點解西方D 數學程度咁低, 但係科技咁勁

香港你只要高中考好公開試，一紙傍身就大學通行。

佢地話英國做中學生，唔只A level要考得好，仲要花好多時間參加ECA / 比賽 / 做Intern，又要不停爭寵，跪求老師寫封靚仔嘅Reference letter同Predicted grade，EPQ又要得到老師青睞先有戲唱…
咩愉快學習，根本就係得啖笑。你要巴結同得到老師嘅寵愛，所需嘅心力絕對唔少，佢地私校嗰班𡃁仔好細個就已經要學識好似成年人職場咁生存。

人哋重視藍海，亞洲只係重視紅海

中小學香港大陸咪屌打歐美

但你睇下近20年fields medal 同Abel prize 有幾多歐美數學家拎
有幾多亞洲數學家拎
就會知知差距

做地盤樓面真係唔需要學微積分

無腦月供TQQQ For理解唔到股市既蠢人

唔好玩啦，你覺得改變世界嘅科學家係靠中學數學？係都拿PHD level來比啊。

唔係獨立解決，有團隊

因為制度好吸哂東方人才

你笑人哋程度低啫，其實根本佢哋個課程推慢咗嚟教，但就培養到啲對數學有興趣嘅人

西方真係會引導學生思考，唔識同埋錯咗都唔緊要，最緊要夠膽去試
亞洲逼學生唔識都要背晒佢唔係就考試合畢唔到業，令到原本已經冇興趣嘅學科更加唔會想去掂

有無自殺率之類嘅數據support?
如果真係如你所講咁Q大壓力
好細個就已經要學識好似成年人職場咁生存
咁英國學生嘅自殺比率應該高過香港

我響香港英國美國都教過/讀過 私校同公立免費學校，可以用親身經驗話你知英國同美國既“普遍”公立免費學校數學程度係極低，可以揾下英美政府自己做既研究數字。
實際生活上，普通市民既數學能力都係極低，去超市啲職員唔識心算，例如收96.2，俾100.2佢就hang晒機。有次有折扣，但過機過唔到，啲職員拎埋計數機都唔識計個%應該減幾多。學校入面，普遍中學生連基本2位加減心算都計唔到，1位乘1位都可能要諗幾秒，乘2位更加hang 晒機。
但係私校就完全兩回事，好似兩個世界咁樣。
之所以“外國數學比香港勁“應該指私校同高等教育only，公立免費學校學生既能力係低香港學生3-4個年級。

認真答你
啲乜鬼嘢鬼佬數學差根本只不過係錯覺 同樣道理中國佬咪又係一樣有數學低能

而且亞洲人的確考試好勁，好識得玩技巧，我細個已經喺美國同澳洲讀書，講明先我唔係貶低亞洲人係純粹真心覺得亞洲人好識得屈分 好識得玩考試規則，所以普遍佢哋都真係成績好叻

調返轉西方人好似考試真係廢啲，甚至我以前識好多鬼佬同學，明明見佢哋日常生活同你對答都好流利、對於好多物理或者數學嘅知識都了解得好透徹，但係偏偏考試就係唔高分 甚至我以前有兩個鬼仔朋友，明明平時可以同你講好多物理偉倫，仲要係有板有眼嗰隻，但係考試竟然Fail

所以我覺得佢哋唔係真係想像中咁廢，係純粹大家思維模式唔同，追求嘅嘢都唔同

錯咗都唔緊要其實唔一定好, 每件事都有成本
出到嚟做嘢繼續錯咗都唔緊要, 咁最後邊嗰埋單?
例如HS2, 依家delay到no new date
起樓物料原來唔防火, 人命無咗, 仲有一大堆業主要比錢修補拎返EWS1
連最近軍營都可以被入侵後知後覺真係搞笑

死記硬背 = overfitting

中国人智商第一 世界第二
我係中国香港尾國人呀屌

呢啲咪只係學咗理論但無應用同掌握能力

小弟都係理科人，細個亦都喺美國同澳洲讀書
大學亦都係讀工程系，而且而家都喺澳洲公司做嘢，所以都叫做咩種族嘅朋友都有、亦都好了解數理化領域嘅嘢

始終大家嘅思維模式爭太遠，追求嘅嘢亦都唔同，再次講明先冇話對與錯，亦都冇話邊個高級啲

只係普遍亞洲人追求嘅係分數同埋成果，真係好識得喺個規則入面玩遊戲，亦都真係好識得屈分，甚至誇張啲講可以為咗分數不擇手段，當然亞洲亦都有好多國家，講到呢方面嘅技能中國人真係算係最強，所以你見到中國好多嘢都發展得好快，大家都會不停講中國起樓好快起高鐵起碼路都好快，但係就好似冇人在意過質素。
以前讀書嘅中國同學都係，好多都真係名列前茅，不過即使佢哋計咗成世微積分、各種嘅物理難題，但係其實佢哋唔係好講得出佢哋到底實質上係計緊啲乜嘢、啲知識喺現實上有咩用 佢哋只係大概知道見到呢啲題型你就要咁樣去解。但係你又吹佢唔脹，咁的確佢哋又真係成績高分

至於我以前讀書普遍鬼佬同學，明明佢哋真係實質上噏得出嗰啲知識喺現實上有咩用，甚至佢哋真係理解得好透徹，但係考試總係唔係最高分嗰個，直頭我都講過我有幾個鬼佬朋友你日常生活同佢哋傾偈，你仲會覺得佢哋好醒目添，啲乜鬼嘢工程難題佢哋唔知點解都會講得超流暢，亦都可以解釋到俾你聽啲公式係攞嚟做乜，但係偏偏佢哋考試就係好廢，甚至仲會Fail

所以只可以講，啲乜鬼嘢西方人數學程度低只不過係錯覺，你覺得佢哋程度低純粹因為你覺得佢哋考試低分啫… 我以前喺外國讀書咪又係一大堆中國同學成日笑鳩啲鬼佬數學廢，實際上人哋唔係廢，係人哋低分啫…而咁啱中國人又淨係睇表面 調返轉我啲中國同學考試超撚勁，但係現實啲公式理論攞嚟做乜鳩佢哋其實都係知啲唔知啲

所以讀書好勁嗰啲證明佢哋好識跟規則走，呢啲人反而好難創新，亦都一定喺社會上循規蹈矩搏上位嗰啲人嚟
因為啲可以發明好有創意或者好超前嘅科技嘅人大部份個性都係比較唔適合學校系統
老實講，學校教你嘅嘢根本冇一樣嘢係創新嘅，你自己回憶吓你讀書時期學校根本冇教過你任何一樣嘢係關於創意或者擺脫固有思維嘅

其實香港讀一樣有啲咁嘅人

唔係東西之別，只係嗰啲人有與趣嘅重點唔同。

有人理論好熟，但應用計算唔掂
有人應用計算好掂，但理論唔掂

考試好明顯要求你應用計算，因為容易計分
文字題考你理論同描述，但計分點麻煩所以少出。

但我響香港讀嗰陣，做完個Lab都會口頭問你理論，係要過到先放你走。

因為真正嘅天才一個就夠
其他只係輔助

外國係average低，但因為讀書時比較自由發揮，多啲天才，亦多癲才，亞洲average高，但好多係谷出嚟