有冇人對日本神話有興趣?

大家好 其實小弟一直都對日本神話非常之感興趣，咁啱又睇到啲資料係講日本神話，所以想係到同大家分享下，討論下
其實係想練下日文
小弟可能寫得1999，還請多多指教

序 日本神話時代與記紀神話
日本嘅神祗多不勝數：伊邪那岐、伊邪那美、天照、無限月讀、須佐之男等等，相信大家都喺game呀動畫中聽過下咁，但當中眾神嘅來源係咩呢？佢地之間又有咩故事呢？
記紀神話係指《古事記》同《日本書紀》兩本書中記載嘅神代史，同時亦都係日本神話嘅經典作之一。兩本書名雖然唔同，但亦都有記載住相似嘅神話故事同歷史事件，所以我地就叫佢地所記載嘅神話同歷史做記紀神話啦

《古事記》為現今發現日本最早嘅歷史書，由日本嘅神話時代開始記載，直至因聖德太子攝政而變得出名嘅推古天皇之間嘅事蹟。《古事記》分為上中下三卷，其中只係得上卷（旧辞）有收錄唔同嘅日本神話同埋傳說，而中下卷（帝紀）就紀錄天皇家嘅家譜以及佢地嘅事跡。所以話，《古事記》係集日本各地口耳相傳落嚟嘅神話同歷史所編纂嘅一本經典史書。
而《日本書紀》其實係為了海外(因為成本書都係以漢字記錄)而撰寫嘅日本正史，由日本第一位天皇—天武天皇嘅仔舍人親王所寫。但《日本書紀》全書三十卷中就只有卷一同卷二（神代）詳細記錄住日本神話。
小弟將會參考記紀神話同埋唔同嘅資料，同大家分享下日本神明佢地嘅故事 。

小弟主要嘅參考資料 :
http://nihonsinwa.com/
http://kojiki.co/

有興趣

第一章 天地開闢及造化三神
現時嘅日本可以分成三個領域：「眾神居住嘅天界」，「人類居住嘅世間」以及「死者居住嘅冥界」(天界即係俗稱嘅高天原)

但係喺天地仲未形成嘅時候，世界仲係處於一個混沌嘅狀態。直至混沌開始分開啦，一啲澄明而較輕嘅物質就會形成天；相反混濁而較重嘅物質就會形成地。一開始係天先形成，之後先到地下，經過好耐時間，天地就形成了。



天地分開，神就誕生了


神話史上第一位神明—天御中主神（アメノミナカヌシノカミ）喺天地初開後誕生。同佢個名一樣啦，天御中主神被視為「天界嘅中心領袖」，亦都因為佢係第一位日本神明，所以被視為最偉大嘅神明。天御中主神其實冇乜技能可言，而且一直都匿埋喺天界乜都唔做，但就被視為係眾神首領嘅象徵，其實乜都冇做過 (別名天界freerider / 廢老)。

其後，第二位神明誕生了—高御產巢日神（タカミムスビノカミ）。因為高御産巢日神生得同棵樹一樣高大，所以又稱「高木神」(其實只係個名字too long didnt read而幫佢改一個短啲嘅別名，好似係)。其後因為天界除咗freerider之外亦都冇其他神明所以覺得太悶，所以衪就學天御中主神一樣freeride了一陣 。
佢個名「たかみむすびのかみ」，其中「高御(たかみ)」係高木神(たかぎのかみ) 嘅簡稱；「産巢(むす)」代表生產，生命嘅誕生；而「日(び)」就代表太陽。將「高大嘅樹木」、「生產」同埋「太陽」嘅意思結合，就有「孕育生命」嘅意思了。(另一方面「産巢日(むすび)」音同「結び(むすび)」，有扑野嘅意思)



老實講比起天御中主神，高御産巢日神更加似眾神之首，在天上守護住日本。但因為衪嘅存在感實在低到who fucking cares ，所以眾神大抵都認為天御中主神先係眾神之首。

喺高御産巢日神誕下不久，第三位神明亦誕生了—神產巢日神（カムムスビノカミ）。
高御產巢日神同神產巢日神一般都被視為父性同母性，陰陽兩儀嘅象徵，但其實三位神明都冇所謂「性別」的概念，所以現今會以「獨神(ひとりがみ)」，即係冇女屌又冇仔生，嚟稱呼佢地。(但事實上因為神產巢日神嘅形象同女性相若，所以一般都會認為佢係代表母性嘅一方嘅)

就係咁，三位最重要嘅神明誕生了，後人將依三位freerider神明冠以「造化三神」之稱啦 。

下一章將會同大家一齊睇下五柱別天津神同埋神世七代

Lm
之前都日本買書睇過

LM之後再睇

FYP做神話，巴打交流吓

FYP做神話，巴打交流吓

巴打都係做日本神話? 賜教賜教

樓主對別天神有乜睇法?

原本一直以為天照係最大粒嘅日本神 原來唔係
Lm學嘢

lm

留名

樓主對別天神有乜睇法?

止水好型

Lm

樓主對別天神有乜睇法?

止水好型

咁依邪那歧同依邪那美兩兄妹點睇?

留名

每次睇到 迦具土 出世就想笑

Lm

每次睇到 迦具土 出世就想笑

燒你個臭閪

留明

留名學野

樓主對別天神有乜睇法?

止水好型

咁依邪那歧同依邪那美兩兄妹點睇?

佢兩兄妹係咪有少少借鑒咗伏羲同女媧