻璃種 好似舊鋼化玻璃咁,睇落非常之實淨,鋼性十足,放啲字係下面都會睇到寫啲咩,而且光線經折射下會感覺飽滿,珠光寶氣。

https://kknews.cc/zh-hk/culture/za5m5q.html
可以參考下呢度啲圖,不過每件玉都獨一無二,唔一定件件都係一個樣,棉同個質感都會有所差異。

黃昏市場
後生唔再鐘意玉石
大部分都有價無市

呢個行業本地冇乜人接手了......

要入行應該點

成品點分到真假