係地鐵度重遇多年前暗戀對象，偷望多左兩眼，女友係隔離知道左要分手

前日係地鐵度同女友番緊屋企，剛好就見到同樣番屋企既前暗戀對象，以前都幾熟，但而家已經好多年無見，Msg 都係隔幾個月先有兩幾句講下。
簡單講兩句後佢行開左，之後隔一陣我回頭偷望左兩眼。

落車時因為同路關係，我想同女友同個女仔一齊行，順便講多幾句，了解下大家近況。女友示意想行另一邊而唔想一齊行但我忽視左。

之後女友勁唔開心，話要分手，巴絲點算好

利申：呢個暗戀既女仔係我初戀前既事，我同初戀一齊後已對呢個女仔無哂感覺。呢次地鐵相遇係好多年無見後第一次見番。我真係好喜歡而家既女朋友

女朋友係你隔離都仲要咁 抵你死

我知錯啦，我對佢無意思但行為上既表現就唔係咁，我知錯

鬼叫你係女朋友面前都要咁咩，仲要一齊行

其實呢位前暗戀對象，係我對佢無感覺之後，慢慢成為我一位幾重要既朋友，我見咁耐無見想講多幾句，加上又可以介紹佢識，咁咪一齊行而無理到佢想分開行。同埋呢位朋友又就黎結婚，咪會講多幾句相關既野。

朋友講幾句有咩問題 講幾句就要分手

［求屌醒］9個負評，我想大家留言屌醒我。

同佢傾下氹下啦

好多時女仔扭下計想人氹咋

佢今次黎真。

除左呢樣，佢仲投訴我對朋友好過對佢。我唔知可以做Ｄ咩改變佢呢個諗法，但我為佢付出好多時間心力佢好似都無計入去咁

講真如果你真係care 你女朋友你係唔會咁做 你自己既行為已經反映你既內心，係你自己想否認姐。就算人地結婚，加上又咁耐無見，如果係放低左係唔會一見到人連自己女朋友都無視
樓主正正係果d得唔到既人先係令自己深刻，放過你女朋友la

你女朋友係代替品
誠實面對自己啦

你完全無尊重過你女朋友

我果刻好on9，佢係用間接既方法同我表達佢想分開行，而我sense 唔到

至於係咪已經放低左，我的確係放低左同無丁點既留戀 我記得係個女仔做左Ｄ我覺得同有呢個行為既女仔係無可能既事，而令我對佢死心。

對唔住

支持樓豬女朋友同樓主分手
示哂意都唔理 小小尊重都唔比佢
好心你啦 傾小兩句唔洗死呀

暗戀對象變重要朋友 做你女朋友真喺慘

兩個都係小學生？ 暗戀對象係幼稚園同學？

你女友係雞

係咪一定無可能係咁? 死心唔再追人之後係咪一定唔好再聯絡?

俾條女食住你都冇運行架喇

負評唔緊要，但可唔可以話我知除左放棄之外我應該點做

問題唔係你對前暗戀對象無野

佢就結婚亦都唔關事

朋友 好疏聯絡又點

問題係你唔識理你女朋友個感受

死罪黎架啦 你仲要做



係呀 普通朋友係無問題架

我亦都話比你聽 你女朋友呢個脾氣係好無謂

但係女人就係咁架啦 係會呷呢d醋 佢仲會將其他野連埋一齊講

特別你仲要講到初戀 無果個理智同氣度去禁熄件事


自求多福啦你

屌 想正評
撳錯