棍波新手死火溜後到冇哂自信

各位大佬你地好
今日出post 係因為揸棍波車好氣餒想圍下爐搵d 鼓勵同問下大佬們嘅心得

我上個月尾考棍Van 牌合格
好快就今個月買左架棍波車
係呀…
P 牌加棍波車

本身就係覺得到2035 就唔會發新嘅汽油車牌
想有生之年玩下棍波車
所以考到牌就唔理三七廿一定係買棍波車

開頭會覺得
難揸啫，我有自己車唔怕啦，咪死練爛練
點知揸左兩星期（頭一星期兜停車場，之後夠膽出下街）
揸到唔敢揸…

問題有3

1. 起步死火
大家都知你有引擎同柴油引擎唔同
所以私家車同棍Van 唔同
要學識俾油起步… 之後而家我成日都唔係好想做一停一開
因為重新起步之後會好驚死火
一係就驚俾大啖油得滯會燒極力子
仲有出道街
後邊係啲小巴的士
好大壓力…
之後通常越緊張就會越易死火
試過有一次係一支燈轉左三次，我先至行得郁…

2. 鈄路溜後
同起步死火差唔多原因
不過再大獲啲嘅係
好驚溜後會影響到後面嗰架車
仲要自己係住港島區
比較多斜路…
之後都係越驚就越會搞唔掂…
所以都唔敢去得遠嘅地方，因為驚要斜路停車開車

3. Rev Match
依家次次準備轉彎之前
會落波
但係次次都係踩剎車殺到好慢先轉波
之後就好似影響到後面架車
因為煞掣殺得咁多
但係如果我唔殺咁多，落貨嗰陣時又會好chok
呢個技巧有待磨練
不過仲未真係做到影響到自己出唔到街
最多行慢啲…

其實已經上網睇好多片
自己都會喺停車場上落樓層之間
試吓斜路開車停車
但係一出到街
通常都會較唔掂
朋友仔話
唔好理，揸多d 就得
但係真係好怕影響到其他車

到底大家新玩棍波車嗰陣時
係點克服怕影響到其他道路使用，同埋令到自己隻腳可以咁勁咁hold住極力子起步架呢…

我而家平路又好，斜路又好，都會拉手掣
俾大約千五至兩千轉油，慢慢提起左腳至到車頭有反應
之後鬆手掣
之後多數都會死火
磨擦點真係郁少少都唔得咩…？

其實鬆手掣有冇技巧
係要快鬆？定係慢慢鬆？

定係其實我太心急
新手揸得嗰一個月都未夠，成日死火係好正常呢？

希望呢度嘅棍波師兄可以指點一下我迷津…
好期待可以揸住架棍波車周圍去…

轉自動波

幾多年車？

邊有咁易燒極力子

咪再比大腳啲油 同極力子再放慢啲
頂住咪頂住理閪得佢

利申 都係驚驚地 同怕死火同溜後

轉自動波

慢慢練多幾次搵個G點出黎，唔好怕燒極力子，

其實都係工多藝熟
個個啱啱開始都係日日比人吊老母
話撚知人地吊老母 照揸
要真係叫識揸棍波至少練番半年

搵G點, 俾油, 先鬆手制

夜啲先操車
避開繁忙時間
避開繁忙地區

睇你係邊部，有啲棍車出名新手向啲，就算rev match果啲做唔足都會協助你。如果你係練老派果堆就⋯練多啲吧

老老實實
其實人呢就唔一定要揸車
坐公交都可以好舒適

2008 年…

應該俾油先定搵左G 點先？
我覺得比住油好似難啲感受到架車個郁動…

啱呀～
都係想學多樣野啫…
未想咁快半途而癈所以想搵下咁多位大佬指教下

是呀
已經嘗試星期六日7點朝早…
同埋平日夜晚11點先出車…

但都試過俾個小巴佬推…
倒後鏡見到佢車頭燈勁閃…

我自己就搵咗G點先
以我所知比較新的車有電子手制
你俾油向前時就自動鬆手制做少樣嘢

好多朋友仔都話照揸就得…

我都打算係咁不過想睇下大家有冇乜秒訣可以吸收下
另外溜後真係驚…

其實一個人夜晚渣車遊吓車河好開心

唔使驚, 覺得溜咪即睬返brake囉
夜晚搵條有暗斜少車的路自己練吓

香港燈位太多揸棍唔熟手真心辛苦

夜晚係冇乜人嘅地方練好平地起步先
同埋你邊款車黎 套極力子貴野黎？

考到牌大把時間點練都得啦

冇電子手制喇…
舊車仲係卡卡卡手制

所以你係搵左G 點> 俾少少油> 定住左右腳同時輕放手制？
到佢行順左再加油同慢慢拎起左腳？

暫時睇你既問題 好明顯唔敢比油
大膽d踩 冇咁易壞
一波兩千轉起步 吊極力子易過你新手控油門唔死火

拖波都大膽比油 試多幾次
斜路你冇信心就拉手掣起步
玩返幾個月好快知點玩