其實反熱狗有乜問題？
連登一向反熱狗喎
呢個就睇佢得罪左d唔知咩人
嗱，我就無意捲入你哋嘅糾紛，想問嘅嘢都問晒，
不過我建議妳直接回答晒佢嘅疑問，用行動證明自己真係民主派，
好過搞場大龍鳳互相標籤。
講真要答既都答左
佢想攞料騷擾我，唔想我選
之前講過，我唔係紅底，由中學到而家都有去下反政府遊行，集會
大至坐旺角，反國教
學位更係英國出品，唔係野雞
放棄左果邊碩士，刪除封email
政政係有副修，我有提過之前ou,後尾想去英國升學所以轉校
票？我未正式去參就話票，王進洋果時同泛民唔夾過，都一樣照去挑戰
要畢業證書既，我可以私下比你望，要論文就問學校
至於訪問，我唔止做過香港01,都做過港台，tvb,獨立媒體既。好難證明到我係紅底，建制班阿太搞婦女事務會係從來唔敢講女性身體自主既，而亦唔會同你講文化保育要點搞。
重點係佢缺德到要所有人陪佢攬炒
我係呢度要講一個好嚴重既指控
佢有跟蹤我返屋企，都唔止一次
9月4日下午5-7點，佢係中環站跟到返將軍澳
10月11日晚上7-10，佢係香港單車館跟蹤我返屋企
警呢就一定要報，至於大家信唔信，你地決定，我都被佢寫到咁，就算做幾多訪問，做幾多民主既野
佢要收錢，要先入為主，搞到我個資格，我就要搵人幫手，證明返自己係個咩人
都係果句，教育同道德直接掛鈎，要選既，我會唔做中小學
老老實實，我睇完妳對於自身嘅光譜展釋，個腦仍然一舊雲，
算啦！當我唔識嘢，唔同妳拗，暫時亦唔會將妳定性係任何一派。
讀邊科嗰啲我唔熟，唔插把口。
訪問呢架嘢，雖然01背景好可疑，但佢間唔中都會有有利民主派嘅新聞，
唔似文匯、大公咁必然企喺民主派對立面，
加上女權運動呢架嘢，我唔會同政治光譜直接掛勾，
所以我覺得唔需要理呢方面嘅挑釁。
話佢跟蹤妳、佢係工賊會成員呢啲嘢，
聽片面之詞無意思，妳報警拉到人再睇下係咪佢本人，
有結果先再討論，但如果話屌下熱狗或其他民主派就係五毛，呢點絕對FAIL。
民主派之間互屌係好常見嘅事，當然屌保皇同中共應該要大力好多倍。
如果妳最後係同保皇單對單，網上點抹黑都作用唔大，可以唔使理。
如果到時同其他民主派撞，唔係話問題一定喺妳身上，但妳要有個講法點解妳比對方好，個講法仲要係受到廣泛接受。
但呢啲說法絕對唔係話妳嘅政治理念有幾與別不同，區會始終係講究實績。
最後，補充一項，妳要有長期一人街站嘅心理準備，唔好以為真係好多人樂意義務幫手選區會。
