小弟最近沉迷玩翡翠玉石，香港有咩交易平台

話說小弟最近沉迷玩翡翠玉石，由原石開始參與到成品，慢慢累積少少東西，網上有咩平台可以做到呢類交易，去出張證書會唔會多人買啲？

我沉迷水晶

留名，一直有興趣研究，但未有時間

巴打買原石自己開？

留名
想買壽山石

我最近都沉迷左 成日係fb睇大陸人同台灣人直播拍賣

我係微信經買手買，然後買左啲機器返屋企，一放假就開機擦皮 開石，然後去廣東道朝10晚4果啲毛料店搵師傅加工

其實好好玩，一舊石由自己開到成品，不過直播果啲唔好買，伏味濃，先自己睇多啲，摸多啲，再入手，咁樣冇咁易切垮

得閒交流下XD

都可以交流，不過我淨係識睇少少翡翠種水料...

呢啲料頭料尾鐲心都幾有意境XD 但質量就唔太好

上面條魚同個佛都係呢舊出XD 搞左成個月，自己都覺得慢

條魚未拎去拋光之前個樣，係咪好樣衰呢

咁我簡單咁講解下我對翡翠嘅了解先啦，
首先睇成品，
成品構成主要係睇
種水色工
種代表舊石嘅晶體細膩度，粗唔粗幼唔幼
水呢就代表佢嘅透光度
色就代表佢嘅顏色同埋底色
工就代表成品雕工嘅細緻度同題材

咁簡單講下種先，
種係代表晶體細膩度，一般區分係有種冇種，有種就再睇種老定種嫩，即係佢啲結晶粗唔粗，幼唔幼
如果種老嘅，即係細膩度高，睇落就冇顆粒感，就好像咁因為手頭上冇種老成品，所以上網搵住先
另外我就有舊未整嘢嘅原石，都係種老嘅


舊料睇上去係咪冇乜顆粒感同順滑呢？咁就係種老(利申：種唔關透光度事)

咁我地又睇下咩下種嫩 或者 冇種

由於小弟搵唔到冇種嘅成品，因為冇種嘅正常人唔會做成品，會起屋....所以上網搵啲磚料圖出嚟啦，一般冇種嘅翡翠睇落都好似舊石咁，而且摸上手非常之粗，結晶一粒粒咁，排列又唔好。
拋光之後高下立見

冇人理我，聽日再講

睇左黃金瞳？

諗起tvb個套劇

請繼續

想學請繼續

呢個行業本地冇乜人接手了......

冇人理我，聽日再講

唔好啊巴打，我好有興趣啊。
可唔可以講多少少種？
冇種係指太大既顆粒？
咁同嫩既分別其實好似差唔多咁喎

上圖你可以見到兩粒水頭差唔多的翡翠,左邊係種老,右邊係種嫩,
你可以見到佢左邊果粒晶狀結構唔明顯,即係冇一粒粒嘅感覺,而右邊就係有少少「渣」同埋一粒粒嘅感覺,而且左邊由於佢個玉質細膩,係有光線下佢個折射比較均勻,睇出嚟就珠光寶氣啲喇,但兩者價錢會相差好遠。

我舊種嫩的成品唔知放左去邊,搵下先...