37 Like
1 Dislike
西野七瀨
2016-12-22 23:30:50
1.
2017年7月4日
「終於完成左呢單大project啦,辛苦大家!飲杯!!!」
講野既果個肥佬,正正係我公司老闆謝生
「飲杯~~~~」
在場既十幾席人都企哂起身
小弟今年24歲,係響一間建築公司度做一個助理工程師
呢一年黎,我為左呢一個位於黃竹坑既豪宅項目「聖皇殿」搏哂老命
畫圖、開會、落地盤,乜都做齊哂
甚至,成個project有4分1都係我搞掂哂
依家終於完成,唔多唔少都有D成功感
「今次單project阿德你出咁多力,論功行賞點都輪到你升職啦」坐響我身邊既同事A道
坐對面既同事B亦讚賞我:「係囉!我見阿德你癲起上黎成個禮拜冇返過屋企訓」
「未必既,其他人都有努力,呢d係大家既功勞黎既..」我禮貌上當然咁講啦
但係內心裡面,當然係話:「屌你班仆街,成個project我一個人頂哂,唔升我升邊個呀!」
西野七瀨
2016-12-22 23:31:17
「阿德,你既努力大家有眼見既..你呢幾年既努力,我相信謝生會睇到..」我既阿頭亦咁講
「嗯,多謝阿頭」
謝生再度拎起支咪:「咳咳,見今日咁開心,我就順便宣佈埋,邊個將會頂替離任既matthew,成為project engineer..」
「嗚!!!!」全場都立即起哄
「嘩!今晚宣佈埋呀,阿德,今次仲唔到你升」
我自問呢五年為公司仆心仆命,個個project都出哂全力去做,同d客關係又好
呢個位...一定係我!
「Jimmy!」謝生走到前面既一個金毛mk度:「黎緊...你將會成為我地公司既project engineer,比d心機!」
唔...唔撚係掛.....
升Jimmy隻刷鞋狗都唔升我?
Jimmy係同我同期一齊入呢間公司
0工作能力,一味靠刷鞋同陪打golf得到許生歡心
「多謝謝生!我會比心機架啦!」Jimmy笑到四萬咁口既樣,睇到我好撚想嘔!
「Jimmy好野!!」同佢同team既垃圾狗亦隨即道賀
「呃...阿德唔好咁灰心...下..下次可能到你呢」呢個情況下,阿頭只可以尷尬地安慰我
「係...係囉係囉..」
「唔緊要,我冇事...」
我冇喊,冇發癲,冇講到果d「我要麥當勞叔叔」「我要飲奶昔」等等既說話
內心,卻係嬲得想即刻起身打鳩哂所有人
謝生,成晚都冇望過我,係眼尾都冇望過我一眼呀!!!
我屌你老母臭閪!我一直咁努力,為乜鳩呀!!!
點解?點解我會輸比隻刷鞋狗Jimmy呀!!!!
西野七瀨
2016-12-22 23:32:08
「阿仔,你返黎啦?今晚咁夜既?」
呢個係我阿媽
「嗯,今晚公司請食飯」
「你唔好成日掛住做野,多d返黎休息先得架!」睇住電視既老豆道
我地一家三口,就係住響呢間位於柴灣翠灣邨既四百尺公屋度
我失望地入到睡房
「表哥,做咩咁既樣呀?」
呢個係我既表妹小藍,讀緊中五,佢屋企人因為成日要公幹,所以就黎左我地度住
「冇..冇野,眼訓姐」
小藍扁住嘴:「直覺話我知,表哥你有d野唔開心」
我拍拍小藍既頭:「冇呀,真係冇事喎,小藍你比心機讀書就得啦」
「嗯..」
成晚我都響度諗
到底一直以黎我咁努力係為乜鳩?
辛辛苦苦入到大學,出到黎又要再同人鬥,同事間勾心鬥角
賺到既雞碎咁少錢,仲要還grant loan、比家用、搭港鐵
我唔係冇試過努力
我努力左五年tim呀,今日公司比d咩野我呀!!!
