有冇人對日本神話有興趣?

講唔講埋外來神 日本神本多到仆街，希望樓主唔好爛尾講得哂主要果d

外來神？你想講民俗信仰嗰啲神？
我會跟返記紀神話 (主要係古事記)嘅流程去講
講完可以再講下啲民俗信仰嗰啲神或者講下妖怪，神道教嗰啲

佢地可能知雷切定千鳥勁啲

講唔講埋外來神 日本神本多到仆街，希望樓主唔好爛尾講得哂主要果d

外來神？你想講民俗信仰嗰啲神？
我會跟返記紀神話 (主要係古事記)嘅流程去講
講完可以再講下啲民俗信仰嗰啲神或者講下妖怪，神道教嗰啲

道教傳入去果d

道教啲神祗其實喺日本唔係太常見(比起佢地本土嘅神啦) ，但道教思想都幾影響日本宗教嘅發展，例如話陰陽道，五行思想，四神相應之類
巴打有興趣嘅之後都可以講下

好多都係睇夜斗識返嚟

邊個話，我係邪流丸識返黎

第三章 國土誕生
大家好! 咁上一章就同大家介紹咗別天津神同埋神世七代，今次我地就會睇下第七代神明伊邪那岐同伊邪那美創造國土嘅經過。(比較長少少 )
第一章都有同大家介紹過三界係咩啦，咁啲神都有幫依三界命名嘅：天界就叫「高天原(たかまがはら)」，人世間就叫做「葦原中國」，而冥界就叫做「黃泉國(よみのくに)」。依家神祗就愈嚟愈多，不同嘅神都會用佢地嘅「神力(しんりき)」去創造神殿呀田地呀等唔同嘅設施，高天原就變得愈嚟愈有生氣，好似一個天空之城咁。但唔知大家仲記唔記得依個時候嘅國土係點嘅樣呢？無錯啦，仲係好似水面啲油咁浮下浮下，一啲生氣都冇。咁依個時候天御中主神就覺得要整整佢，所以就call哂啲神去開會去傾下點搞搞佢啦。


天御中主神：國土嗰到乜都冇，會唔會悶咗啲?

高御產巢日神：係咩?

天御中主神：因為嗰到乜都冇，整啲自然呀動物呀人類落去興旺一下會唔會好啲呀?

高御產巢日神：但係國土喺個海到浮下浮下，會唔會好難住呀﹖最起碼都要固定咗國土先啦。

神產巢日神：咁可能就要拎「天沼矛(アメノヌボコ)」搞搞佢啦。天沼矛係一支有好多裝飾嘅矛嚟嘅，咁佢有固定大地嘅神力，用嚟固定國土就最啱啦!

天沼矛(DNA)示意圖

如是者，依三位神明界老鬼就強迫吩咐兩個freshman 伊邪那岐同伊邪那美兩兄妹去固定國土，順便比埋支天沼矛佢地去建立葦原中國啦。雖然老鬼叫伊邪那岐佢地去建國，但其實伊邪那岐佢地都唔知實際係要做啲咩，所以伊邪那岐就覺得要親身落去視察下啦。之後伊邪那岐就帶住伊邪那美去「天浮橋(あめのうきはし)」到啦。
大辭林咁樣解釋天浮橋：懸掛於天地之間，神明從天上下凡至地上時通過的通道 (天と地との間にかかり、神が天上から地上に降りる時の通路となるという橋)


伊邪那岐：伊邪那美你睇下 !依到係咪睇得好清楚(葦原中國)呢?

伊邪那美：咦嗰pat嘢真係好樣衰好樣衰呀 !唔得，等老娘去執執先


於是佢地兩個就企喺天浮橋到，將天沼矛插落個海到，然後就攪攪攪。攪到咁上下佢地就拎返支矛上嚟，矛尖上面凝結嘅鹽滴咗落個海到，形成「淤能碁呂島/自凝島(オノゴロ島)」，意思啫係「自己凝固嘅島(おのずから凝り固まった島)」(雖然係神話架空嘅島嶼，但有一說係指現今淡路島附近嘅島嶼)。

淤能碁呂島形成示意圖

(續)

其後，佢地兩個喺個島上面起咗條「天御柱(あめのみはしら)」，然後圍住個天御柱建立好大嘅神殿「八尋殿(やひろどの)」，一齊留喺神殿入面住啦。喺神殿入面，伊邪那岐就問伊邪那美一啲野啦


伊邪那岐：伊邪那美，點解你個身體同我唔同嘅?你個身體係點形成架?

伊邪那美：我嘅身體係逐忽逐忽形成嘅，但就少咗一忽野(意指沒有男性生殖器官)

伊邪那岐：我嘅身體都係逐忽逐忽形成嘅，但就多咗一忽野(意指擁有男性生殖器官)。既然係咁，不如就用我多咗嗰忽野插落你少咗嗰忽野，藉此生產國家，你話好唔好呀?

