[一年長途遊記]直到世界盡頭

樓主回來了

推

LM

好撚熱血

好撚正

話就話預咗三日留喺莫斯科，但其實第一日由落機到喺屋企同個host傾吓偈，好快就到夜晚。真正可以出去行吓嘅實際上得兩日。最想去嘅自然就係細細個就聽過但今次先第一次見到嘅紅場。



離遠見到啲紅扑扑嘅建築物，終於有種嚟到莫斯科嘅感覺


以為大城市就係好似香港咁，窮得只剩下錢，商場，同埋高樓大廈。冇諗過仲有空間容得下花草樹木。喺香港嗰時都去過一年一次嗰啲花展，唔係話唔靚，但如果城市容許有個小小嘅地方比市民賞吓花，又何須一年一度咁迫法



起碼順眼過金紫荊先

去紅場之前，首先入克里姆林宮。望吓最多人嘅位置，就會搵到入口



幅地圖好把炮咁話有7種語言，入到去就發現大部份介紹都係得俄文 所以行完都係一舊雲。利申好似有英文audio guide的，但我知自己聽錄音會瞓着就冇買了



總之克里姆林宮就係俄羅斯嘅行政總部，由沙俄時期留到而家，做過重要嘅慶典同會議場地，亦有大教堂同沙皇墳墓喺裡面



但就唔好問我邊棟打邊棟



總之就靚啦

可能係全個莫斯科最熱鬧嘅地方



就係佢，我好似就係為咗睇佢先嚟莫斯科。又或者話，見到佢先覺得自己真係嚟過。唔知係咪因為歐洲嚟講佢算係偏東，莫斯科對我嚟講一直都好似歐洲嘅入口咁。企喺紅場，我就知道自己到咗歐洲。

旅程其實唔係開始咗好耐，講話經歷咗好多就太誇張。但可能因為知道嚟緊仲有漫漫長路等緊我地，一諗到下一次就唔係踏足歐洲，而係加勒比海、南美，就覺得只要兩個人一齊一步一步咁行，就會去到要去嘅地方



隔離有個叫GUM嘅商場，又真係幾有氣派。



甚少行街嘅我地都喺度留左唔少時間



一行返出街，就聽到歌劇嘅聲傳入隻耳。



原來今日紅場有合唱團唱俄羅斯歌劇 咁多人集會佢地有冇拎不反對通知書？

旅行嘅時候總會有好多擔憂。見到多人嘅地方，八掛想睇吓咩事嘅同時，又驚會有危險潛伏喺入面。我地一直都好小心，唔會行到太入，一定會預條退路比自己。自問都算謹慎，所以喺歐洲同中美我地都力保不失，無事發生過⋯⋯

唉唔講咁遠

聽完一首歌就行咗去舞台背面。



聖巴素教堂。有冇人好似我咁戇鳩，一直以為佢係個遊樂場



旅程中有啲地方鐘意得嚟好莫名其妙。莫斯科就係其中一個。除咗啲好有代表性嘅建築，可能就只係因為當時天氣好，心情靚。

又或者開心係唔需要解釋

推

Lm

推

推

推

結左婚未
一陣比人帽
就乜都冇

結左婚未
一陣比人帽
就乜都冇

做乜撚

莫斯科靚呀
Btw 好羨慕外國人，即係樓主 host 呢類，可以成日旅居唔同地方。

留名

巴打邊度唔見電話

快買返部 或者用你條女個部繼續update

加速

lm 支持樓豬

推

佢最特別嘅地方，係佢係我第一個見過好鐘意俄羅斯嘅人

即係好多俄羅斯人唔鍾意俄羅斯？

lm

留名

巴打邊度唔見電話

快買返部 或者用你條女個部繼續update

喺秘魯Arequipa，報警嗰時見到前一日有人報案話成個袋手機、GOPRO連幾千蚊現金一次過唔見晒 個警察自己都話唔會搵得返

其實係女友嗰部唔見咗，我冇事。但我寧願被偷嘅係我