西野七瀨
2016-12-22 23:32:22
「阿德!入黎!」謝生氣沖沖咁喝我個名
我有d唔係幾好既預感,直覺話我知,今次好撚大獲
響房入面,仲有Jimmy
「砰!」謝生將一份文件拍落枱度
「阿德,點解『皇殿』單野個客會話A座22樓全層個水龍頭出唔到水架!答我」
我記得,呢單野我同Jimmy講過,佢話佢會負責call返水喉佬搞返架喎
「吓...我同Jimmy講過架喎,佢話佢會搵水...」
「吓?我唔記得喎」Jimmy露出一臉事不關己既表情:「呀阿德,你做野有返d交帶得唔得呀?」
「我..我果陣send埋email比Jimmy,叫佢提返水喉佬整返架喎!」我繼續解釋
「砰!!」
「我唔要聽到你d藉口呀林保德!」謝生怒得拍枱:「你依家做漏野仲想屈Jimmy?!你有冇d責任心架!」
「咪係囉,你做野咁求其,唔怪得咁耐都升唔到職啦」
「你呀!你唔好以為成隻牛咁做野就得架!你做野好撚廢呀」
「哈,一味得個勤力有鬼用咩,你依家咪做漏野囉柒頭」
西野七瀨
2016-12-22 23:32:35
「我屌你老母臭閪呀!!!!!」
我既一聲,令全層office靜哂
「屌你老母閪,封email我一早send撚左,唔信你可以自己check我電腦!依家仲想屈鳩我食死貓?」
「我自問日做夜做,乜柒野時間都比哂公司,依家我換到d咩返黎呀!」
「呢隻刷鞋狗乜柒都唔撚做,又串過碼頭姑哩,你升佢唔升我?你有冇搞撚錯呀!你盲撚左呀?!」
「你..」謝生一時被我嚇倒:「你信唔信我炒...」
「依家我唔撚撈啦!仆街!睇下你間公司冇左我會唔會收皮!」
Jimmy想扮好人:「阿德,你做..」
一見到Jimmy個狗閪樣就火撚滾
「屌你老母!!」我一拳將Jimmy打落地
「仆街仔,唔好以為我唔知呀,你一直響我背後講我壞話,打鳩我毒針!仆你個臭街!吐!!」我一怒之下,對住跌響地上既Jimmy吐口水
「老細,我依家就執包袱走!」我打開老細房門:「不過,你地半年內都要執包袱啦..」
「因為你地間公司冇左我!執!撚!硬!呀!!!屌你老母!!!」
我執緊野既時候,我阿頭走過黎
「阿德,你...搞咩呀?點解你唔可以忍下呀?」
「忍!?我忍撚左5年啦!!食左好撚多隻死貓啦!!公平咩!!」
我指住成個office既人:「你地班港豬慢慢做老細隻狗啦!我依家就出去發大達啦!哈哈!!!」
西野七瀨
2016-12-22 23:32:52
落到去公司樓下,我望住頭頂上熱撚死既太陽、以及蔚藍既天空
我先發現,原來早上10點既天空係咁靚
我已經比呢間濕鳩公司困左咁耐
我明明已經好努力,但係都敵唔過老細同Jimmy呢d刷鞋狗
可能...我真係唔適合打工
不過,總冇可能比老豆老母知道自己裸辭架嘛
所以我唯有每朝早都出街口扮返工
朝早就去圖書館上jobsdb睇下有冇好工,但結果多數令我失望,因為d公司都係同果個濕鳩謝生一樣只係想請奴隸
下晝食完野就去m記坐,一坐就坐到天黑,返屋企
西野七瀨
2016-12-22 23:33:06
今日係我第10日失業,而我亦開始覺得日日坐m記太悶
「咦,你咪係阿德?!」一個染粉紅色頭既肥mk走埋黎
「你係...?」
「我呀!中學同學肥強呀!!」個mk笑住講
我馬上回想起,的確有一個叫肥強既肥撚
「哦...我記得啦!果陣E班果個肥強丫嘛!」
我問:「果陣AL完左都冇見過,近排搞咩呀?」
「無呀,都係玩下股票過下大海,餐搵餐食餐餐清咁啦」
「你呢?著住西裝黎食m記,唔係比人炒左下話?」肥強笑道
「唉..係就係炒,不過係我炒老細姐」我只好尷尬地答:「本身響間建築公司做工程師,老細想我食死貓,咪嬲得濟炒佢囉..」
「丫有志氣喎阿德!依家幾多人唔夠膽炒老細呀」肥強拍拍我:「我問你,你月薪幾多?」
「2萬3千,但扣埋還grant loan、家用果d,得7千落袋..」
肥強繼續發表偉論:「咁咪係囉,人生唔可以淨係得個做字架,好似你咁,做餐死先得雞碎咁少,但係又享受唔到生活,有咩意思先!」
「難得撞返你,今晚,等我帶你去玩下啦!」
聽到呢句我成個人呆哂
「吓,玩..咩呀」
「到時你咪知囉!包你話正呀!」
「肥強,你話去玩..就係呢度呀?」
「係呀,呢個場我黎左4、5次,d囡囡都幾正架!」
響我地眼前既,係蘭桂芳一間叫「Magnum Club」既地方
西野七瀨
2016-12-22 23:33:22
沖完涼再出第2集
邵音音陰陰笑
2016-12-22 23:43:51
評已正 lm
西野七瀨
2016-12-22 23:44:38
評已正 lm
西野七瀨
2016-12-22 23:45:03
2.
