[一年長途遊記]直到世界盡頭

喺首都最後一個冇嘢做嘅下晝，又行咗去有興趣得嚟但永遠睇唔明嘅宗教嘢。



但今次唔係想講佢。

喺廟嘅出面有個可能係啱啱放學嘅妹妹坐咗喺地下，睇真啲原來仆親，連對襪都爛埋 我見猶憐，作為大哥哥即刻埋去睇吓有咩幫手

衝埋去時第一時間用廣東話同佢講：你係唔夠我女友可愛



好彩有急救包喺身

有啲巴絲問去咁耐旅行有咩要帶，我都未正式分享 喺度講吓其中一樣我覺得幾重要嘅，就係呢個急救包。



唔係啲咩特別野，都係普通膠布、紗墊、消毒藥水，但一旦整親有得即刻包紥總係安心一啲。原本仲有把較剪仔，但有次上飛機唔記得寄倉，比人搜咗出嚟，迫我扔咗

唔好喊，哥哥而家幫你剪爛對襪

包傷口咋



包完之後，佢個真阿哥可能唔想比我呢啲怪叔叔霸佔咗佢喺妹妹心中嘅地位，即刻單手幫佢拎書包 仲有一位途人扶佢慢慢行。喂喂你隻手扶邊度

我呢啲旅途上嘅過客就功成身退了

感受完做醫護人員有幾偉大之後，我地就買埋未來七日可能用到嘅嘢，包括一大堆濕紙巾抹身當沖涼，一大卷紙巾用嚟野外解決，防曬霜，零食等等，就返去了。



食咗咁多日蒙古嘢，想食返清淡啲，今晚簡簡單單買棵菜煮粉食，兩個人夾埋五蚊都唔駛。雖然係無餸飯，但有時煮吓飯仔都幾溫馨

聽日就出發去戈壁，真係緊張到瞓唔着

去沙漠

好閃

lm

lm

幫人都要講句野加自己分
曬命

留名

Lm

LM

lm

呢啲先係旅行

內心天人交戰咗一陣之後都係屈服咗。 揀咗最平嗰個騎馬團。導遊即刻狗衝搵人扶我地上馬。





真係好荒涼。



騎騎下就去到牧民家。其實係紀念品店。比三舊水去佢地自己開嘅紀念品店。

條氣好唔順咁騎完之後，導遊終於肯帶我地返歸。成個草原部份我最期待就係蒙古包，希望唔會令我失望啦。我想像中嘅蒙古包係遊牧民族為咗方便遷徙而起嘅臨時住宿，真係冇諗過佢地會精密到計算好晒坐標幾何咁排列得咁整齊。



望真啲，屌你，石屎嚟嘅？ 仲要每個蒙古包都有部冷氣機喺度，做乜鳩？

一齊謎底已經解開，原來頭先我地縮埋一角嗰堆就係起緊嘅蒙古包。說好的傳統蒙古包呢？

一入房，好大陣大陸公廁味，傳入我的鼻。估唔到有個獨立廁所喺蒙古包裹面，仲要係臭嘅。 我淨係做好咗心理準備要喺蒙古大草原施肥，冇準備好接受咁獨特嘅具中國特色嘅蒙古包。媽為何結果不是我想像中那樣？



我仲諗緊旅程中究竟邊度出咗錯嘅時候，導遊就嚟搵我地。 來者不善，善者不來，呢個道理我係知。我好謹慎咁出門口睇吓做乜事，原來佢問緊天津情侶今晚食唔食烤全羊。內蒙啲羊幾好食，尋日餐冰煮羊我都仲回味緊。但當知道呢度嘅烤全羊係五舊幾水一隻，我地梗係唔喺度食。但問題係，今次個仆街導遊既然出動到群眾壓力。因為如果我地唔食，對情侶就要比全費，如果我地食，一人一半就大家都平啲。

我心裡大叫不如一齊唔好撚食！但嗰對情侶可能淨係放幾日假黎玩幾日，覺得一兩百蚊無傷大雅，一臉無辜咁慫恿我地夾錢。

講！你地究竟係咪媒黎！

喺導遊同團友夾攻下，我地竟然就範咗。而家諗返轉頭，當時佢地係咪吹咗迷魂煙而我地唔知？

D 蒙古包仲有wifi 好撚高質

天未光，胡哥就安排咗車喺安達門口接我地。為免尷尬，我地特登約咗隔一條街等。原來個團真係有其他人參加，見到同行嘅一對天津情侶後，之前仲有嘅半分忐忑都消失埋，不由得放心晒。

我地個兩日團第一日係草原，夜晚會住傳統蒙古包，第二日就係沙漠。唔知點解，我對沙漠嘅期待係大少少，可能因為喺香港行山都會見到好多草。但比個導遊沿途介紹下，開始對草原都有一啲暇想。 坐多一陣車，好快就會去到人生第一個大草原。見到GPS顯示愈黎愈近，心情係好似小學雞去旅行咁好興奮。



