【航空】同大家講下民航客機係點導航

大家搭飛機個陣有冇諗過點解飛機入左雲或者係晚黑都可以準確去到目的地呢？黎緊個幾日我會同大家淺略講下而家既飛機係點導航，有問題歡迎問我或者一齊討論。開始之前戴定頭盔先：
1 我係base on Boeing既機，我唔識Airbus既野，巴士大佬請賜教
2 我唔會知晒所有野，有時睇資料仲會理解錯，有錯請輕屌
3 我見到啱駛可能會copy wiki既野，如果我copy人地既文章會落返reference
4 話唔定我會拖稿，你地可以催稿但係唔好屌人老母

好，事不宜遲，我地就開始今日既話題

留名學野

LM

btw有冇地圖可以睇到世界航道？

Lm

lm

嘩屌 樓主一開波就拖稿

Lm

第一話 導航既基本及Nav Aid

Visual Navigation係所有機師係小型飛機上學既基本技巧，就係睇著地面既feature對返地圖黎導航。個feature可以係一個地鎮，水塔，河，什至係一間商場既天台，係地面flight planning個陣就會plan好經過邊幾個waypoint同每個waypoint既distance同bearing，上到天就跟著地圖同compass呢飛。例如A同B隔左60nm，B點係A點既正南方，我由A點出發，速度係120kts，睇著個compass係Heading180，大概飛半個鐘就會到B點，到時就對返地圖確認我真係到左B點（時間係好重要，所以d所謂aviator既錶就sell你準確可靠）。呢個就係導航既基本time-map-ground。當然，現實仲要計埋風向風速同埋Magnetic Variation，不過好似太複雜，大家有興趣再講。呢個post既主題唔係小型飛機，Visual Navigation就唔多講。



上圖：由South Para Res去城填Mannum再上Waikerie機場，跟著經Cambrai返

Heading(HDG): 你部機既機頭對著既方位
Track(TRK): 你部機行緊既路線
兩樣野唔同既原因係d風(側風)吹緊你部機

大家都睇到呢個方法既唔好處，就係天氣要好 (VMC)，要望到地面同唔準 （D風同預計既唔同就會有偏差，*HDG同TRK係大風個陣可以差好遠），咁如果要克服呢兩點就要用Instrument flying (IFR)，就係靠機上既儀器同地面既Nav Aid，唔再靠肉眼睇著地面。機上既儀器可以幫你睇唔到出面既情況底下都有足夠資訊咁飛，唔會搞到部機掉轉左衝落地面，又或者失速，同時又接收地面Nav Aid既訊號黎導航。


地面Nav Aid我只會講VOR(VHF Omni-directional Range)同DME(Distance Measuring Equipment)，NDB太舊太廢就黎俾人拆晒。VOR係一個無線電信標向360度發出超高頻信號，飛機接收到就會知道佢係呢個信標既邊個方位。咁佢就可以向著個信標飛，又或者沿著一條路線向佢飛(inbound)，又或者沿著一條路線飛離呢個個標(outbound)



好似幅圖咁，當部機知佢係個station既南邊(RAD180)，佢可以intercept RAD210(即係個由station計210度個條線)飛去個station，然後經RAD030個條線飛離個station。咁當沿路有呢d VOR既時候，咪可以將多個VOR連埋一齊組成一條航線。

咁DME係咩黎？好簡單，佢對你部機發出無線電信號，部飛機既應答機就會向個station發出返信號。咁由發出信號同接收信號既時間差同埋無線電波既速度，就可以計算出部飛機同個station之間既距離。唔少VOR同DME會起埋一齊，合體成為VOR/DME，咁就可以同時知道方位同距離。小學生都知，有一個固定點(VOR/DME)，知個方位同距離，咁就可以推算到飛機既位置。



咁香港有冇呢d VOR呢d station呢？梗係有啦，東龍島(TUNG LUNG, TD)就係一例。當你tune好個frequency 116.1你就可以收到佢既信號啦。根據上面幅圖，沿R343(TD既343度)就可以intercept 25R跑道既ILS(幫你Land部機既Nav Aid)

但係呢d已經係好古老既導航方法，淨係依靠呢d ground based Nav Aid有幾個缺點
1 佢既信號只限line of sight，俾座山擋著就收唔到
2 就算你飛得好高，因為地球係圓既，超過一定距離都係收唔到
3 所以如果要橫跨好遠距離，咁沿路都要起呢d station
4 要人力物力去呢d地方維護呢d設施，有時係好偏僻既地方

所以現代飛機已經有其他導航方法，我地第二日再講

Up圖都要時間架Ching

一般黎講Nav database已經define左個waypoint係flyby定flyover，set好fmc用LNAV就得。要轉既話我淨係諗到轉TRK SEL mode黎手動飛

ILS 算唔算navigation system 既一種？
同埋民航機會唔會有vor ndb 做back up ?

LM

btw有冇地圖可以睇到世界航道？

https://skyvector.com 呢個美國網黎

算既，就係有VOR做backup我先講，NDB就⋯算吧啦

聽晚繼續，大家會唔會覺得我講得太難或者唔清楚？好似太多英文但係wiki既中文譯名又好on9

太多術語好難睇入腦,讀左兩次先明

留名

個人睇法應該將Enroute navigation 同Approach 分開來講 始終兩樣野個aim 唔同

想知樓主係咩背景多D

高汁post 支持，慢工出細貨
btw 可唔可以開個section 講飛機安全
小弟長期好驚坐飛機，有無d tech d 既 資料可以講解下飛機其實有幾安全（唔係想聽果d 咩stat 講飛機仲安全過坐車果d, 真係tech d 既機制定佢安全)
可以比我睇下定下驚

點解唔用gps? 我試過係飛機用都track到
利申：唔識

Google map

Skyvector