臨收市買多注熊就去咗訓覺 照咁睇聽日應該有得賺 食晒糊安心去旅行算
人稱「沈大師」的訊匯證券行政總裁沈振盈(圖),大談對強積金部署。他指出強積金不能像股票般短線交易,必須以「大周期」看待,「好似依家個股市咁,有風險,但你唔知幾時轉角,所以我去年分2至3次轉走去保本基金。」
沈大師回憶當年2007年時,恒指到25000點,沈大師將股票基金逐步轉倉,並不再供股票基金。金融海嘯發生前後,股市反覆向下,「我喺16,000點開始供股票基金,等佢一路跌,一路供平均價,同埋慢慢增持股票基金」,到去年,牛市開始見頂,他逐步將股票基金轉倉,並只供保本基金。
現在,沈大師等待下一個金融海嘯出現,「跌得深,見股災,我就重新再供股票基金,再轉返錢入去,咁就可分階段掌握個周期」。
究竟這個策略,為沈大師帶來多少回報?他坦言未有特別統計,「我轉過工,又轉過倉,我計唔到條數啊。」哪是否已經是百萬大戶?「過架,過架,講個周期咋嘛,我又唔係頻密trade,2000年到依家兩個大周期,只要你唔輸,你低位又有買,基本上實贏,我sure我過百萬,但實數冇計啊。」
沈大師指自己忘記了多年來供款成本多少,「僱主、僱員總共供2,000蚊,之後2,500蚊、3,000蚊,我唔記得咁多喇,轉工時又冇供幾個月,總之粗略過百萬,我唔記得賺幾多喇」。
今年沈大師有甚麼強積金投資小tips?沈大師獻出兩大秘技,「我哋平均入市法,精髓係供落唔供上,因為你供上去平均成本高;第二,你可以好似金字塔咁,股市一路上,一路減持去保本基金。」
「總括而言,1月份賺嘅冇我份,但因為我掌握到嘅周期,輸嘅亦都冇份輸。」