終於落車鳥。咦，又話第一日去草原，仲乜改咗行程？



睇真啲，都有啲草。

原來唔係去錯，只係同想像有啲唔同。呢個就係傳說中嘅希拉穆仁草原。 錯誤嘅季節加上霧霾，絕對係可以嚇你一跳。當時我地係有少少失落，但始終冇乜草同天色差都係意料之內，並未受到太大驚嚇。旅行嘅嘢，天氣總會不似預期，學習下欣賞美好嘅地方就好。

一落車，第一個環節就係自費活動。

自費活動係騎住佢地預先準備好嘅馬，暢遊附近嘅景點。景點包括去牧民家，敖包山，某啲不知名嘅河流。價錢就視乎你去幾多景點，由三百蚊人仔到六百蚊不等。



撇開幾錢唔講，其實騎馬本身唔係問題，但望到咁嘅環境，真係冇乜心機。而且冇諗過自費活動仲貴過團費，突然之間駛多左雙倍錢係失咗預算。不過呢啲嚇我地唔到，我地心裹有種強烈默契，決定點都唔會參加。

我地就話諗一諗，叫導遊帶咗我地去今晚住嘅蒙古包擺低啲野先。



點知佢竟然黑面唔帶。

導遊最初好言相勸，話出得黎玩唔好計較嗰啲錢，後來見軟功唔掂直接粒聲唔出走咗去，由得我地喺度食西北風。嗰時深知中伏了。 估唔到我都會有一日中咗導遊阿珍呢啲天仙局。 但愈係覺得中伏就愈係唔想比錢，望一望同行嘅天津情侶，佢地面露難色，睇黎都聞到伏味。但佢地口裡說不，身體卻很誠實，唔夠十秒就淆晒底咁跟住啲馬去吔草。



大佬真係好冷凍。 嗰時都未知呢堆係咩。

如果咁樣凍死咗喺呢個傻的嗎草原，我真係接受唔到。死有輕於鴻毛有重於泰山，唔通我條命就係咁嘅價？

我個時騎馬40定50蚊咋
而家貴到咁既

鬼掩眼食咗碟五舊幾水烤全羊，我都冇心機影相了。或者係幾好食，但有啲啃唔落。反正肯定唔值呢個價。

食完晚飯諗住返房，導遊又叫我地唔好走住，仲有壓軸活動──營火晚會。 O camp咩營火晚會，心諗營火晚會應該唔駛比錢啦掛，拿拿林搞掂就算數。



行出canteen睇下佢營乜野火，點知導遊話因為天雨關係，今次營火晚會將會係室內搞。 然後就推咗個紙紥火盤入canteen。



就係呢個營火。

大佬夜媽媽唔好玩呢啲好嗎。 我投降啦，求吓你比我抖下好冇？



說時遲那時快，一大班蒙古阿嬋已經衝咗上台群魔亂舞。呢刻先知原來內蒙傳統技藝係招魂上身。



好快就請埋我地上去玩。

唔係親歷其境都諗唔到可以咁撚戇鳩，而最戇鳩係我竟然黎到呢度。

我唔記得咗佢地跳咗幾耐，中間仲有大合唱然後一齊圍住啲飯枱跳campfire。我冇影相，因為我唔想記得呢個晚上。 返到房之後，一合埋眼諗起聽日要去沙漠我就不寒而慄。究竟佢地可以將好地地一塊沙漠變成點？

原本個火會好大 仲有當地人用奇怪語言rap

出發！去！戈！壁！

喺hostel食埋早餐，就上路了。



導遊同司機一早已經喺樓吓等緊我地。



張相係後來補拍嘅。介紹吓團員先，後面嗰排左邊嗰位係加拿大嚟嘅女背包客，平時多數講法文嘅。魁北克省嘅官方語言係法文唔係英文，可能因為咁佢地都自覺自己同一般加拿大人係有分別，自我介紹時都會先話自己係Quebec人，發現對方唔係好識先會補多句即係加拿大，同我地通常都會話自己係香港嚟一樣，冇人識時先焗住話即係中國嗰邊 有時都會比人當係日本韓國嘅一部份，但最離譜嘅一次，係比人問香港係咪即係印度

左二位叔叔就係司機，喺呢個旅程入面，司機真係好重要，因為駛入戈壁之後好多情況都冇路，但司機阿叔好似內置咗個GPS喺身體入面一樣，單靠太陽月亮就會去到目的地，而且每日都要揸四五個鐘車，少啲精神都唔掂。左三同四就係一對美國情侶，問佢美國邊到，佢話Cleveland，我就即刻話我知，克里夫蘭騎士嗰度丫嘛。佢好驚訝點解佢呢啲濕鳩城市都有人識

最後就係前排最左面個女仔，係我地今次嘅導遊。見佢咁細粒，我地放心晒，我地加埋三個外國人今次仲唔冇得輸？

我個時騎馬40定50蚊咋
而家貴到咁既

呢啲戇鳩團都通脹

D 蒙古包仲有wifi 好撚高質

屌 我地連wifi都比人呃埋

你烏蘭巴托好似同我住同一間hostel 個情人公園我好似去過 附近有細路踢波我去屈佢地機 佢地以為我係日本人因為佢地覺得日本仔踢波勁

Lm

lm

Lmlm