「但係..我...未黎過呢d地方喎...」講真,我有d淆底
「唔係掛阿德,咁都驚?入到去你有錢就係大爺黎架啦!行啦!」肥強拉住我進去
「入場費都要450?痴線架!?」
肥強拍拍我:「出黎玩係咁架啦!入到去你就覺得值架啦」
「哦..好啦」我只好唔情願地拎出500大元
一入到去,嘩!
雖然我睇喜愛夜浦都知呢d地方係點既樣,但係第一次出現響我眼前就真係好撚震撼
嘈到拆天既音樂,閃到眼盲既射燈,舞池上一個個跳舞既型男索女
都令我成個人血脈沸騰
西野七瀨
2016-12-22 23:45:14
「唔該!!兩杯Long Island Iced Tea!!」肥強一埋位就大喊
「嗱阿德,教下你啦,黎呢度玩,最緊要就係要夠positive!」
「positive?」我問
肥強飲左一口果個乜乜iced tea,道:「即係主動呀!d女係唔會主動過黎識你,要靠你自己出去識架!」
一講完,肥強就出左去舞池度搵食
但,我只係第一次黎,又點好似佢咁呀..
嗱我唔係毒撚呀,只不過冇人lead住,我真係唔知點算,唔通就咁出去un下un下咩
「hi!你一個人呀?」
一個人拍拍我既膊頭
響我眼前既,係一個身穿住紅色褸屌裙既女仔
佢留曲髮,雙眼明亮動人
西野七瀨
2016-12-22 23:45:40
「呃...唔係呀..我個fd出左去跳舞」我指指出面
「嘻嘻,第一次黎,怕醜呀?」呢個女仔笑道:「我叫misa呀,你叫咩名呀?」
「阿德..」
misa哈哈兩聲:「阿德..都幾得意丫..」
我反客為主:「咁你呢?又係一個人呀?」
「嗯,岩岩返完工,咪落黎happy hour下囉」misa飲住杯中既酒精飲品:「阿德,你做邊行架?」
我:「我之前係做工程師..」
misa雙眼發光:「好犀利呀!」
「不過,岩岩我辭左職啦...」
misa好似羽田愛一樣咁問:「吓..點解既?」
「都係因為做得唔開心咁囉,又比人屈.」
「屈?咩事黎架..?」
對呢個三唔識七既misa我竟然更加願意講自己既事
「成單project我做左咁多,個濕鳩老細唔升我,反而升另一隻擦鞋狗!果隻擦鞋狗,打我毒針不得止,仲要響老細面前屈鳩我冇提佢,咁我咪即場炒鳩佢囉!」
講到呢度我自己都有d想喊
「嘩...咁阿德你都幾慘架喎..」misa安慰我:「不過,東家唔打打西家囉,總有d好既老細既」
「咁misa你呢?做咩工架?」我亦飲左一啖果個乜乜乜tea
misa嘆一口氣:「我就讀書唔叻,做sales咋,日日都要對住d無禮貌既大陸人,好辛苦呀!」
「成班又響度大叫『服務員!!這個包包多少錢呀!!』,嘈到死呀!」
西野七瀨
2016-12-22 23:45:59
「唉!家家有本難唸的經..」
misa笑道:「不過..同阿德你傾完之後,好似開心左d,哈哈」
的確係,misa的確係令我打開心扉,似乎都值得結交
我:「不如..」
「你想抄我牌呀?」misa撥一撥自己既秀髮,遞出雙手:「哈哈,不過都冇所謂,比部電話黎丫..」
呢次,係我第一次成功抄到牌
呢一晚,我同misa都傾得好開心
去到後期,我地兩個更加係飲到醉醉地
「喂,阿德..你有冇下場呀?」醉醺醺既misa問
「下場...冇呀..哈哈」我醉到傻笑
「咁不如...」misa挨近我:「我地去...」
「吓..」我開始估到佢咩意思:「去..去邊呀..」
「依,好衰架!」misa響我耳邊講:「你,知,既」
最後,我同misa去左附近既一間酒店開房
由於我飲左酒既關係,過程都唔係好記得
西野七瀨
2016-12-22 23:46:10
「呼..」
我被刺眼既太陽光整醒
大概依家應該係第二日既朝早掛
我坐起身
發現
misa竟然從我既公事包中拎出銀包!!!
