[一年長途遊記]直到世界盡頭

留名

巴打想問下如果會去南極的話ushuaia 有咩tour/地方值得去?
beagle channel係咪唔使去
下個月出發

會去南極應該一切都唔重要 Ushuaia間tourist information center可以幫你喺passport蓋企鵝南極印，可以一戰 其他我冇咩推介
巴打點玩

咁我可能直頭唔留ushuaia

要留時間比間航空公司罷工同寄失行李

巴打想問下如果會去南極的話ushuaia 有咩tour/地方值得去?
beagle channel係咪唔使去
下個月出發

會去南極應該一切都唔重要 Ushuaia間tourist information center可以幫你喺passport蓋企鵝南極印，可以一戰 其他我冇咩推介
巴打點玩

由南極玩返上去你應該會睇乜都無乜感覺

不過由遊輪跌返落Backpack 生活會好有感覺

另外南美其實發展好少少嘅城市住Airbnb會同Hostel差不多價甚至平啲

bnb係平啲

附加一張蒙古火車....
屌你老味馬撚咁長

當時見佢經過走去數佢有幾長，數到八十卡之後唔想再數

巴打想問下如果會去南極的話ushuaia 有咩tour/地方值得去?
beagle channel係咪唔使去
下個月出發

會去南極應該一切都唔重要 Ushuaia間tourist information center可以幫你喺passport蓋企鵝南極印，可以一戰 其他我冇咩推介
巴打點玩

咁我可能直頭唔留ushuaia

要留時間比間航空公司罷工同寄失行李

睇到隔離post等架單車等咗一個月，我兩日就拎返啲行李都幾好彩

留名

用左一個鐘追到live
好正 期待每一次嘅更新

推

坐咗一晚，終於到啦

始終只係旅行咗十幾日，當時仲未係好習慣不斷咁樣轉換地方，搭過夜火車唔能夠話瞓得好好，尤其係前一晚仲要冇食飽。

因為唔識俄文，上車之前喺車站望住餐牌亂咁指嗌咗啲咁嘅野，食完都唔知食咗啲咩



搭咗一晚之後，我地就直接去我地喺伊爾庫茨克嘅屋企。呢一站我地將會couchsurfing

我諗好多連登仔對couchsurfing都唔陌生。但其實我都係呢個旅程先第一次玩CS，所以都趁呢個機會介紹吓 couchsurfing（沙發衝浪）係一個網上平台，喺電話dl個app就玩得，顧面思義就係去人地屋企瞓疏化。喺入面我地可以搵世界各地嘅人寄宿喺佢地屋企，或者用自己嘅屋企去招待返人。可能有人會問人地仲乜好地地要比你嚟免費嚟住，我諗呢個就係CS好玩嘅地方，調返轉諗，如果我去招呼人，又希望對方比到乜嘢我？

如果係我，或者會係想喺自己冇辦法去旅行嘅時候，都可以同外國人傾偈，了解係世界上唔同地方嘅人點樣過生活。



而呢間屋企嘅人，可能就係想我玩佢個B

我地住嘅呢間屋企係啲十幾層高嘅大廈嚟，算係城市入面密度比較高嘅屋邨，三個人住三四百呎，感覺大唔過香港啲屋幾多（不過應該平好多 ），加埋我地兩個之後，其實都冇乜幾多空間活動。

安頓好之後，男屋主話佢要返工，女屋主就繼續喺屋企湊B。原來喺呢度，媽媽生完B係可以放一年假，如果有需要仲可以繼續停薪留職湊多幾年 望住阿B個天真樣，唔知佢知唔知道自己有幾幸福？

目送爸爸返工，我地都唔敢久留喺人地屋企太耐，出發去市中心鳩遊 而第一日嘅活動，諗返都真係幾戇鳩

cs好似都幾正

Live左 好鐘意樓主寫文個style 比我ed垃圾社蓄發下旅行夢

附加一張蒙古火車....
屌你老味馬撚咁長

當時見佢經過走去數佢有幾長，數到八十卡之後唔想再數

點解會咁長?又載貨又載客??

咁夠膽一個女人係屋企，叫個3唔識7既男人上去

所以couple係令人安心啲

cs好似都幾正

住宿每次最有驚喜都係CS

Live左 好鐘意樓主寫文個style 比我ed垃圾社蓄發下旅行夢

做咩咁話自己 我都曾幾何時係一隻社蓄，好快都會做返 人生未必每一刻都咁光輝，但求有一剎比自己回味吓就夠

附加一張蒙古火車....
屌你老味馬撚咁長

當時見佢經過走去數佢有幾長，數到八十卡之後唔想再數

點解會咁長?又載貨又載客??