伊邪那美：哇好似好正咁喎 ，我真係迫不及待想試下呀!但係咁喎，我未結婚前係唔可以破處架喎，咁不如我地結咗婚先扑啦 。


有J係男人，冇J就係女人

就係咁，伊邪那岐為咗可以破伊邪那美依個mk妹嘅處，就舉辦咗日本史上最初嘅婚禮啦。伊邪那岐同伊邪那美分別都著咗啲好靚嘅衫去參加佢地嘅婚禮，但究竟佢地喺婚禮做咗啲咩呢?沒錯，就係求婚啦!咁伊邪那岐同伊邪那美就喺碌天御柱面前背對背咁企，伊邪那岐圍住碌柱向左行，而伊邪那美就圍住碌柱向右行，跟住佢地相遇對方啦：


伊邪那美：哇!真係一位好型嘅oppa呀 ! (阿那邇夜志愛上袁登古袁。)

伊邪那岐：哇!真係一位好pure好true嘅mk妹女仔呀 ! (阿那邇夜志愛上袁登賣袁。)


就係咁，日本第一宗嘅婚禮就此落幕啦，而伊邪那岐亦都正式同伊邪那美結為夫婦啦，迫不及待地洞房啦。無幾耐，伊邪那美就大咗肚啦，但之後生出嚟第一個仔就好似水蛭一樣，故稱「蛭子(ヒルコ)」。當伊邪那美見到依個畸形嘅細路就想dum鬼咗佢，於是就將蛭子放喺一架由蘆葦編織成嘅船，然後就等佢流出大海。第二胎就生咗「淡島(あわしま)」，由於都係畸畸地形，所以伊邪那美就索性唔認依兩個細路係佢生嘅。依個時候伊邪那美就嬲嬲豬啦：


伊邪那美：點解我生啲bb都咁柒架

伊邪那岐：我都唔知架 ，咁不如去高天原問下別天津神佢地啦!


隨後佢地上咗去高天原就搵班老鬼傾下啦。班老鬼就拎咗啲雄鹿嘅骨出嚟，然後用櫻桃樹嘅樹枝嚟燒雄鹿嘅骨(太占，古代嘅一種占卜法，依家仲有神社會利用太占占卜)，終於占出咗生畸胎嘅原因出嚟啦。


老鬼：唔通你地求婚嗰陣係由女仔開聲先?

伊邪那美：係呀

老鬼：咁樣點得架 ，求婚依家野點可以由女仔開聲先架呢?嗱，你地搞多次婚禮，求婚嗰陣呢就伊邪那岐開聲先，然後先到伊邪那美出聲。

如是者，佢地又搞多次婚禮啦，咁我喺到就唔詳寫啦，總之就係伊邪那岐開聲，之後先到伊邪那美出聲。今次終於生到一個好壯麗嘅仔出嚟啦，佢地就叫依個仔做「淡路島(あわじしま)」，目的係想記念佢地第二個仔仔「淡島」啦。之後佢地就陸陸續續生咗唔同嘅島(国産み)出嚟啦。

(第一個島) 淡道之穗之狹別島(アハヂノホノサワケノシマ)—淡路島
(第二個島) 伊予二名島(イヨノフタナノシマ)—四國：有四個樣，分別係

「愛比賣(エヒメ)」[即現今愛媛縣]
「飯依比古(イヒヨリヒコ)」[即現今香川縣]
「大宜都比賣(オホゲツヒメ)」[即現今德島縣]
「建依別(タケヨリワケ)」[即現今高知縣]

四國地圖

(第三個島) 隱伎三子島(イヨノフタナノシマ)—隱岐島
(第四個島) 筑紫島(ツクシの島)—九州：同四國一樣都有四個樣，分別係

「白日別(シラヒワケ)」[即古時的筑紫國]
「豐日別(トヨヒワケ)」[即古時的豐國]
「建日向日豐久士比泥別(タケヒムカヒトヨジヒネワケ)」[即古時的肥國]
「建日別(タケヒワケ)」[即古時的熊曾國]

筑紫島(現今九州)地圖

(第五個島) 伊岐島(イキの島)—壹岐島
(第六個島) 津島(ツシマ)—對馬
(第七個島) 佐渡島(サドの島)
(第八個島) 大倭豔秋津島(オホヤマトトヨアキツシマ)—本州 (即日本列島的主要島嶼)

伊邪那美一共生咗八個大島出嚟，共稱「大八島國(おおやしものくに)」，形成「日本」依個國家啦。

大八島國

下一章將會同大家睇下伊邪那岐同伊邪那美生唔同神嘅經過。

lm

火影招式/人名

留名

佢地。生個島出黎

佢地。生個島出黎

都唔算係嘅
其實因為以前啲人會認為島都係神嚟，所以佢地就覺得依啲島係伊邪那岐同伊邪那美生落嚟架啦 換言之啫係將島擬人化咗

點解佢地都未開始做生物，班老鬼就可以拎雄鹿骨同櫻桃樹枝出黎占卜?

點解佢地都未開始做生物，班老鬼就可以拎雄鹿骨同櫻桃樹枝出黎占卜?

葦原中國冇啫，高天原有架嘛

留名

LM

推個先

生個島左嚟

樓主依排忙住做proj , 所以出文次數比較少
望大家見諒