屌,條八婆係為左偷我野先埋我身呀!!!!
「你..偷我銀包!!!」我一時反應唔黎,只好指住misa大叫
「..哼!」misa自知事敗,只好拎住我既銀包逃出
「你咪撚走呀八婆!!!」我一邊著好褲,一邊追出去
唉,點解你咁撚蠢架林保德,呢d桃色陷阱都中!
西野七瀨
2016-12-22 23:46:23
我追住misa,一路跑出酒店,轉入德己立街
「八婆!!你咪撚走呀!!!!比返個銀包我!!!!」
misa卻大叫:「救命呀!!!!非禮呀!!!!」
屌你咁撚樣屈鳩我?!!!
距離misa仲有大約三米左右
仲差少少,差少少咋
點知
「喂,個女仔大叫非禮喎,係咪你呀?」有兩個差佬擋住我
我慌忙解釋:「屌唔係呀!係佢偷左我銀包呀!!!」
「跟左我地返差館先講!」
我兩手推開佢地:「你唔好阻住我呀!」
比呢2個濕鳩差佬阻住哂,依家又同條八婆拉開
misa行到落畢打街,坐上岩岩好到站既電車
而我就因為差得太遠追唔到,眼白白睇住電車開出
但係....唔可以放棄架
西野七瀨
2016-12-22 23:46:36
「八婆你咪撚走呀,比返銀包我!!」我一邊追住電車一邊大叫
「痴線架條友,佢頭先差d想摸我patpat非禮我呀!!」靠近窗口既misa就繼續含血噴人
點知全車既人都聽哂佢講
「有冇搞錯呀!正一斯文敗類!」
「報警拉鳩佢啦!」
而misa就暗暗地對我做出鬼臉
「咪撚聽條八婆講呀!!!」
「死變態佬!唔好追住黎呀!」misa喊道
「變你老母咩!!屌穿你個閪呀!屌爆你個閪呀!屌臭你條八婆呀!」
期間我發現車上有個後生仔正用手機拍緊我
「影乜撚野呀屌你老母!屌你老母影乜呀!」
最後,體力開始透支既我,亦追唔上架電車
「屌...死八婆...比返個銀包我呀...」
西野七瀨
2016-12-22 23:46:53
「砰砰!!!」
突然,前方出現兩聲巨響
一架解款車既後門鬆開,一大堆現鈔灑到地上
「嘩!搞咩呀!」
「跌錢呀..不過都係唔好執啦,犯法架!」
冇錯,幾年前平安夜先有人執錢,比差佬拉左
不過我依家身無分文..
「有錢執呀!!快d!!」
雖然如此,但依然有好多市民忍受唔住金錢既誘惑,將現鈔逐疊逐疊放入袋中
「冇錯...有錢唔執正衰仔,我依家咩都冇,命就有一條,驚條撚咩!」
我內心既貪婪已經戰勝良心
我行埋去,偷偷拎起一疊1000大元
放進自己公事包中!
應該..冇人睇到掛..
日日上高登
2016-12-22 23:47:03
新文留名
西野七瀨
2016-12-22 23:47:12
我望向遠處,原來misa果個八婆都執緊錢!
佢一見到我,就馬上轉身逃走
「你咪走呀!!!」
我追住misa去某一條前無去路既後巷
「八婆!今次你冇得走啦掛!比返個銀包我呀!」
misa竟然仲理直氣壯:「咁..咁鬼叫你尋晚比我色誘幾下就中招姐,要怪就怪你蠢!精蟲上腦!!」
突然
一把溫文既男聲從後問:
「頭先...你地兩個,係咪都執左現鈔呢?」
我同misa均望住呢個身穿西裝,有少少髮線向後既中年男人
咩話?!佢..知道左我有執到?
「我..我唔知你講咩喎...」
「果間解款車既門之所以鬆開,係我安排既,車上面每一疊錢我都放左個跟蹤器」呢個男人繼續道:「頭先我響對面馬路已經睇到哂你地既一舉一動啦」
misa大感不安:「咁..咁..你依家想點呀?要脅我呀?」
「唔係..唔好誤會,我唔打算報警住」西裝友繼續道:「今次,我係特登想做一個實驗既,我想搵一d貪心既人..」
「成為盜賊」
西野七瀨
2016-12-22 23:47:44
新文留名
早晨
西野七瀨
2016-12-22 23:47:56
聽日再出
邵音音陰陰笑
2016-12-22 23:50:10
聽日再出
聽朝定聽晚
西野七瀨
2016-12-22 23:51:52
聽日再出
聽朝定聽晚
下晝或者夜晚啦