可能仲運埋蒙古大乳牛

最初計劃俄羅斯呢一段旅程，因為怕煩懶得搞簽證，所以直接將整段旅程限制咗喺特衰護照免簽期限嘅十四日內。我地兩個都係第一次去俄羅斯，唔想錯過莫斯科同聖彼得堡，於是計劃兩個城市都各留三日。入境烏蘭烏德要一日，由伊爾庫茨克坐俄鐵入莫斯科要四日，仲有三日留喺伊爾庫茨克去貝加爾湖轉個圈就啱啱好

但人算不如天算，咁趕嘅行程就注定係會有啲差錯。

由火車站行去couchsurfing host時，天色已經唔多好。正當煩惱緊唔好天仲去唔去賞湖嘅時候，女神大人就提出咗一個問題。

原來佢自從喺戈壁沙漠出嚟之後，就覺得手臂好痕，一睇，見到隻手生到一撻撻咁



痕咗幾日，又人在異地，我都唔敢掉以輕心。如果喺香港，隻手生少少唔知癬定咩可能求其買支藥膏或者唔理佢等多幾日搏佢自己好返就算。但而家唔知係咪啲蒙古包唔乾淨，一諗到遲啲越發越大咪仆街，就即時淆晒底。

行程嘅嘢到時先算，都係睇醫生緊要啲。



去咗市中心嘅一間醫院。全間醫院都冇人識英文，我又唔識俄文，反射動作咁拎部電話出嚟，點知職員老到連睇google translate都睇唔到



搞搞吓成間醫院嘅人都望住我地，最後有個熱心嘅姑娘衝咗出嚟幫手翻譯，原來佢識講煲冬瓜 了解完之後，佢表示我地間醫院唔睇皮膚科，然後比咗兩個地址我地叫我地去試吓。

我地先去第一個比較近嘅地址。我地揸住一張由當地人幫我地寫嘅紙仔入去，遞比reception個姐姐睇。張紙仔大意就係話我地啱啱去完戈壁七日，隻手皮膚就開始痕，想見醫生睇吓係咩事。姐姐望完張紙仔，就話佢地都唔睇皮膚科，叫我地過主

屌咁頭先間醫院又推薦我地過嚟

唔緊要，好彩我地仲有另外一間

唔知行咗半個鐘定一個鐘，去到第二個嘅希望。我地又遞上紙仔比門口個姑娘。佢唔駛兩秒就寫返張紙仔比我地，上面寫住佢地診所嘅開門時間。原來佢地兩點閂門，我望望隻錶，當時搭正兩點，我指住我隻錶，又望望醫生房入面着住袍個姨姨，心諗原來醫生未走 就厚住面皮問佢肯唔肯睇埋先走

結果佢直接除袍走人 拜拜我條尾

其實佢係冇錯，夠鐘收工天公地道。或者我係我葡萄佢兩點可以收工

搞左半日醫生睇唔到，心情亦冇晒。入藥房比隻手啲藥劑師睇，佢又叫返我去睇醫生

有冇人知我應該點樣做好

樓主好好心機打返哂遊記出嚟
加油

係外地睇醫生真係一個問題

文

留名

搵醫生搵咗成日，都係睇唔到 好彩喺香港都有醫藥界嘅朋友，最後拎住個藥名去藥房買咗隻藥膏搏一搏，希望冇事

搞足一日之後，我地嘅俄羅斯之旅已經亂咗龍。因為原本只係預咗喺伊爾庫茨克留三日，用三日時間去奧爾洪島睇貝加爾湖，而家少咗一日，兩日一夜其實去嚟冇意思，因為下畫一去到已經要準備聽朝回程

我地將個煩惱講咗比cs個host聽，佢就覺得好奇怪。原來對佢地嚟講最奇怪嘅地方，係做乜要坐四日火車去莫斯科 其實諗諗下，點解我當初會揀坐火車呢？一嚟係因為平，二嚟可能係因為好多人講，講到我覺得應該要坐。唔知係出咗黎十幾日令我覺得諗嘢要用多幾個角度，定係當地人講嘢係有說服力啲，當時我就好質疑究竟點解我要坐四日火車

即刻上網㩒一㩒伊爾庫茨克去莫斯科嘅機票，原來同西伯利亞鐵路唔係差好遠價錢，冇記錯好似係由七百幾蚊變咗一千蚊左右 ，貴三百蚊玩多三日，個host仲要話我地可以喺度隨便留多幾日，即刻住宿費都慳返，令我不禁心生搭飛機嘅念頭

諗深一層，我又唔係好似隔離post咁要由香港踩去歐洲，亦從來冇話過要堅持用陸路旅行，但就總係好似有個心理關口要衝破咁。有冇人明白嗰種講唔出嘅感覺係咩？

最後令我決定飛嘅，都係女神一句唔想再坐火車。佢聽到我話可以搭飛機嗰吓好似收到份禮物咁開心

旅行，或者就係需要放低一啲無謂嘅堅持。

西伯利亞鐵路，其實我已經試過，坐咗一晚嘅感想係同普通長途火車冇咩分別當然我唔會話係冇坐嘅意義，畢竟對於鐵路撚嚟講佢就好似心中嘅一座聖城咁，有一種接近宗教嘅神聖，只係我呢啲凡夫俗子感受唔到 。

買咗機票之後，我地留喺伊爾庫茨克嘅時間，就由得返兩日增加到仲有五日 足夠我地慢慢喺個島到玩劫後餘生。



第二日我地就事不宜遲，出發去奧爾洪島

唔知算唔算遲
但呼倫貝爾真係好靚架
不過本身我都想去呼和浩特
睇完之後覺得唔使去
勿相認