【航空】同大家講下民航客機係點導航

機頭佬一上機就噤電腦入flight plan
Take off 之後冇咩事就轉auto flight
FMGEC/FMC 會take over 控制㗎飛機
緊住機頭佬就望住隻窗等食飯等痾屎

好似係

見咁多人支持，今晚update之前補充下d小知識。Heading(HDG)係機頭對著既方向，Track(TRK)係部機真正行緊既路線。

圖（上）：部飛機HDG係正東方(090)，但係佢飛緊既路線並唔係正東方，而係偏東南。原因係d風吹左部機去右邊，HDG同TRK既分別就係Drift

圖（下）：如果想向正東方飛，保持TRK係090，就要將個機頭HDG向左轉少少(wind correction angle)，補償返風既影響

問題在於我點知個風幾大？要轉機頭幾多度先補償到？大家可以諗諗，我遲d再講

建議用返正常人既文字解釋/表達，而唔係用所謂既啲術語
唔係成個po就好似得你地明白既係到自high，有違本topic既本質

係我每日更新既post會盡量講得淺白，有時大家討論到深入少少個陣睇唔明都唔緊，你有咩terms唔明可以問一下

如果有人問類似「某個term既意思」呢啲問題，而唔係問原理呀/實際運用呀等等呢類深層次問題，咁你就要諗諗自己係咪解釋得唔清楚。我知你都係想分享知識，但太過專業既用字會比人覺得係到晒學識

我係見到個topic覺得有興趣先至入黎，睇睇下唔對路，無句明

好呀，我之後會多d篇幅解釋d terms，或者俾埋reference你地睇

由樓主張 laminated VNC 同畫chart 嘅方法都知你起邊學飛啦


btw留名學野
好想做巴士佬

TCAS係唔會有terrain, 但我上面都有講過其實而家越來越多integrated products ,出現 所以上面有師兄會錯意都正常嘅

其實INS有幾準？

第二話 RNAV及GPS

上回提到用VOR黎導航有好多缺點，其實仲有一個未提到。就係傳統既ground base navigation會要求你飛過沿路既VOR，咁你飛既路線99%都唔會係一條直線，即係2點之間既最短距離。

就好似一個路癡淨係識搭地鐵，佢由九龍塘去深水埗一定要係太子轉車，但係其實係石硤尾行過去仲快。



RNAV(Area Navigation) 就係咁應運而生，縮短飛行時間同節省燃油。但係你唔向著個信標飛你點知你飛緊一直線冇偏離道呢？let me recap in english 你知道一個固定點(VOR/DME)既位置，方位同距離，咁就可以推算到飛機既位置。



所以係VOR/DME既接收範圍裡面，我地可以製造一d由VOR方位同距離所定義既waypoint。例如上圖既waypoint 1就係MYSTIC (MYS) VOR既180度同23海里(kts)。由waypoint 1, 2, 3就可以組成一條航線

不過咁仲未可以擺脫到VOR接收範圍，過大海d機又點算？聰明如你一定估到：上至導彈下至手機都用緊既GPS。有全球定位系統，咁就唔駛擔心收唔到VOR，亦都可以自由「製造」一條航線既waypoints。以下我簡單講下GPS既原理。

首先，個衛星會同你既GPS接收器不斷溝通，好似測距儀(DME)咁測量你同衛星之間既距離，但係淨係得一個衛星既距離係冇用架，要多個衛星一齊先可以鎖定你既位置。



睇返幅圖，有衛星A既距離只可以知道你係紅色圓圈既其中一點，有埋衛星B既距離就可以得到2個 position fix，即係兩個圓圈既交叉點。要知道兩個fix邊個先係真正既位置就要第三個衛星幫手。有埋衛星C既距離，你就有一個平面上既position fix。

但因為各種原因，測量到每個衛星既距離都唔會100%準確，有時仲會錯，所以你得到既fix唔會exactly係一點(ie 零偏差)，可能係一個範圍，例如三十米以內。
要再更加精確，就要更加多既衛星係天上面。收到越多衛星既信號=越精確可靠

衛星數量
3個：平面上既位置
4個：立體空間上既位置（有埋高度）
5個：可以偵測到有錯誤信號既衛星
6個或以上：可以偵測及排除有錯誤信號既衛星



要攞到精確又可靠既位置，至少收到要6個或以上既衛星。衛星既信號係直線傳送，所以要line of sight。不過衛星飛咁高，飛機又飛咁高，所以除左地球本體之外都冇障礙物可以擋著，但係要達成「係地球上大多數地方都收到複數衛星信號」既條件，就要射好多部衛星上天，以美國為例既GPS系統有24個衛星。除美國之外，歐洲、俄國同中國都有自己既全球定位系統，所以真係有好多衛星圍著我地轉緊。

咁GPS既缺點係咩？其實真係冇乜，覆蓋範圍廣，準確性高，可靠，全天候運作，所以好多國家都開始淘汰VOR同其他Ground based navigation。

Quote wiki：由於GPS無須任何授權即可任意使用，原本美國因為擔心敵對國家或組織會利用GPS對美國發動攻擊，故在民用訊號中人為地加入選擇性誤差（即SA政策，Selective Availability）以降低其精確度，使其最終定位精確度大概在100米左右；軍規的精度在十米以下。2000年以後，克林頓政府決定取消對民用訊號的干擾。因此，現在民用GPS也可以達到十米左右的定位精度。

由於GPS既重要性，如果第三次世界大戰爆發，我幾肯定GPS係第一樣收皮既野。
講到呢到，無論係VOR, DME定GPS，好似飛機一定要靠外來既信號先可以導航，咁冇左呢d信號咪會盪失路？其實民航客機本身都有build in既導航方法。

希望大家都學到少少野，聽日預告：打大佬既慣性導航(INS)

今日我試左寫得淺白d，睇吓大家跟唔跟到

RNAV除左上面用嘅VOR/DME 之外 仲會用到DME/DME 同 ADF/DME 做定位

而唔同嘅RNAV Spec 對飛機唔同嘅equipment都會有唔受requirements

睇緊FAA NAV chapter 準備考cadet

學FAA因住學壞手勢😏

又係依句

隻隻字都明 加埋就唔知up緊乜

佢會係FAA出題目 冇計

FAA 同ICAO 好似係細節有分別姐﹐除非你讀law 或者攻ATC ﹐我覺得對機師無咩分別。分別大既﹐香港一早ban 鳩美國機啦
反而返大陸就真心煩拿

push

樓主呢

想問以前年代未有gps 飛咁遠點知路線岩唔岩？

樓主係邊啊?

既然教Nav, 不如講埋1 to 60 rule

應該同Physics 計Resolution of Force 差唔多啫
利申 鳩噏

我建議你講左doppler navigation同INS之後先好講GPS
跟返個發展先後次序

lm

仲有 LORAN (Long Range Navigation)