小弟最近沉迷玩翡翠玉石，香港有咩交易平台

應該要有人脈，唔太清楚，冇人脈又冇資金就冇了......

而家科技發達，做假技術好好，一般攞去驗

種嫩睇落似入面有雲

種老都可以有棉，但呢張圖個種嫩其實唔算好嫩，所以只在光線折射上有分別。結構都算緊密細膩

種老都可以有棉，但呢張圖個種嫩其實唔算好嫩，所以只在光線折射上有分別。結構都算緊密細膩

紫色淡春平極都2000 3000(講緊成隻得少少紫，少少綠，少少白，成隻淡紫平極都6000,種水好嘅萬萬聲，如果淨係想要成色唔追求翡翠可以玩下瑪瑙 玉髓 平靚正但更易爛

色方面,一般以 綠 紫 黃 紅 為主,但由於小弟對色料研究不多,所以就附上一條LINK......
https://read01.com/zh-hk/0gPoBj.html#.Wu3VI3--m00

至於紅色,其實紅色翡翠有兩種成因,一種係先天嘅紅翡,一種係後天加熱嘅紅翡
咁兩種有咩分別呢,自然紅嘅紅翡係喺礦石變態時候經過長年嘅中高溫受熱,令到黃翡變質成紅翡,天然燒嘅紅翡色澤一般比較暗啞,比較難出一啲種水色俱備的成品,所以當有優質紅翡時價格相對昂貴。
至於人為後天加熱呢,就係將礦石(如大馬堤的黃霧層)以高溫加熱成紅色,咁樣加熱會令到肉質受到傷害,睇落色澤會比較鮮紅,但近睇佢紅色部分結構會十分鬆散。不過據聞大陸有啲高手可以用人工做到天然燒狀態,不過收費都十分之貴......

然後又簡單地講下工,其實中國有好多不同地方嘅雕工,但一般我所知嘅就係所謂四大地方雕工,分別係 揭揚工,滇工(雲南工),蘇工,四會工,咁我就講下揭陽同滇工先。

首先講下揭陽工,據一啲行家所講,揭陽工算係四種入面最精緻嘅工,因為佢地係雕嘅仔細程度同埋對於成品「水」嘅控制上都十分之後,令到成品栩栩如生,咁控制水上面嘅工我地叫做「調水」,有時候你會見到有啲成品嘅背面會有一啲工整嘅坑,一般會有三種原因,第一種就係因為位置有裂需要去除或者掩蓋;第二種就係為咗呈現成品嘅立體感;第三種就係調水。咁調水又有乜用呢?例如有陣時成品正在雕刻嘅時候師傅發現成品某啲部分係正面睇落去較為不受光,佢地就會利用「調水」將成品受光背面部份偷簿,令到佢採光面積擴大,從而令到佢透光感更強,咁樣就大概係調水作用,而揭陽工係成品雕工嘅完整度同精細度上十分之好,所以好多人都覺得佢係四種工入面最細緻嘅工。
http://www.sohu.com/a/163323374_224377
揭陽工

然後講下我比較鍾意嘅滇工(雲南工),我個人就比較鍾意滇工入面嘅瑞麗(地方名)工,因為瑞麗係中緬邊境接壤地,所以就比較多唔同地方嘅師傅去果度發展,產生唔同嘅風格。不過一般嚟講滇工係以「融合原石特徵」以比較自然同隨性嘅方式雕,令到成品提材會比其他地方嘅工(其他主要做人物,山水,龍牌果類果啲)更加豐富同有彈性,但可能係調水方面就冇揭陽咁好,咁點解我咁鍾意滇工呢?因為我個人比較鍾意玩大馬坎場口嘅石頭,大馬坎場口一般出嘅半山半水石都係由石皮到霧層再到肉,所以顏色比較豐富,用上滇工個提材同風格就可以玩到更多唔好巧色嘅雕工。
https://kknews.cc/zh-hk/collect/qoxo6vb.html
滇工

咁留意下啲淡春彩手鐲啦，3000左右有交易，白紫綠每樣少少幾好吖

正確嚟講係緬料翡翠多數出翡翠，玉有分軟硬玉，翡翠一般分緬料危料，危料成份同埋硬度多數都比較差，但出證書都係翡翠A貨，但硬度會差0.01～0.03,而且化學成份都唔同，如果想了解有咩分別可以搵一啲 緬甸翡翠 同 危地馬拉 翡翠資料睇下。

香港鋪頭可能3000鬆掛，不過啲色同種就普通，俾香港3000鬆手鐲舊原料圖你參考下

咁樣已經算淡春，手鐲同時有綠紫 而且見料唔死

儲返6000 7000啦 靚好多

同埋買果陣就算手寫都好都最好有單據，有咩事可以嘈。

同埋買嘢唔好抱撿漏心態，一分錢一分貨，如果人地幾百一千話冰種，你都唔好信啦

你去油麻地不如去佐敦廣東道啦，一來冇咁劏，二來隔離玉器商會果度3樓10樓都有得驗。

一路都想買隻玉手鐲戴

有無聽過日本魚川玉
另外手觸有無d無咁女仔既男裝款